Ez 16:25 - Chuj San Sebastian Bible

²⁵ A 'a 'aj tzlajw c'och junjn caye, ata xlaj sb'o chan̈ jun tzo'n̈ cha. A swach'l yilxi, 'ix ya'ch sb'a yajb'entaquil, tzann̈j mach tzc'och 'a 'a, tzb'on̈j 'ajmulal yet'oc.

Chuj San Mateo Bible

²⁵ A b'aj slajvicanc'och junjun calle ix sb'oq'ue juntzan̈ b'aj tz'em ajmulal chi'. A svach'il yilji, yajb'entac ix ajcani. Ix yac'b'at sb'a d'a yalxon̈ej mach tz'ec' ta'.

Ez 16:25 ပူးပေါင်းရင်းမြစ်များ

Gn 38:14

yuj cha, yajn̈ej xyi'n 'el 'ix spichl tzya'ch yuj chamnc yichmil cha. Xya'n 'och 'ix jun te pichl wach', xya'n q'ue 'ix jun nip 'a sjolom, smacn 'ix sat yet' te', sec may mach tz'iln 'och 'ix. X'at 'em wocn 'ix 'a sti 'el chon̈b' Enaim, 'a 'aj tzc'och sb'el chon̈b' Timnat. 'Ixta xyutj sb'a 'ix yujto a win Sela tox stz'acw yab'lil winac, palta mantzac yij sb'a win yet' 'ix.

Gn 38:21

Yuj cha, sc'anb'n 'ec' win 'ix 'a eb' 'aj lugar chi 'ixtic: —¿'Ajtil 'ay jun 'ix 'ajmul 'ix 'a tic, jun 'ix tz'em wocn 'a sti b'e 'a Enaim tic? xchi winac. —A 'a tic may junc 'ix 'ajmul 'ix, xchi ewinac.

Is 23:17

A yic 'oj lajwc 70 ab'il cha, ax ya'n pax Jehová chon̈wjoc eb' 'aj Tiro jun 'ejm xo, ax syamn pax 'och eb' sb'on maysch'olnilal yet' eb' rey 'a sat smasnil lum lum tic.

Is 3:9

A sat eb' 'anma chi tzch'oxn 'eli to b'an̈quintac eb', tzch'oxn 'el eb' to 'ay smul eb' 'icha eb' 'aj Sodoma, toc tzq'uixw eb' sb'on 'a sat 'anma'. 'Oltac wal eb', mun wal tzyij cot eb' yailal 'a yib'an̈.

Jeremías 11:15

'Ix yaln pax Jehová 'a eb' wit chon̈b' chi 'ixtic: Ex in chon̈b' chamc'ojlb'il wu'uj, caw may eyaln eyic e jaw 'a in cajnub', yujto til wal tas yajb'entac tze b'o'o. A jun tzo'n̈ xajmb'al tzeyac' 'ayin, ma'oj stac' ex scoln 'el 'a jun yailal 'oj jawc 'a eyib'an̈, 'in tzex tzalj e b'on maysch'olnil.

Jeremías 3:2

'Ixquec q'ueln 'a eb' lum tzalctac, tzcham eyiln 'at eb' lum si'mb'il. ¿Tom 'ayt junc xo eb' lum 'aj mantzac ex mulni? Tzex 'em wocn 'a sti b'e, tze tan̈wni ye'ch eb' tzex muln yet'oc, 'icha tzyutj smacn eb' árabe yec' eb' b'eymal 'anma 'a lum cusltac lu'um. Yuj wal e maysch'olnilal cha, xjuw 'el lum lum tic eyu'uj.

Jeremías 3:20

An Jehová in, an tzwala, to lajn wal xeyutj e b'a 'icha junc 'ix 'ix caw tu tzyutj sb'a 'a yichmil, 'ixta xeyutj e b'a 'ayin.

Jeremías 6:15

¿Tom 'ix q'uixw eb' sb'on jun tzo'n̈ maysch'olnil cha? Wal yel, caw ma'ix q'uixw xon wal eb' jab'oc, ¡toxn man̈ yojcoc eb' sq'uixwi! Yuj cha, an Jehová in, an tzwala to a wal yic 'oj wa'nc 'och yailal 'a yib'n̈ eb', 'oj satcn 'el eb', xchi Dios.

Ez 16:15

Palta 'ix ya'ch yipc sc'ojl swach'l yilx cha, caw b'inab'il snani. Yujn̈ej cha, 'ix ya'n 'och sb'a 'ajmulal, tzann̈j mach tzc'och 'a 'a, tzya'n 'och sb'a 'a yol sc'ab'.

Ez 16:31

'Ix laj sb'o chan̈ jun tzo'n̈ mantiado chi 'aj tzlajw c'och caye, ax 'a plas, ata sb'o jun tzo'n̈ yet'l xajmb'al, palta man̈ lajnoc yet' eb' 'ix 'ajmul 'ix tzchaj stojol. May xon stojl chi tzcha'aj.

Ez 23:32

An Jehová Yajl in, an tzwal 'ixtic: A tas xyu'j 'ix a nul'j cha, a pax 'oj wac' oc' ach tic. A jun vaso 'oj a c'an cha, caw niwquil, xab' pax yich. Ata 'oj b'ut'joc 'ejm sb'uchwal paxti eb' nacion̈ 'ayach.

Nahúm 3:4

'Ixta 'ix 'aj sjaw 'a yib'n̈ chon̈b' Nínive, yujto caw x'ixtx jun tzo'n̈ xo chon̈b' yu'uj. A wal eb' yajl 'a jun chon̈b' cha, caw jeln eb' 'a 'ajchumal yic tzya'n ganar eb' yoch jun tzo'n̈ xo chon̈b' 'a yaln̈ schecnb'il. Lajn yaj schon̈b' eb' 'icha junc 'ix 'ajmul 'ix tzmontj 'och winc 'a 'a, caw wach' yilxi, caw nib'b'il 'ix, 'ixta jun chon̈b' cha.

Apoc 17:16

Ax lajn̈e ch'ac 'ix ela, yet' jun noc' sb'i cha, 'oj meltzjc 'och eb' 'a jun 'ix 'ajmul 'ix cha. 'Oj yi'c eb' jantcn̈ej tas 'ay 'a 'ix. Caw 'oj 'elcn jitn 'ix. Ax schin pax eb' schib'jal 'ix, ax sn̈usn pax tz'a eb'.