Ez 16:41 - Chuj San Sebastian Bible

⁴¹ 'Oj sn̈ustz'a eb' yatut, ax sb'eyc'ojlan eb' yet' yailal 'a sat jun tzo'n̈ xo eb' 'ix 'ix. 'Ixta 'oj aj yoch wan sb'on 'ajmulal, ax yactn stojn eb' chamc'ojlab'il yuj cha.

Chuj San Mateo Bible

⁴¹ Ol yac'och sc'ac'al chon̈ab' chi' eb', d'a yichan̈ juntzan̈xo nación ol javoc yaelal d'a yib'an̈. Icha chi' ol aj vac'an lajvoc yajmulal chi', man̈xa b'aq'uin̈ ol stup eb' b'aj ay sgana chi'.

Ez 16:41 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 25:9

'Ix ya'n n̈usxoc can yatut Dios yet' sdespacho win rey yet' smasnil yatut eb' 'aj Jerusalén, yet' pax smasnil yatut eb' niwc winac.

Job 34:26

'A sat 'anma', tz'ajx 'och syailal eb' yu'uj, 'icha tz'aj junc maysch'olnil,

Is 2:18

ax ya'n satl smasnil jun tzo'n̈ yechl comn dios cha.

Is 27:9

Palta 'ixtc wal 'oj yutc Dios yi'n 'el smul eb' yin̈tl Jacob. Choc' 'oj yutc can eb' jun tzo'n̈ yet'l sdiosal eb', 'icha cab' tz'aj yulb'x 'ejm q'uen tan̈ 'a yic tzpolxi; 'ixta cab' tzyutj can eb'. Man̈x 'a junc te te sch'oxnb'il comn dios Asera tzcani, man̈xtzac yactj can pax eb' jun tzo'n̈ yet'l xajmb'al 'aj tz'a incienso yuj yijx chan̈ scomn diosal.

Jeremías 39:8

Ax eb' 'aj Babilonia cha, 'ix sn̈usn can eb' despacho, yet' smasnil n̈a 'ay 'a Jerusalén. 'Ix sma'n lan̈chjoc eb' smuroal chon̈ab'.

Jeremías 52:13

A win xwul n̈usnc yatut Dios yet' sdespacho eb' rey, yet' yatut eb' niwc winc 'a Jerusalén cha.

Ez 11:9

'Oj ex wic' 'elt 'a yol chon̈b' tic, ax wa'n 'och yailal 'a eyib'an̈, ax 'a yol sc'ab' eb' chuc chon̈b'al, ata 'oj ex wactcani.

Ez 16:33

A eb' 'ix 'ajmul 'ix, tzchaj eb' 'ix stojol, palta ax jun cha, a tztojn eb' winc tzmuln yet'oc, sec tzann̈j 'aj tzlaj cot eb', tzc'och eb' mulnc yet'oc.

Ez 23:10

Ax x'aji, sjitn 'el ewin 'ix, xyi'n 'ec' ewin eb' yune 'ix cha. 'Ix stzu'n cham ewin 'ix yet' yespada. 'Ixta xyutj ewin ya'n 'och yailal 'a yib'n̈ 'ix. 'Ix puc yab'xil 'ix 'a scal smasnil eb' 'ix 'ix.

Ez 23:27

'Oj wac' 'och wan a nib'n 'ajmulal, man̈x 'oj a na cot 'ajmulal a b'ojnac 'a Egipto, man̈x 'oj a na cot pax ewin 'aj Egipto cha.

Ez 23:48

'Ixta wal 'oj wutc in satn 'el 'ajmulal 'a sat lum lum tic, ax xib'tn sb'a smasnil eb' 'ix 'ix, man̈x comnoc 'oj sb'o eb' 'ajmulal.

Ez 37:23

Man̈x 'oj 'och e mul eyaln e b'a 'a jun tzo'n̈ yechl comn dios, man̈x 'oj e b'o tas yajb'entac, man̈x 'oj e comn b'oc maysch'olnil. An xo 'oj ex in col-l 'a scal maysch'olnil cha, ax wi'n 'el e mul 'aych 'a eyib'an̈, 'oj eyochx in chon̈b'oc, ax wochx e Diosaloc.

Ez 5:15

A yic 'oj wa'nc 'och yailal 'a eyib'n̈ yuj yowl in c'ojol, ax eb' 'anma 'a jun tzo'n̈ xo chon̈b' 'a e la'nil, caw wal 'oj ex stzetzc eb', ax ex sb'uchn eb'.

Ez 5:8

Yuj cha, an Jehová Yajl in, an tzwal 'ixtic: 'Oj woch 'ajc'ojlal 'ayex, q'ueln 'och jun tzo'n̈ xo nacion̈ 'ayex, ax wa'n 'och eyailal.

Miqueas 3:12

Smulyujoc eb', ax slajw 'ejm Jerusalén, atn jun chon̈b' yic tzaln Sión, 'icha wal t'ocb'il lum 'oj 'ajcni. Jun b'uln̈ 'oj 'ajcn 'ejmi, ax lum tzaln 'aj 'ay yatut Dios, waymtac 'oj 'ajcni.

Zacarías 13:2

An Jehová in, an tzwala, to a 'a smasnil yol smacb'en jun nacion̈ tic, c'uxn 'oj wac' lajwc smasnil jun tzo'n̈ yechl tzalx 'och diosal, sec wach' man̈x 'oj naxc cot sb'i eb'. Ax wi'n pax 'el smasnil eb' tzcob' yalch sb'a in checb'oc, yet' smasnil eb' 'aych snab'en 'a ewin demonio.

Dt 13:11

'Ixta wal 'oj yutc eb' quit chon̈b' tic yojcan 'el jun cha, ax xiw eb' sb'on jun tzo'n̈ tic, sec man̈ comnoc tzya'ch eb' smul 'icha jun cha.

Dt 13:16

Tze molb'tzej smasnil tas 'ay 'a eb', tzeyi'n 'at 'a plas 'a yol chon̈b' cha. Tzlajw cha, tzeya'n 'och sc'a'l jun chon̈b' chi yet' smasnil jun tzo'n̈ tzeyij 'ec' 'a eb' cha. 'Ixta wal tzeyutj eya'n tz'a 'a yojltac Jehová qui Diosalec. A jun chon̈b' cha, jun 'eln̈ej tzlajw can 'ejmi, man̈x 'a b'a'n̈ tzb'ox sjel.

Dt 22:21

to 'ixta', tz'ijx 'at 'ix 'a sti 'el yatut smam cha, ax eb' winc smasnil 'a jun chon̈b' cha, a eb' tzjuln cham 'ix yet' q'uen q'ue'en, yujto sb'o 'ix jun niwquil mul 'a scal eb' quit chon̈ab', tzyi'n pax 'el 'ix sq'uixwel smam. 'Ixta wal tz'aj satl jun maysch'olnil 'a e cal.

Dt 22:24

to 'ixta', tz'ijx 'at eb' schawn̈il 'a yojltac despacho 'a jun chon̈b' cha, ata tzjulx cham eb' yet' q'uen q'ue'en. Tzcham 'ix cob's cha, yujto yol chon̈b' 'ayc' 'ix, ma'ix 'el yaw 'ix. An̈jtona win winc cha, tzcham winac yujto xyixtj win 'ix 'ix wan yoch yistloc win yit wincal win cha. 'Ixta tzeyutj e satn 'el maysch'olnil 'ayc 'a e cal.

1 Ti 5:20

Toto 'ay mach matz yactj can sb'on maysch'olnil, caw tza tench wan eb' 'a sat eb' creyente smasnil, sec 'oj xiw eb' smasnil yoch smul 'a Dios.