Ez 16:27 - Chuj San Sebastian Bible

²⁷ Yuj wal cha xcot wowal, xwa'n 'och syailal, xwi'n 'emt yoc tas tzc'uxu, xwa'n 'a yol sc'ab' eb' 'ix filistea, eb' 'ajc'ojl yajch 'a 'a. Caw wal tzq'uixw eb' 'ix yiln 'och sb'eyb'al.

Chuj San Mateo Bible

²⁷ Yuj chi' ay in och ajc'olal d'ay, ix vac'anoch yaelal d'a yib'an̈. Ix vic'anemta svael, ix vac'anpaxoch d'a yol sc'ab' eb' ajc'ool, aton eb' filisteo. A eb' chi' ix sat sc'ol eb' yilan sb'eyb'al Jerusalén te q'uixveltac sc'ulej chi'.

Ez 16:27 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 24:2

Palta 'ix chec cot Jehová eb' soldado 'aj Babilonia atn eb' caldeo, eb' sirio, eb' moabita, yet' eb' amonita yic tzwul yelc'noc eb' tas 'ay 'a chon̈b' Judá, sec wach' tzjuw 'el yuj eb', 'icha yaj yaln can eb' schecb' Dios.

Salmos 106:41

'Ixta x'aj scan eb' 'a yol sc'ab' eb' chuc chon̈b'al cha, ax eb' 'ajc'ojl chi 'ix yac' yajlil 'a yib'n̈ eb'.

Is 3:1

A ticnec, a Jehová tztac' yuj smasnil jab'xoj wal 'oj yi'l eb' 'anma to yipc'ojlal cob' yaj 'a Jerusalén tic, yet' pax 'a Judá, atn eb' tzwul 'a'nc can smasnil tas tzc'uxxi, yet' eb' tzwul 'a'nc can a a'.

Is 5:25

Yuj wal jun tzo'n̈ mul cha, ax ya'n cot Jehová yowl sc'ojl 'a yib'n̈ schon̈ab', ax ya'n 'och syailal eb' 'anma cha. A eb' lum niwc witz, c'uxn 'oj 'ib'xoc eb' lum 'a yet'ul, ax eb' 'anma cha, t'octac 'oj 'ajcn eb' scham 'a yol caye. Palta man̈ yujoc cha, 'oj 'ec' yowl sc'ojl Dios, 'ipn ya'n 'och syailal eb'.

Is 9:12

A eb' 'aj Siria, 'oj cot eb' 'a stojlal 'aj tzq'uel c'u, ax eb' filisteo, 'oj cot eb' 'a stojlal 'aj tz'em c'u. Junn̈j 'oj yutc sb'a eb', ax satn 'el eb' chon̈b' Israel. Palta man̈ yujoc cha, 'oj 'ec' yowl sc'ojl Dios, 'ipn ya'n 'och syailal eb'.

Is 9:17

Yujn̈ej wal jun tzo'n̈ cha, man̈x 'oj 'o'ch sc'ojl Jehová 'a eb' quelmtac winac, 'a eb' meb'a 'unn chamnc smam yet' 'a eb' 'ix 'ix chamnc yichmil. Yujto a eb' 'anma tic, jun 'eln̈ej maysch'olnil eb', tu eb' smasnil, cojn tu paxti'al tzyal eb'. Palta man̈ yujoc cha, 'oj 'ec' yowl sc'ojl Dios, 'ipn ya'n 'och syailal eb'.

Jeremías 34:21

An 'oj wac' 'ajxoc ganar Sedequías sreyl Judá, yet' smasnil eb' 'aych yajlil yet'oc, caw 'oj 'em eb' yuj eb' 'ajc'ojl yajch 'a cha, atn eb' tznib'n xon milnc cham eb'. 'Oj 'ajxoc ganar eb' yuj eb' soldado yic Babilonia, wach'xam tox xcob' 'actx can eb' yuj eb'.

Ez 14:9

Toto 'ay junc mach tzcob' sc'anb'j sb'a 'a junc tzyalch sb'a in checb'oc, toto tzyac' jun checb' chi spac junc paxti chi 'a yol yico', a jun cha, an tzwac' 'ixtxoc paxti'. 'Oj wic' chan̈ in c'ab' 'a 'a, ax wa'n 'och syailal, 'oj wi'l 'a scal eb' in chon̈ab'.

Ez 16:37

Yuj wal cha, 'oj wac' syam sb'a eb' xmuln yet'oc, atn eb' caw wal chamc'ojlb'il yu'uj, yet' eb' ma'ix snib'ej; 'oj 'och oyn eb' 'a 'a, ax in jitn 'el 'a sat eb', sec 'oj yil eb' sniwnal chi smasnil.

Ez 16:47

'Ix 'och tza'n Jerusalén yuj sb'eyb'al eb', caw yajb'entac tas x'el sb'oni. Man̈ cojnoc cha, palta yel xo wal tu 'ix yutj sb'a 'a yib'n̈ eb' chab' chon̈b' cha.

Ez 16:57

yujto mantzac checlj smul. Ax ticnec, a eb' edomita, eb' filistea yet' eb' cajn 'a stz'ey, caw wal 'oj sb'uch eb'.

Ez 23:22

Yuj cha, an Jehová Yajl in, an tzwal 'aych 'ixtic: A wal eb' xa nib'j 'och cha, ax ticnec xyoch'b' eb' o'oj, an 'oj wa'ch eb' 'ajc'ojlal 'ayach,

Ez 23:25

Ax wa'n cot wal yowl in c'ojl 'a eb'an̈, 'oj wac' yi'l eb' a n̈i', a chiquin, ax eb' 'anma 'oj canoc, 'oj tzu'xoc cham eb' yet' q'uen espada. 'Oj stoc'c' eb' smasnil eb' 'anma', ax 'a slajub', ax ach sn̈usntz'a eb'.

Sofonías 3:19

A 'a yic jun tiempoal cha, 'oj wac' yowlal 'a jun tzo'n̈ eb' ex 'ixtni. 'Oj in colwj 'a eb' 'anma 'aych syailal yet' 'a eb' sactzicnac yajcn 'ati. 'Oj wi' chan̈ e b'inab'ilal 'a 'aj ex patquilx can 'el 'a smasnil yolyib'n̈q'uinal.

Apoc 17:16

Ax lajn̈e ch'ac 'ix ela, yet' jun noc' sb'i cha, 'oj meltzjc 'och eb' 'a jun 'ix 'ajmul 'ix cha. 'Oj yi'c eb' jantcn̈ej tas 'ay 'a 'ix. Caw 'oj 'elcn jitn 'ix. Ax schin pax eb' schib'jal 'ix, ax sn̈usn pax tz'a eb'.