Ez 14:19 - Chuj San Sebastian Bible

¹⁹ Toto tzwa't yab'il 'a yib'n̈ junc nacion̈ cha, yet' wal yowl in c'ojol, ax wa'n cham eb' 'anma yet' no noc'.

Chuj San Mateo Bible

¹⁹ Q'uinaloc svac'b'at ilya d'a yib'an̈ jun chon̈ab' chi' yed' val yoval in c'ool svac'anb'at chamel d'a yib'an̈ eb' anima yed' d'a yib'an̈ noc' noc'.

Ez 14:19 ပူးပေါင်းရင်းမြစ်များ

A Ch'an̈ Schab'l Libro Samuel 24:13

'Inye, xchi Gad, 'ix wul ya'n yojcoc 'el David, 'ix yaln 'ixtic: —¿Tzam yal a c'ojl tzjaw 'oxe'oc ab'il wejl 'a yol qui chon̈b'ec tic mto tzchaj a c'ojl tzon̈ 'at 'elc' 'oxe'oc 'uj yuj eb' 'ajc'ojl yajch 'ayn̈ec, mto a 'oxe'oc c'u yab'il tzjaw 'a yol qui chon̈b'ec tic? Na wal si'mb'il ax alni, tzlajw cha, ax 'at walnc pax 'a Dios in checn coti, xchi win Gad cha.

A Ch'an̈ Schab'l Libro Samuel 24:15

Yuj cha, 'ix ya'n cot Jehová jun yab'il 'a yib'n chon̈b' Israel, 'a jun sq'uin̈b'il cha, masnto 'ix tz'acw sc'ul 'icha 'ix 'aj yalxi, 'ix schaj cot 'a Dan 'a stojlal norte masnto 'a Beerseba 'a stojlal sur, 70 mil 'anma 'ix chami.

A Ch'an̈ B'ab'el Libro Yic Yab'ixal Eb' Rey 8:37

Toq'ue 'ay 'aj 'oj tacjoc 'el cawb'en yuj cuaresma, mto yuj tz'a'ab', mto yuj no c'ulub', mto yuj jun tzo'n̈ocx no noc', yuj cha tzjaw wejl 'a yib'n̈ qui chon̈b' tic on̈. Toq'ue 'oj jawc oynjoc eb' 'ajc'ojl 'a qui chon̈ab', ax sjaw tzann̈j yailal tzon̈ satn 'eli, to 'ixta', tzab' wal slesl eb' wit chon̈b' oj smoj q'ue sc'ab' yaln sb'a 'aych 'a stojlal jun atut tic, toto 'oj sna sb'a eb' yet' smasnil sc'ojol.

2 Cr 20:9

Toto 'oj jawc junc yailal 'a quib'n̈ yuj qui maysch'olnilal on̈: atn owal, yab'il, mto wejel, toto 'oj qui jaw 'a ojltac 'a jun atut tic on̈, yujto 'aych 'ec' 'a 'a, toto 'a scal qui yailal, tzqui c'ann a colwal, toto 'ixta', 'oj 'ab' qui lesal, ax on̈ a colni, xchi eb'.

2 Cr 6:28

Toq'ue 'ay 'aj 'oj tacjoc 'el cawb'en yuj cuaresma mto yuj tz'a'ab', mto yuj no c'ulub', mto yuj jun tzo'n̈ocx no noc', yuj cha tzjaw wejl 'a yib'n̈ jun chon̈b' tic. Toq'ue 'oj jawc oynjoc eb' 'ajc'ojl 'a qui chon̈b' tic on̈, ax sjaw tzann̈j yailal tzon̈ satn 'el on̈,

2 Cr 7:13

Q'uinloc 'oj wa' cot junc cuaresma yic man̈xtzac yac' n̈ab', mto tzwal 'a no c'ulub' to tzlajl no smasnil 'awb'ente', mto junc yab'il tzwa' cot 'a eyib'n̈ ax in chon̈b' ex tic,

Salmos 91:3

A Jehová 'oj qui colnec 'el 'a yol sc'ab' junc ch'an̈ yal c'ultac yaji, yet' pax 'a jun tzo'n̈ yab'il tz'och chaml yu'uj.

Salmos 91:6

Matz on̈ xiwc yuj jun tzo'n̈ yab'il tzjaw 'a scal q'uic'q'uinal, matz on̈ xiwc pax yuj jun tzo'n̈ tas to tzcham 'anma yuj 'a c'ual.

Is 34:3

'Oj 'actxoc can b'uln eb' chamnc cha, til wal stul 'oj 'ec' sjab' jun tzo'n̈ niwnal cha, 'icha wal sb'ey eb' a a', 'ixta 'oj b'ey chic' 'a eb' lum jolmctac witz.

Is 37:36

Ax jun yángel Jehová, a xmiln cham 185 mil eb' soldado asirio 'a scamplamento, ax yic sacb'el 'a junx c'u cha, chamnc xo eb' soldado chi smasnil.

Jeremías 14:12

Wach'xam tz'och eb' 'a c'ajb'c'ojlal, palta ma'oj in ta'w 'a eb'. Wach'xam caw niwn xajmb'al tzyac' tz'a eb', wach'xam pax caw niwn sat 'awb'en tzyij cot eb' ofrendail 'ayin, palta ma'oj in tzalj yet' eb'. 'Oj wac' satl eb' yuj owal, yuj wejel, yuj yab'il, xchi 'ayin.

Jeremías 21:6

'Oj in mil cham smasnil 'anma cajn 'a jun chon̈b' tic. Smasnil eb' 'anma', yet' smasnil no noc', 'oj cham smasnil yuj jun niwn yab'il 'oj jawoc.

Jeremías 21:9

A mach tzcancn 'a jun chon̈b' tic, 'oj cham yuj owal, yuj wejel, mto yuj yab'il. Al pax eb' 'oj 'at 'eloc, ax ya'n 'och sb'a eb' 'a yol sc'ab' eb' 'aj Babilonia, atn eb' 'aych yac' owl 'a jun chon̈b' tic. A eb' 'oj 'el cha, ma'oj cham eb', palta teb'il xoj pitzn eb'.

Jeremías 24:10

'Oj wa' cot owal, wejel, yet' yab'il 'a scal eb'. Man̈x 'a junc eb' 'oj can 'a sat lum lum 'ix wac' 'a eb', yet' 'a eb' smam yichm eb', xchi Dios.

Ez 14:18

Q'uinloc ata cajn 'oxwn̈ eb' winc cha, cojn eb' tzcolchj can 'eli. May junc mach tztac' scoln 'el eb', wach'xam yunnal eb' mto yisl eb', ma'oj stac' scoln 'el eb'.

Ez 14:20

Q'uinloc ata cajn Noé, Daniel yet' Job, cojn eb' tzcolchj can 'eli yujto tojl snab'en eb'. May junc mach tztac' scoln 'el eb', wach'xam yunnal eb' mto yisl eb', ma'oj stac' scoln 'el eb'.

Ez 14:21

Yuj cha, an Jehová Yajl in, an tzwal 'ixtic: A yic 'oj wa'noc cot chan̈e niwc yailal 'a yib'n̈ chon̈b' Jerusalén, caw wal 'ay smay tas 'oj ujc cha. 'Oj jawc owal, wejel, no chiwjum noc' yet' yab'il. 'Oj cham eb' 'anma', yet' no noc'.

Ez 21:31

'Icha wal stz'a junc tas yuj c'ac', 'ixta 'oj wutc wi'n 'el yowl in c'ojl 'a eyib'an̈. 'Oj ex wac' 'a yol sc'ab' eb' 'anma maysch'olnil, atn eb' milm 'anma'.

Ez 36:18

Yuj cha, xwa'n cot yowl in c'ojl 'a yib'n̈ eb', yujto til wal 'anma smil eb' 'a yol schon̈ab', xlaj ya'n 'ejm sb'a eb' 'a jun tzo'n̈ yechl comn dios.

Ez 5:12

A junc'aj 'anma 'ayx tic, 'oj cham eb' yuj yab'il yet' yuj wejl 'a yol chon̈ab'. Ax junc'aj xo eb', 'oj tzu'xoc cham eb' yuj eb' 'ajc'ojl yajch 'ayx 'a sti 'el chon̈ab'. Ax eb' yoxc'ajil, 'oj in pechcn 'at eb' 'a scal jun tzo'n̈ xo nacion̈. Ax wi'n q'uet wespada 'a yol yet'ul, ax woch tza'n yuj eb'.

Ez 7:8

A ticnec b'i'an, wal wa'n cot yowl in c'ojl 'a eyib'n̈ ax israel ex tic. 'Oj wac' 'el'choc yowl in c'ojl 'a eyib'n̈ 'icha tas tzin na'a. 'Oj ex in b'eyc'ojloc yuj tas maysch'olnil tzlaj e b'o', ax wa'n eyailal yuj e b'eyb'al yajb'entac.

Am 4:10

Wa'jnac cot jun tzo'n̈ yailal 'a eyib'an̈, 'icha wal wutjnac wa'n cot yailal 'a Egipto. 'Ix wac' milxoc cham eb' eyunnal 'a scal owal, ax eb' 'ajc'ojl yajch 'ayx cha, a eb' 'ix 'i'n can e chej. Til wal 'aj 'e'nc sjab' eb' chamnc 'a e camplamento. Palta man̈ yujoc cha, ex meltzj paxt 'ayin.

Nm 14:12

A ticnec b'i'an, 'oj wa' cot junc niwquil yab'il 'a yib'n̈ jun tzo'n̈ 'anma tic, ax scham eb' yu'uj. Palta a 'ayach, ata 'oj 'el jun chon̈b' caw niwquil, caw wal jelnto 'a yib'n̈ eb' tic, xchi Dios.

Mt 24:7

'Ay jun tzo'n̈ niwc chon̈b' 'oj yac' owl sb'a yet' yit niwc chon̈b'al; ax ya'n owl sb'a eb' yajl yet' eb' yit yajlil. Til wal 'aj 'oj yamchjc eb' 'anma yuj yab'il, 'oj jawc pax wejl 'a yib'n̈ eb'. Til wal 'aj 'oj 'ec' pax quixcab'.