Ez 15:6 - Chuj San Sebastian Bible

⁶ Yuj cha, an Jehová in an tzwal 'ixtic: 'Icha wal tz'aj yoch te sch'an̈l uva chi 'a scal c'ac' yic tz'a'i, 'ixta 'oj wutc eb' 'aj Jerusalén wa'n 'och syailal, yujto may yopiso eb' 'a in sat.

Chuj San Mateo Bible

⁶ Yuj chi' a in Jehová in tic svala': Icha yaj te' uva tz'ic'jielta d'a scal te te' yic sn̈usjitz'a te', icha chi' ol aj vac'anoch syaelal eb' cajan d'a Jerusalén chi'.

Ez 15:6 ပူးပေါင်းရင်းမြစ်များ

Is 27:11

A yic tztacj sc'ab' eb' te te cha, tzlaj lo'chjc cot eb' te', ax eb' 'ix 'ix tzlaj 'ec' si'nc chan̈ eb' te sc'ab' cha, tzya'n 'och eb' 'ix sc'ac' yet' te'. A jun chon̈b' tic, may xon jac snab'en. Yuj cha, a Dios b'ojnac, caw man̈x 'oj 'o'ch sc'ojl 'a 'a, man̈x 'oj cus pax yu'uj.

Jeremías 21:7

'Oj lajwc cha, ach xo Sedequías, 'oj ach wac' 'a yol sc'ab' win Nabucodonosor yet' jun tzo'n̈ xo eb' 'ajc'ojl yajch 'ayach. 'Oj ach wa'cn 'och 'a yol sc'ab' win yet' eb' a checab', eb' a soldado, yet' eb' 'anma 'oj cant 'a jun chon̈b' tic yic 'oj lajwc 'ec' yab'il, owal, yet' wejel. Man̈x 'oj 'ajxoc niwnc'ojlal 'ayex. An Jehová in, an tzwala, to caw tojl xoj 'oj e xicx cham yet' q'uen espada.

Jeremías 25:18

'Ix wac' yuc' eb' 'aj Jerusalén yet' eb' 'ay 'a jun tzo'n̈ chon̈b' 'a yol yic Judá, yet' sreyl eb', yet' pax eb' 'aych yajlil, yic tzlajw 'el eb' yu'uj, yet' yic tzlan̈chj 'ejm can schon̈b' eb'. A eb' 'ix 'iln eb', caw xiw eb' yiln 'och eb', 'ix b'uchwj eb' 'a eb', 'ix catb'tzax eb' yuj eb' 'icha tas wan yuj ticnec.

Jeremías 4:7

'Icha tz'aj yelt no león 'a 'aj 'ay swaynub', 'ixta tz'aj scot eb' 'oj wul satnc 'el jun tzo'n̈ nacion̈ tic. Tox 'ix 'elt eb' 'a yol schon̈ab', yic tzwul satxoc 'el e chon̈b' yuj eb'. Caw 'oj sma'cn 'ejm lan̈chjoc eb', man̈x 'a xon junc mach 'oj can cajn 'a 'a, xchi Dios.

Jeremías 7:20

Yuj cha, an Jehová in, Yajl in, an tzwala, to 'oj wa' cot wal yowl in c'ojl 'a yib'n̈ jun lugar tic, 'a yib'n̈ eb' 'anma', 'a yib'n̈ no noc', 'a yib'n̈ te te', yet' 'a yib'n̈ smasnil 'awb'en. Lajn wal 'oj 'aj jun tic 'icha junc c'ac' to man̈x 'a tz'aj stupi, xchi Dios.

Ez 15:2

Ach 'anma', ¿'aym 'aj tzab' yalxi to a te sch'an̈l uva 'ec'b'al yel'ch te 'a sc'ab' eb' te tzann̈j te'al?

Ez 15:4

May xon yopiso te', ¿tom at wal 'a c'atztzil 'aj wach' sc'anxi? 'In a yic tz'a te', tz'och te 'ac'alil, ¿tom 'ayt 'aj wach' sc'anxi?

Ez 15:5

A yic mantzac tz'a te', toxn may xon yopiso te', ¿tom at wal yic 'ac'al xo yaj te stz'a'i, 'ayt 'aj wach' sc'anxi?

Ez 15:7

An wal 'oj woch 'ajc'ojlal 'a eb'. Wach'xam 'oj yac' ganar eb' scoln sb'a 'a jun yailal cha, palta chucx junx yailal chi 'oj satn 'el eb'. A yic 'oj woch 'ajc'ojlal chi 'a eb', ax in eyojcan 'eli, to an ton Jehová in, to cojn in ton Dios in.

Zacarías 1:6

Palta ax in paxti', yet' in checnb'il wa'jnac yal-l eb' in checb' cha, 'ix 'el'ch 'a eb' e mam eyichm cha. Yuj cha, 'ix snan sb'a eb', 'ix yaln eb' 'ixtic: A Jehová tztac' yuj smasnil, tox 'ix ya'ch qui yailal, 'icha wal tas snalb'ej ya'n 'och 'a quib'n̈ec yuj qui tu b'eyb'alec, yet' yuj pax maysch'olnil tzqui b'o'ec, xchi eb', xchi Dios.