Ez 16:44 - Chuj San Sebastian Bible

⁴⁴ Til wal 'anma 'oj 'a'nc 'och 'a scal spaxti', ax yaln eb' yuj Jerusalén chi 'ixtic: 'Icha wal 'ix nunb'il, 'ixta pax 'ix 'uneab'il, 'oj schic eb'.

Chuj San Mateo Bible

⁴⁴ Masanil eb' anima ol alan jun lolonel tic d'a spatic Jerusalén chi'. Ol yalan eb': Icha val ix nunab'il, icha pax chi' ix uneab'il, xcham eb'.

Ez 16:44 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 21:16

Ax yic xyab'n win Acab to chamnc xo win Nabot, yuj cha, 'ix 'at smacnoc 'ec' win yico'oc jab' slum win Nabot cha, win 'aj chon̈b' Jezreel.

A Ch'an̈ Schab'il Libro Yic Yab'ixal Eb' Rey 17:11

Ata 'ix sn̈ustz'a eb' incienso 'a jun tzo'n̈ macsej 'a jolmctac witz cha, 'icha sb'eyb'al jun tzo'n̈ nacion̈ 'ix yij 'el Jehová 'a sat lum lum 'aj x'ec' eb'. Caw wal yel xo maysch'olnil tas 'ix 'el sb'on eb', 'ix stzuntzn cot eb' yowl sc'ojl Jehová.

A Ch'an̈ Schab'il Libro Yic Yab'ixal Eb' Rey 17:15

'Ix spatquilj can 'el eb' sley, yet' strato 'ix sb'o yet' eb' smam yichm eb', yet' schecnb'il y'ajnac 'a eb'. 'Ochnc pax tza'n eb' 'a spatquil jun tzo'n̈ comn dios to may jac yel'chi. A yuj jun tzo'n̈ cha, man̈x 'a jac yel'ch eb', cojxn stu b'eyb'al jun tzo'n̈ nacion̈ 'ay 'a stz'ey eb', a 'ix sb'eylb'ej eb', atn jun tzo'n̈ 'ay yowlal sb'eylb'an eb' yuj Jehová.

A Ch'an̈ Schab'il Libro Yic Yab'ixal Eb' Rey 21:9

Palta ma'ix schaj xon eb' yab'i'. A wal Manasés 'ix jucb'tzan eb' sb'on maysch'olnil, yel xo 'ec'b'al stul 'a yib'n̈ sb'eyb'al jun tzo'n̈ xo nacion̈ satjnac 'el Jehová.

Esdras 9:1

'Ix ec' jun tiempoal, ax eb' yajl yaj wuj 'a scal eb' chon̈b' cha, 'ix jaw eb' 'ayin, xyaln eb' 'ixtic: A eb' quit israelal, yet' eb' ya'mal 'och qui ti 'a Dios, yet' pax jun tzo'n̈ xo eb' levita, matz pojl sb'a eb' 'a scal eb' chuc chon̈b'al cajn 'a jun nacion̈ tic, 'in to tzb'eylb'ej eb' stu b'eyb'al eb' cananeo, eb' hitita, eb' ferezeo, eb' jebuseo, eb' amonita, eb' moabita, eb' egipcio yet' eb' amorreo.

Ez 12:22

Ach 'anma', ¿tas yuj tzyal eb' et israelal jun spaxti tic? 'Ipn yec' tiempo, ax tas alb'il can yuj eb' schecb' Dios, 'in matz 'el'chi, xchi jun spaxti eb' cha.

Ez 12:23

Yuj cha, al 'a eb' to an Jehová in, an tzwal 'ixtic: Man̈x 'oj wac' yal eb' 'anma jun paxti chi 'a scal eb' israel tic. Palta to caw wal la'n xo yaj sc'ul yel'ch smasnil tas in ch'oxjnac 'ilxoc 'a 'icha waychil cha.

Ez 16:3

Al 'a eb' to an Jehová Yajl in, an tzwala to 'ixtc yaj yab'xil Jerusalén yic xpitzw cha'an̈: Lajn wal 'icha junc 'ix 'ix to a 'a lum Canaán 'aljnac. Amorreo smam, ax snun, hitita.

Ez 16:45

A Jerusalén tic, 'icha to yune junc 'ix 'ix chacb'il 'el yichmil yu'uj, yet' pax eb' yune'. 'Ixta pax eb' 'ix nuljab'il cha, chacb'il 'el yichmil eb' 'ix yu'uj, yet' pax yune eb' 'ix. A 'ix nunb'il cha, hitita 'ix, ax win mamb'il, amorreo winac.

A Ch'an̈ B'ab'el Libro Samuel 24:13

'Ay jun paxti tzyal eb' 'anma pecti 'ixtic: A maysch'olnil, ata tzcot 'a eb' maysch'olnil, xchi. Yuj cha, may xon b'a'n̈ 'oj wi' chan̈ in c'ab' 'aych mamin rey.