Ez 15:2 - Chuj San Sebastian Bible

² Ach 'anma', ¿'aym 'aj tzab' yalxi to a te sch'an̈l uva 'ec'b'al yel'ch te 'a sc'ab' eb' te tzann̈j te'al?

Chuj San Mateo Bible

² Ach anima, ¿tom ec'b'al yelc'och ste'al te' uva d'a yichan̈ junoc te te'?

Ez 15:2 ပူးပေါင်းရင်းမြစ်များ

Cantares 2:13

Til xo wal sat eb' te snun higo, ax te sat uva, caw wal su'q'ui xo yec' sjab' te'. Ach cob's 'ix to chamc'ojlb'il wu'uj, lem, q'uen̈ wa'an, con̈ muc'uc, yujto nab'ilch wu'uj.

Cantares 2:15

Pechc e no wax yet' yune', yujto caw tzsatl e no te snun qui uva on̈, to wanto cob' snichn pax eb' te', xchi eb'.

Cantares 6:11

In xit' b'eyc'oc 'a calc te nogales, yic tz'at wilnc smasnil te te tzwoln 'a lum pan̈an, 'ix in nib'j wal xwila toto wan scan sat te uva, yic tzwiln paxi toto wan scan snichte granado.

Cantares 7:12

Ax 'a yic tzq'uin̈lb'i 'a junx c'u, tz'at quilnc eb' te snun uva, lemb'il wan xo swoln eb' te', mto wan xo snichn eb' te'. Ax quiln paxi, toq'ue 'ayx pax snichte granado, atn wal ta 'oj in ch'ox in chamc'ojlal 'ayach.

Is 44:23

A satcha'an̈, 'el cab' yaw sb'itn 'a tzaljc'ojlal yuj smasnil tas sb'ojnac Jehová. A xab'l yich lum lu'um, q'ue cab' yaw, ax eb' lum niwc witz, eb' lum tzalctac, yet' eb' te niwc te smasnil, ya'l cab' eb' yaw yuj tzaljc'ojlal. Yujto a Jehová tox 'ix sch'oxl stzictznial yic 'ix 'ajx 'el eb' israel 'a libre, atn eb' yin̈tl can Jacob.

Jeremías 2:21

'Icha wal tz'aj yawx te uva caw wach', 'ixta 'ix wutj ex wawni, lajn ex 'icha te 'in̈t uva caw wach'. Ax ticnec, ¿tas yuj caw lajn xoj tzex 'aj 'el'ch 'icha junc te tz'usup?

Ez 15:1

'Ix yaln pax Jehová 'ayn 'ixtic:

Ez 15:3

¿'Ay am 'aj tz'och yopiso te 'a junc tas tzb'o'i, mto 'ay 'aj tz'och locn junc pa 'a te sc'ab' cha?

Ez 19:12

Palta 'ix to'x chan̈ te yuj yowl sc'ojl Dios. 'Ix sma'n wecchjoc sb'a te yem 'a sat lu'um. Ax jun 'ic' xcot 'a stojlal 'aj tzq'uel c'u, a 'ix ma'n tacjoc, 'ix pucl te sat. A eb' te sc'ab' cha, 'ix tacj eb' te', xlajw cha, 'ix 'ajx tz'a eb' te'.

Os 10:1

A eb' 'aj chon̈b' Israel, lajn wal eb' 'icha jun 'ib'c te snun uva caw wal 'ay sat, palta mun tzsatn sch'ocoj, a yic wach' tz'aj sat tas 'awb'il yuj eb', yet' 'a yic tzniwtj sricoal eb', a pax ta tzniwtj sb'on eb' 'anma jun tzo'n̈ yet'l xajmb'al, tzb'on 'och eb' yelwnub'al.

Miqueas 3:12

Smulyujoc eb', ax slajw 'ejm Jerusalén, atn jun chon̈b' yic tzaln Sión, 'icha wal t'ocb'il lum 'oj 'ajcni. Jun b'uln̈ 'oj 'ajcn 'ejmi, ax lum tzaln 'aj 'ay yatut Dios, waymtac 'oj 'ajcni.

Zacarías 11:2

Yuj cha, 'icha to 'oj 'oc' te taj, yujto tox 'ix 'ejm te c'ute cha. A jun tzo'n̈ te te man̈x jantcoc swach'l yilx cha, tox 'ix lajw 'ejm te'. 'Icha pax to 'oj 'oc' te mach' 'a yol yic Basán, yujto a te niwc te pim yaj cha'an̈, tox 'ix lajw 'ejm te'.