Ez 14:13 - Chuj San Sebastian Bible

¹³ Ach 'anma', a yic tz'och smul junc chon̈b'al 'anma 'ayin, tz'och jun chon̈b' chi tenmtacl 'ayin, an xo 'oj wac' jawc yailal 'a yib'n̈ jun chon̈b' cha. Man̈x 'oj yac' lum lum sb'a'al, ax sjaw wejl 'a jun chon̈b' cha, 'ixta 'oj 'aj scham eb' 'anma', yet' no noc'.

Chuj San Mateo Bible

¹³ Ach anima, q'uinaloc ay junoc chon̈ab' tz'ec' d'a yib'an̈ yoch smul d'ayin, svac'anoch syaelal, svic'anec' svael, yuj chi' scham eb' anima yed' noc' noc' yuj vejel.

Ez 14:13 ပူးပေါင်းရင်းမြစ်များ

Gn 6:7

Caw wal tztac in c'ojl yuj eb' 'anma xin b'o tic. Yuj cha, 'oj in satl eb' 'a sat lum lum tic, yet' no cajb'en noc', no calte'al noc', no tzjuc sb'a 'a sat lu'um, yet' pax no ch'ic, xchi.

Esdras 9:6

Xwaln 'a 'ixtic: Ach in Diosal, caw wal tzin q'uixw wi'n chan̈ in sat 'ayach, man̈xtzac nachj wu'uj tas tzwutj waln in b'a 'ayach. Yujto x'ec' 'a yib'n̈ yoch qui mul on̈, 'ix q'ue'ch wal qui mul 'a satchan̈ on̈.

Is 24:20

'Oj 'ec' ch'umch'noc lum 'icha junc 'u'm 'an̈. 'Oj 'ib'xoc lum 'icha junc pat tz'ib'x yuj 'ic'. Yujto a smul eb' 'anma', caw 'ec'b'al xo 'a yib'n̈ lu'um, yuj cha, 'oj telwc can 'ejmi, man̈x 'a b'a'n̈ 'oj q'uex wa'an.

Is 3:1

A ticnec, a Jehová tztac' yuj smasnil jab'xoj wal 'oj yi'l eb' 'anma to yipc'ojlal cob' yaj 'a Jerusalén tic, yet' pax 'a Judá, atn eb' tzwul 'a'nc can smasnil tas tzc'uxxi, yet' eb' tzwul 'a'nc can a a'.

Jeremías 32:43

A jun chon̈b' tic 'aj 'ix ala to 'oj can 'a cusltac lumal, man̈x 'a 'anma', man̈x 'a pax no noc' 'oj can 'a 'a, 'oj 'ajxoc ganar yuj eb' caldeo, xa chi. Palta 'oj meltzjoc eb' 'anma smann pax slum 'a tic jun 'ejm xo.

Jeremías 36:29

Tzaln jun tzo'n̈ paxti tic 'a win rey cha: 'Ixtc wal yaln Jehová: Ach tic 'ix 'a n̈us tz'a ch'an̈ u'un̈, 'ix a tenn 'och wan Jeremías yujto stz'ib'j 'a ch'an̈ un̈ cha, chajtlto 'oj jawc win sreyl Babilonia wul satl jun nacion̈ tic, man̈x 'a junc 'anma', man̈x 'a pax junc no noc' 'oj can 'a 'a.

Jeremías 52:6

Caw 'ix niwtj wal wejl 'a jun chon̈b' cha, man̈x 'a jac tas wach' sc'uxn eb' 'anma'. A 'a yic sb'aln̈il c'u yoch schan̈l 'uj yic jun ab'il cha,

Jeremías 7:20

Yuj cha, an Jehová in, Yajl in, an tzwala, to 'oj wa' cot wal yowl in c'ojl 'a yib'n̈ jun lugar tic, 'a yib'n̈ eb' 'anma', 'a yib'n̈ no noc', 'a yib'n̈ te te', yet' 'a yib'n̈ smasnil 'awb'en. Lajn wal 'oj 'aj jun tic 'icha junc c'ac' to man̈x 'a tz'aj stupi, xchi Dios.

Lm 1:20

Mamin Jehová, 'ilt on̈ cot yet' qui yailal tic on̈, a wal tzcutj cab'n on̈, 'ijn wal tzn̈i'chj sn̈i qui c'ojl cab'n syail. Caw wal tzcab' syal yet' qui pixn on̈, yic tzqui nan cot qui mul xlaj 'ochi. A 'a spatc 'el chon̈ab', til wal eb' tzcham yuj owal, 'ixta 'a yol 'oxt chon̈b' tic, til pax mach tzchami.

Lm 1:8

A eb' 'anma 'a chon̈b' Jerusalén, caw wal x'och smul eb', yuj cha, 'ix chacx 'el eb'. A eb' niwn yel'ch jun chon̈b' chi 'a sat 'a pecti', ax ticnec, caw tzyaj eb', yujto xyac' sq'uixwloc 'a sat eb'. Yuj cha, caw wal tz'oc' eb' 'aj Jerusalén, man̈xtzac sch'ox eb' sat yuj q'uixwelal.

Ez 14:12

'Ix yaln pax Jehová 'ayn 'ixtic:

Ez 14:17

Q'uinloc tzwij cot owl 'a yib'n̈ jun chon̈b' cha, tzwalni to tzcham eb' 'anma yet' no noc'.

Ez 14:19

Toto tzwa't yab'il 'a yib'n̈ junc nacion̈ cha, yet' wal yowl in c'ojol, ax wa'n cham eb' 'anma yet' no noc'.

Ez 14:21

Yuj cha, an Jehová Yajl in, an tzwal 'ixtic: A yic 'oj wa'noc cot chan̈e niwc yailal 'a yib'n̈ chon̈b' Jerusalén, caw wal 'ay smay tas 'oj ujc cha. 'Oj jawc owal, wejel, no chiwjum noc' yet' yab'il. 'Oj cham eb' 'anma', yet' no noc'.

Ez 15:8

An tzwala to 'oj wa'ch can jun nacion̈ chi 'a cusltaquil, man̈x 'a 'anma 'oj can 'a 'a, yujto tenmtac xyutj sb'a eb' 'ayin, xchi Dios.

Ez 20:27

Ach 'anma', al yab' eb' et israelal cha, to an Jehová Yajl in, an tzwal 'ixtc 'a eb': A eb' e mam eyicham, stzuntzjnac cot eb' wowal, yujto caw wal tenmtac eb' 'a jun tzo'n̈ tic.

Ez 25:13

Yuj cha, an Yajl in tic, an tzwal 'ixtic: 'Oj wi' chan̈ in c'ab', ax wa'n 'och yailal 'a yib'n̈ eb' 'aj Edom. 'Oj in satl smasnil 'anma yet' no noc'. 'Oj 'el yich slajw 'el eb' 'a Temán masnto 'oj c'och 'a Dedán. 'Oj cham eb' 'anma chi yuj owal.

Ez 4:16

'Ix yaln pax 'ixtc 'ayin: Ach 'anma', a ticnec 'oj wac' lajwc 'ejm tas tzc'ux eb' 'aj Jerusalén. Yechl xoj 'oj 'aj tas 'oj sc'ux eb', scal syailal eb' 'oj laj sc'ux jac tas; yechl xoj 'oj yutc eb' yu'n a', 'oj yuc' eb' a 'a scal xiwc'ojlal.

Ez 5:16

A yic 'oj wa'noc cot jun wejl chi 'a eyib'an̈, 'oj jawc lemnjoc 'ayx 'icha wal junc jul-lab' tzcham 'anma yu'uj. 'Oj wac' niwtjoc jun wejl chi 'a e cal, sec 'oj e lajw 'el yu'uj, ax slajw chan̈ smasnil tas tze c'uxu.

Ez 6:14

'Oj wi' chan̈ in c'ab', ax wa'n 'och syailal eb' 'aj cajn cha. Tzann̈j 'aj cajn eb' 'anma cha, 'oj can yet'l eb' chi 'a cusltaquil, 'oj 'el yich 'a lum cusltac lum 'a stojlal sur, masnto 'oj c'och 'a lum Ribla 'ay 'a stojlal norte. 'Ixta to b'i'an, ax yojcan 'el eb' to an Jehová in tic, to cojn in ton Dios in, xchi Dios.

Ez 9:9

'Ix yaln 'ixtc 'ayin: A eb' israel yet' eb' 'aj Judá, yel xo wal niwn smul eb' 'a in sat, caw wal tzniwtj scham eb' 'anma 'a jun tzo'n̈ chon̈b' tic yuj jantcn̈ej maysch'olnil, yujto a snan eb' 'anma tic, to an Jehová in tic, matz wil tas tzb'o eb'.

Dn 9:5

Caw x'och qui mul on̈ yet' qui tenmtacl 'ayach. Cojxn̈ej maysch'olnil xqui b'o on̈, man̈x ach nanoc cuj on̈. 'Ix qui patquiln can 'el a checnb'il on̈ yet' pax a ley.

Lv 26:26

Ya' sb'a macnex yic tze coln e b'a 'a yol e chon̈b' cha, a yic cha, 'oj wic' 'emt yoc e wa'i. Lajn̈e n̈al eb' 'ix 'ix 'oj b'onc tas tzc'ux 'a junc c'aq'uil. Yechl xoj 'oj 'aj yajx tas tze c'uxu. 'Oj cob' e wa'i, palta ma'oj e b'ut'ji.