Ez 14:7 - Chuj San Sebastian Bible

⁷ Yujto tzann̈j junc mach, junc israel mto junc chuc chon̈b'al cajn 'a scal eb' israel, to tzyij 'el snab'en 'ayin, ax 'a eb' comn dios chi 'aj tzyac' 'ejm sb'a, tzya'n 'och pax snab'en 'a maysch'olnil, toto tzcob' jawc 'a junc in checab' yic tzwul sc'anb'n sb'a 'ayin, an tzwala to a yailal 'oj wac' spacc 'a junc mach cha.

Chuj San Mateo Bible

⁷ Tato ay junoc eb' ma junoc ch'oc chon̈ab'il ayec' d'a scal eb' tzin paticaneli, axo d'a comon dios tz'och ejmelal, syac'anoch sb'a d'a yol sc'ab' chucal yuj juntzan̈ chi', slajvi chi' sjavi d'a junoc in checab' yic sc'anb'an d'ayin yuuj, a in val ol vac' spac d'ay.

Ez 14:7 ပူးပေါင်းရင်းမြစ်များ

Ex 12:48

Palta toto 'ay junc win man̈ israeloc 'ayc' 'a e cal, tznib'j tzyiclj q'uin̈, b'ab'el tz'ajx can circuncidar eb' winc 'ay 'a junjn n̈ail, 'ixta to b'i'an, tztac' snan eb' jun q'uin̈ cha, 'icha to eyit chon̈b' tz'aji. A pax junc winc man̈ 'ac'b'ilc circuncidar, matz tac' schin win no xajmb'al cha.

Ex 20:10

ax 'a yucl c'ual tzex 'ilji, yujto sc'ul 'iljelal. Matz tac' e munlj 'a jun c'u cha, yujto wicn̈ej yaji. Matz tac' smunlj eb' eyunnal, eb' eyisil, ewin e moso, eb' 'ix eya'mal servil, e cajb'en noc', mto eb' 'anma chuc chon̈b'al ton̈j 'ayc' eyet'oc.

Is 63:17

Mamin Jehová, ¿tas yuj tzon̈ ejcan 'el 'a yol a b'e, tza'n pitb'oc 'el qui nab'en yic man̈x 'a qui xiwc'ojlal 'ayach? Ax ticnec jun, ch'oxx wal a chamc'ojlal chi 'ayn̈ an̈ a checb' on̈ tic, atn an̈ yin̈tl on̈ can eb' a chon̈b' to ecn̈ej yaji.

Jeremías 37:17

Ax win rey Sedequías chi in 'a'n 'ijxoc 'at 'a sdespacho. A yic in c'och 'a yojltac win rey cha, 'ix sc'ultac c'anb'n win 'ixtc 'ayin: —¿'Aym junc spaxti Jehová tzal wab'i'? xchi winac. In ta'w 'ixtc 'a winac: —N', 'ay toni, 'ixtc wal yaln 'ixtic: Ach tic mamin rey, 'oj ajx 'och 'a yol sc'ab' win sreyl Babilonia, xin chi.

Ez 3:20

An̈jtona', toto 'ay junc mach wach' xon sb'eyb'al, ax tz'aji tzjun 'el sb'eyb'al cha, an xo 'oj wa'ch syailal. Toto ach tic, ma'oj ac' sna sb'a yuj smul ax schami, a smasnil tas wach' xcob' sb'o 'a yaln̈tax cha, man̈x 'a yel'chi. Ax schamlil cha, eb'n̈ 'oj can wu'uj.

Os 4:14

Palta ma'oj wac' syailal eb' 'islab'il yet' eb' 'ix 'alb'al chi yuj yajmulal cha, yujto a eb' winc chi tzch'oxn yil eb'; tzyac' ewin xajmb'al yet' eb' 'ix tzb'eylb'an 'ajmulal. Yuj cha, a jun chon̈b' may snab'en tic, 'oj juwc 'eli.

Os 4:5

Yuj wal cha, ax tic, c'ul wal 'oj e telwi. Ax eb' in checab', a 'a 'ac'wl 'oj telwc eb' eyet'oc. An 'oj in satl chon̈b' Israel, atn jun 'icha e nun yaji.

Os 9:10

Tzyaln Jehová 'ixtic: A wal yic xin chan in b'a yet' eb' 'aj Israel, caw wal in tzalji, 'icha eb' tz'ilchj te uva yuj 'a lum cusltac lu'um. A eb' e mam eyicham, 'icha wal junc sat te higo tzb'ab'l 'el-li, 'ixta eb' 'a in sat. Palta ax yic xc'och eb' 'a Baal-peor, 'ix ya'n 'ejm sb'a eb' 'a Baal, yuj cha, caw yajb'entac xyutj sb'a eb' 'icha jun comn dios schamc'ojlej eb' cha.

Lv 16:29

A jun tic ley tz'ajcn 'a e cal 'a smasnil tiempo. A 'a yic lajn̈e yoch yucl 'uj, ata tzex 'och 'a c'ajb'c'ojlal ax israel ex tic, yet' eb' chuc chon̈b'al cajn 'a e cal. May junc mach tzmunlj 'a jun c'u cha,

Lv 20:2

Al jun tzo'n̈ checnb'il tic yab' eb' et israelal to an tzwal 'ixtic: Tzann̈j ex ax tic, mto chuc chon̈b'al cajn 'ec' 'a e cal, toto tzyac' junc yunnal xajmb'al-l 'a jun comn dios tzcuch Moloc, yowlal tzcham jun 'anma cha. A eb' chon̈ab', a eb' tzjuln cham yet' q'uen q'ue'en.

Lv 24:22

A jun ley tic, a 'oj 'och yopiso 'a eb' chuc chon̈b'al cajn 'a e cal. An Jehová in, an tzwala, xchi Dios.

Nm 15:15

A jun in ley tic, tz'och yopiso 'ayex yet' 'a eb' chuc chon̈b'al. 'Oj sc'anlb'ocn̈ej eb' eyin̈tl b'aq'uin̈.

Nm 15:29

Atn jun ley tic tz'och yopiso 'a e cal ax israel ex tic, yet' pax 'a eb' chuc chon̈b'al cajn 'ec' 'a e cal, toto man̈ sc'anc sc'ojl junc mach tz'och smul cha.

Dt 29:19

A yic tzlajw eyab'n tas tz'ajcn jun trato tic, jun 'aj tzeya'cn e ti', toq'ue 'ay junc mach 'a e cal tzyal wach'l sb'a, tznan 'ixtic: An tic, wach'xam tzin b'o maysch'olnil 'icha tas tzin nib'ej, palta wach' tz'aj 'el'ch smasnil tas tzin b'o'o, toto xchi. To 'ixta', atn jun chi tzlocn can cot pax 'a eyib'n̈ e masnil.

San Judas 1:19

Yuj eb' cha, 'oj spojl sb'a eb' yic xo Dios. An̈j jun tzo'n̈ tas tznib'j 'och eb' yet' sniwnal 'aj tzya'ch snab'en. May Yespíritu Dios 'aych 'a eb'.