Ez 16:38 - Chuj San Sebastian Bible

³⁸ Ax in b'eyc'ojlan yuj yajmulal yet' yuj smilm 'anma'il, 'oj wac' 'a yol sc'ab' chaml yuj yowl in c'ojl 'a yib'an̈.

Chuj San Mateo Bible

³⁸ Ol vac' syaelal d'a smojal, icha tz'utaj junoc ix ajmul ix yed' pax junoc ix mac'umcham anima. Yed' val yoval in c'ool yed' in chichonc'olal ol vac'och d'a yol sc'ab' chamel.

Ez 16:38 ပူးပေါင်းရင်းမြစ်များ

Gn 38:11

Xlajw cha, xyaln win Judá 'a 'ix yalb' chi 'ixtic: —A ticnec, wach' tzach paxx can yet' a mam a nun; may junc xo winc tztac' e'ni. At yic 'oj c'och sq'uinl ni wunnal Sela, atta 'oj ec' a b'a yet' na, xchi cob' Judá. Yujto sna Judá lemb'il tzcham pax win Sela, 'icha x'aj eb' yu'tac chi schami. 'Ixta x'aj 'ix Tamar spaxcn 'a yatut smam cha.

Gn 38:24

'Oxe xo am 'ujal, x'at alxoc 'ixtc 'a win Judá cha: —A 'ix alb' Tamar, 'ay am junc winc sc'umj 'ix, yuj cha, to yet'x 'ix yune ticnec, xchi eb' 'a winac. —'Ijec 'el 'ix 'a sti 'el chon̈ab', tzlajw cha, tze n̈usntz'a 'ix, xchi winac.

Gn 9:6

A mach tzmiln cham yit 'anma'il, 'anma 'oj milnc chamoc, yujto ax 'anmax tic, 'icha in tic, 'ixta ex wutj ex in b'oni.

Ex 21:12

A mach tzmiln cham junc 'anma', yowlal tzmilx pax chamoc.

Jeremías 18:21

A ticnec, cham cab' yunnal eb' yuj wejel, cham cab' eb' yuj owal. Cancn cab' yistzil eb' 'a man̈x 'a yichmil, man̈x 'a cab' yune eb'. Cham cab' yichmil eb' 'ix yuj yab'il, ax yune eb' to quelmtac, cham cab' eb' 'a scal owal.

Ez 16:36

Caw wal may sq'uixwel, yic sjitn 'el sb'a 'a sat eb' xmuln yet'oc, yet' pax 'a sat jun tzo'n̈ yechl sdiosal caw yajb'entac cha. 'Ix yi'n can pax 'el schic'l eb' yune xyac' xajmb'alil.

Ez 16:40

'Oj 'och eb' 'anma 'ajc'ojlal 'a 'a. 'Oj sjul q'uenoc eb', ax stzu'n cham eb' yet' yespada.

Ez 23:24

'Oj jawc eb' 'aych yet' scaruaje, scareta yet' eb' soldado eb'. A eb' soldado cha, caw niwn syamc'ab' eb' yet'i, 'ay q'ue sq'uen xumpiln eb', yet' eb' syamc'ab' tzmacn sat jul-lab'. 'Oj 'och oyn eb' 'ayach, ax ach wa'n 'a yol sc'ab' eb', yic 'oj ach sb'eyc'ojlanc eb' yet' sley.

Ez 23:25

Ax wa'n cot wal yowl in c'ojl 'a eb'an̈, 'oj wac' yi'l eb' a n̈i', a chiquin, ax eb' 'anma 'oj canoc, 'oj tzu'xoc cham eb' yet' q'uen espada. 'Oj stoc'c' eb' smasnil eb' 'anma', ax 'a slajub', ax ach sn̈usntz'a eb'.

Ez 35:6

Yuj cha, an Jehová in, an tzwa'cn in ti', to 'oj ach wa'ch 'a yol sc'ab' chamel, ax chaml chi 'oj 'a pechn b'eyc'oc, yujto 'ayx 'och chaml chi 'a eb'an̈.

Ez 36:18

Yuj cha, xwa'n cot yowl in c'ojl 'a yib'n̈ eb', yujto til wal 'anma smil eb' 'a yol schon̈ab', xlaj ya'n 'ejm sb'a eb' 'a jun tzo'n̈ yechl comn dios.

Lv 20:10

Toto 'ay mach tzb'o 'ajmulal yet' yistzil junc yit wincal, yowlal tzcham jun winc chi yet' 'ix 'ix cha.

Nahúm 1:2

A Jehová Dios toni, tzyac' spac yet' yowl sc'ojl 'a eb' tz'i'n 'ec' tas to smacl Jehová yaji. Tzpac sb'a pax 'a eb' tz'och 'ajc'ojlal 'a 'a, caw tzcot pax yowl 'a eb'.

Sofonías 1:17

A Jehová a tzaln 'ixtic: 'Oj wa'ch wal eb' 'anma 'a somc'ojlal. Yuj cha, lajn 'oj 'aj yec' eb' 'icha eb' matz 'uj yilni, yujto x'och smul eb' 'ayin. A schic'l eb', tzanxn̈ej 'aj 'oj 'elcn 'a sat lu'um, ax sq'uecn b'uln sniwnal eb' 'icha stza no noc', xchi Dios.

Nm 35:16

Toto 'ay mach tzma'n junc 'anma yet' junc q'uen yamc'ab' yic owal, mto yet' junc comn q'ue'en, mto yet' junc te te', ax jun tzma'x cha, toto tzlajwi, ax tz'aji tzchami, a jun tzma'wj cha, milj cham 'anma tzb'o'o, yowlal tzma'x cham pax jun xo.

Nm 35:21

mto 'ajc'ojl yajch junjn eb' 'a 'a, yuj cha, tzma'n yet' sc'ab', ax tz'aji tzcham junc 'anma chi yu'uj, a jun tzma'wj cha, milj cham 'anma tzb'o'o, yowlal tzcham pax jun xo. Ax junc 'ayt yuj sb'a yet' jun tzcham cha, a tztac' smiln chamoc.

Nm 35:31

Matz tac' schax tumn 'a junc milm cham 'anma', toto tox x'ajx 'och 'a yib'an̈, tojln̈ej schami.

Apoc 16:6

Yujto a eb' 'anma', xlaj smac' 'elt eb' schic'l eb' eco', yet' eb' a checab'. Yuj cha, cojxn chic' tzac' yuc' eb' 'anma ticnec. ¡Caw smoj 'ixta tz'aj eb'! xchi.