Ez 16:15 - Chuj San Sebastian Bible

¹⁵ Palta 'ix ya'ch yipc sc'ojl swach'l yilx cha, caw b'inab'il snani. Yujn̈ej cha, 'ix ya'n 'och sb'a 'ajmulal, tzann̈j mach tzc'och 'a 'a, tzya'n 'och sb'a 'a yol sc'ab'.

Chuj San Mateo Bible

¹⁵ Yujto te b'inajnac ix aj ix, ix yac'anoch spensar ix d'a svach'il yilji chi', axo d'a ajmulal ix b'atcan ix, ix yac'an sb'a ix d'a yaln̈ej mach tz'ec' ta'.

Ez 16:15 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 11:5

'Ix 'och win 'emmquilal 'a jun comn dios tzcuch Astarté, sdiosal eb' sidonio, yet' 'a jun tzcuch Milcom, atn sdiosal eb' amonita, caw wal yajb'il jun dios cha.

A Ch'an̈ B'ab'el Libro Yic Yab'ixal Eb' Rey 12:28

A yic xlajw spaxtin win rey chi yet' eb' 'aych yajlil yet'oc, 'ix ya'n win b'o yechl chawn̈ quelm wacax, nab'a oro x'aji. 'Ix yaln 'a eb' 'anma 'ixtic: Ex wit israelal caw 'ajltac e 'atn̈j 'a Jerusalén. A ticnec yaj eb' qui diosalec on̈ 'i'nec 'elt 'a Egipto, xchi win 'a eb'.

A Ch'an̈ Schab'il Libro Yic Yab'ixal Eb' Rey 17:7

'Ixtnta 'ix 'aj eb' israel yujto 'ix 'och smul eb' 'a Jehová sDiosal, atn eb' yin̈tl eb' 'eln̈cta 'a Egipto, yic 'ix colx 'elt eb' 'a yol sc'ab' sreyl Egipto cha. Atn tic sb'ojnac eb': 'Ix ya'ch sb'a eb' 'emmquilal 'a jun tzo'n̈ comn dios,

A Ch'an̈ Schab'il Libro Yic Yab'ixal Eb' Rey 21:3

Yujto sb'o chan̈ jun tzo'n̈ macsej 'a jolmctac witz jun 'ejm xo, atn jun tzo'n̈ satb'il 'el yuj Ezequías, atn smam, jun tzo'n̈ yic Baal, yet' jun sch'oxnb'il comn dios tzcuch Asera, 'icha sb'ojnac Acab sreyl chon̈b' Israel. 'Ix ya'n̈j pax 'ejm sb'a Manasés chi 'a jun tzo'n̈ c'anal 'a satcha'an̈.

Salmos 106:35

A yic eb' to scalj sb'a eb' yet' eb' chuc chon̈b'al cha. 'Ix sb'eylb'an eb' sb'eyb'al eb',

Is 1:21

Ex 'aj Jerusalén, caw te'n eyaj 'a yic yalan̈, palta ax ticnec, 'icha wal junc 'ix 'ajmul 'ix, 'ixta ex 'ajcn 'a in sat. Caw wach' e b'eyb'al 'a pecti cha, tojl e nab'en, palta ax ticnec, milm ex cham 'anma'.

Is 48:1

A Dios a tzaln 'ixtic: 'Ab'c wal jun tic ex yin̈tl Jacob, ex tze cuch israel, yin̈tl ex pax can Judá. Tze loc in b'i an Jehová in tic, tzeyalni to tzex 'och 'emmquilal 'ayin. Ex israel, e Diosal in eyalni, palta man̈ yelc tzeyala, tzex paxtin 'a chab'satil.

Is 57:8

Ax 'a yojl 'och sti spuertail eyatut, ata tzlaj eya'ch yechl jun e diosal yajb'entac yilxi. An xo tic, tzin 'atcn 'a satc'ojlal eyu'uj, tzlaj e jitn 'el e b'a, tzex 'ec' pa'n 'a sat e ch'at caw lewan; tzlaj e b'onc e trato e muln yet' eb' tze nib'j 'ochi, tzex way yet' eb', axta tzeyac' e gana e b'on 'ajmulal.

Jeremías 2:20

A 'a yictax yaln̈taxi, syamn 'och yoch e tenmtacl 'ayin. Ma'ix eyiclj tas xwala. 'Ix eyaln 'ixtic: Matz qui nib'j tzach cac' servil, xe chi. Cojxn 'ajmulal tzlaj e b'o 'a lum tzalctac yet' 'a yich eb' te te caw pim xi'il.

Jeremías 3:1

'Ix yaln pax Jehová 'ixtic: Q'uinloc 'ay junc winc tzpoj sb'a yet' yistzil, ax 'ix 'ix cha, tzyij 'ix junc xo winac. Tzlajw cha, tzpojn pax sb'a 'ix yet' junx win cha. Ax win yijnac 'ix 'a b'ab'l cha, man̈xtzac stac' yi'n sb'a win yet' 'ix. Toto tzyij sb'a eb' jun 'ejm xo, caw tzjuw 'el lum lum tic 'a in sat yuj jun cha. An Jehová in, an tzwala, to ax israel ex tic, 'in 'ixta xeyutj e b'a. In eyactjcani, ax 'a jun tzo'n̈ comn dios to chamc'ojlb'il eyu'uj, ata ex 'och tzac'an. Ax ticnec, tzcob' e nib'n tzex meltzj cot pax 'ayn jun 'ejm xo.

Jeremías 7:4

Man̈ eya'ch e nab'en 'a eb' 'a'm 'es, eb' tzaln 'ixtic: Cojc wal si'mb'il to may tas 'oj qui'ni, yujto a 'a tic 'ayc' yatut Jehová, atn wal yatut tic, xchi cob' eb'.

Ez 16:16

Ax yet' jun tzo'n̈ spichl wach' yilx cha, a yet' sb'o jun tzo'n̈ mantiado 'aj tz'och 'emmquilal 'a jun tzo'n̈ comn dios 'a lum tzalctac. Atn wal yet' jun tzo'n̈ chi say smuloc, caw man̈ smojc wal ton sb'on jun tzo'n̈ cha.

Ez 16:25

A 'a 'aj tzlajw c'och junjn caye, ata xlaj sb'o chan̈ jun tzo'n̈ cha. A swach'l yilxi, 'ix ya'ch sb'a yajb'entaquil, tzann̈j mach tzc'och 'a 'a, tzb'on̈j 'ajmulal yet'oc.

Ez 20:8

Palta 'ix meltzj 'och eb' 'ajc'ojlal 'ayin. Ma'ix syiclj eb' tas xwala, ma'ix sjulcn 'el eb' jun tzo'n̈ yechl to yajb'entac cha, ma'ix yactj can eb' jun tzo'n̈ yechl sdiosal eb' 'aj Egipto. Yuj cha, 'ix walni to tzwac' syailal eb', yic tzwi'n 'el yowl in c'ojl 'a yib'n̈ eb' 'a Egipto cha.

Ez 23:3

A chawn̈ 'ix tic, caw cob's to eb', xya'n 'och sb'a eb' 'ajmulal 'a Egipto; ata xyac' eb' yamxoc yim, 'ix 'e'cn scob'sal eb' chi ta'.

Ez 23:8

Atxo yic 'ayc' 'ix 'a Egipto, xya'n 'och sb'a 'ix 'ajmulal, ma'ix yactj can 'ix sb'oni. Yujto cob's 'unn to, xlaj way ewin yet'oc, xlaj syamnc ewin yim, 'ix 'ochcn 'ix 'ajmulal.

Ez 27:3

A jun chon̈b' cha, atn jun 'ay 'a sti a mar, jun 'aj wach' sjaw chon̈ yic jun tzo'n̈ xo nacion̈ 'ay 'a sti a mar cha. Al 'a 'a, to an Jehová in, an tzwal 'a 'ixtic: Ach Tiro, caw wal tzcob' a b'a'n̈ a b'a, yujto caw cob' wach' elxi.

Ez 33:13

Q'uinloc a junc mach tojl sb'eyb'al 'aj tzwac' in ti wa'n sq'uinal, tzya'n 'och yipc sc'ojl jun swach' b'eyb'al cha, ax tz'aji, tzya'n 'och smul, man̈x 'a yel'ch jun sb'eyb'al 'a yic yaln̈ cha, tojln̈ej scham yuj smul cha.

Os 1:2

'Ix schan 'eln̈ej Jehová yich spaxtin 'ayin, xyaln 'ixtic: 'A eb' et israelal tic, 'ix ya'ch eb' smul 'a wojltac, xyi'n 'el sb'a eb' 'ayin, in yactn can eb' 'icha junc 'ix 'ajmul 'ix. Yuj cha, 'ij junc 'ix 'ajmul 'ix estziloc, ax yalj yune 'ix 'a scal yajmulal cha, xchi.

Os 4:10

Yujto in yactj can eb' in chon̈ab' yic xya'n servil jun comn dios tzcuch Baal, wach'xam 'oj cob' wa eb', mto tzway eb' yet' eb' 'ix 'ajmul 'ix 'a yet'l sdiosal cha, palta man̈ yujoc cha ax sniwtj ya'n tas 'awb'il yuj eb'. Ma 'oj q'uib' pax sb'isl eb'.

Os 4:18

'Ix 'em eb' 'a 'ajmulal smasnil, 'icha tz'aj yem eb' 'u'm 'an̈. Man̈xtzac 'och wan eb' sb'on 'ajmulal. A eb' syajlil eb', cojxn tas q'uixweltac tznib'j eb' sb'o'.

Os 9:1

Ex wit israelal, man̈ ex tzaljoc, man̈ ex q'ue b'atnjoc e tzalj 'icha tzyac' eb' chuc chon̈ab', yujto xeyactjcan qui Diosal, 'icha tzyutj eb' 'ix 'ajmul 'ix yactn can yichmil. Caw wal tzex tzalj e ch'oxn e chamc'ojlal 'a Baal, yu'uj wach' tz'aj sat smasnil tas 'awb'il eyuj eyalni.

Miqueas 3:11

A eb' juez yaj 'a yol chon̈ab', man̈ wach'c tzyutj eb' sb'onyaj junc 'anma', tzchaj eb' q'uen c'ultac tumin. An̈jtona eb' tz'a'n 'och qui ti 'a Dios, yujn̈ej schan eb' tumin, yuj cha, tzcuywj eb'. 'Ixta pax eb' tzyalch sb'a schecb'oc Dios, yujn̈ej schan eb' tumin, yuj cha, tzyaln eb' tas tz'aj 'el'ch junc mach. Tzyaln pax eb' to 'aych Dios yet' eb', yuj cha, tzyaln eb' 'ixtic: A Jehová 'aych quet'ec, yuj cha, may yailal 'oj 'ec' 'a quib'n̈ec, xchi cob' eb'.

Sofonías 3:11

Ex in chon̈ab', a 'a yic jun c'ul cha, man̈x 'oj e q'uixw yuj e maysch'olnilal, atn 'aj tenmtac xeyutj e b'a 'ayin. A yic cha, 'oj wi'l eb' tzalj yet' sb'an̈quinal 'a e cal, man̈x b'a'n̈ 'oj e b'an̈ e b'a 'a lum tzaln 'a 'aj tz'och 'emmquilal 'ayin.

Mt 3:9

Man̈ laj eyal 'ixtic: May pena, an̈ec tic yin̈tl on̈ec can Abraham, man̈ xe chioc. Yujto an tzwal 'ayex, toto tznib'j Dios, tztac' tz'och jun tzo'n̈ q'uen q'uen tic yin̈tloc Abraham e jeloc.

Dt 32:15

Palta ax yic 'oj e b'a'chb'i ax Jesurún ex tic, 'oj pitb'oc 'el e nab'en 'a Dios, atn jun on̈ b'onec. 'Oj e patquilc can 'el jun qui Colmal cha.

Apoc 17:5

Ax 'a snan̈l sat, 'aych jun sb'i may mach 'ojtnac. Xchi jun sb'i chi 'ixtic: A niwquil Babilonia, snun eb' 'ix 'ajmul 'ix smasnil. Snun pax smasnil maysch'olnil 'a yolyib'n̈q'uinal, xchi.

Jueces 10:6

Palta ax eb' israel, 'ix scha b'oj pax eb' maysch'olnil 'a yojltac Jehová. 'Ix laj yal sb'a eb' 'a jun tzo'n̈ yechl comn dios tzcuch Baal yet' 'a Astarot. Xlaj yalnc sb'a eb' 'a jun tzo'n̈ sdiosal eb' chon̈b' tic: atn Siria, Sidón, Moab, Amón yet' schon̈b' eb' filisteo. 'Ix yactn can eb' yoch 'emmquilal 'a Jehová.

Jueces 2:12

'Ix yij 'el sb'a eb' 'a stz'ey Jehová, atn sDiosal eb' smam yichm eb', jun 'ijnac 'elt eb' 'a lum Egipto. 'Ix ya'n 'ejm sb'a eb' 'a jun tzo'n̈ scomn diosal eb' cajn 'a stz'ey eb' cha, caw stzuntzj cot eb' yowl sc'ojl Jehová,

Jueces 3:6

Ax yunnal yet' yisl eb' israel cha, 'ix yij sb'a eb' yet' yunnal yet' yisl eb' chuc chon̈b'al cha. 'Ix ya'n pax 'ejm sb'a eb' 'a sdiosal eb' cha.