Ez 12:23 - Chuj San Sebastian Bible

²³ Yuj cha, al 'a eb' to an Jehová in, an tzwal 'ixtic: Man̈x 'oj wac' yal eb' 'anma jun paxti chi 'a scal eb' israel tic. Palta to caw wal la'n xo yaj sc'ul yel'ch smasnil tas in ch'oxjnac 'ilxoc 'a 'icha waychil cha.

Chuj San Mateo Bible

²³ Yuj chi' al d'a eb': Icha tic yalan Jehová Cajalil: A yuj tas ol in c'ulej, man̈xo ol eyal-laj jun lolonel chi', yujto toxo ol c'och stiempoal yelc'och juntzan̈ tas in ch'oxnac yil eb' in checab', xchi Jehová, xa chi d'a eb'.

Ez 12:23 ပူးပေါင်းရင်းမြစ်များ

Salmos 37:13

Palta ax Jehová, ton̈j tzewj yuj eb', yujto yojtac to a eb' tzb'on maysch'olnil cha, jaye xoj c'u 'ayc' eb'.

Is 28:22

A ticnec 'an, man̈x ex b'uchwjoc, sec wach' ma'oj niwtjoc yailal 'a eyib'an̈. 'Ix wab' tas 'ix yal Jehová tztac' yuj smasnil, tox 'ix sna'a to 'oj yac' lajwc smasnil tas 'ay 'a yol smacb'en jun nacion̈ tic.

Ez 12:25

A tas 'oj wal an Jehová in tic, 'oj 'el'choc muc'uc. Ax xo caw wal pitx tic, 'oj eyil wal jun tzo'n̈ tzwal tic, yowlal 'oj 'el'choc tas tzwala, xchi Dios 'ayin.

Ez 16:44

Til wal 'anma 'oj 'a'nc 'och 'a scal spaxti', ax yaln eb' yuj Jerusalén chi 'ixtic: 'Icha wal 'ix nunb'il, 'ixta pax 'ix 'uneab'il, 'oj schic eb'.

Ez 18:3

An Jehová Yajl in, an tzwal 'ixtic: Man̈x 'a wal b'a'n̈ 'oj yal eb' jun paxti tic 'a scal chon̈b' Israel.

Ez 7:2

Ach 'anma', an Jehová in, Yajl in, an tzwal 'ixtc 'a yib'n̈ chon̈b' Israel: A ticnec, wal sc'och sc'ul slajw 'el yolyib'n̈q'uinl tic, wal satl lum lum tic.

Jl 2:1

'Utz'jec q'uen trompeta 'a tzaln Sión. 'Utz'jec q'ue'en yic tzalx yab' eb' cajn 'a lum tzaln yic 'emmquilal yaj 'a Jehová. 'Ib'x cab' chan̈ smasnil eb' cajn 'a Judá, yujto jab'xoj sjaw jun c'u yic 'oj ya'nc Jehová yowl sc'ojol.

Sofonías 1:14

Caw jab'xoj sjaw jun c'u yic 'oj ya'nc Jehová yowl sc'ojol. A jun c'u cha, caw wal niwn yel'chi, la'n xo yaji, yelc'ojlal sjawi. 'Ab'ec, a wal 'a yic jun c'ul cha, a eb' soldado to caw te'n cob' yip, 'oj 'oc' eb' yuj xiwc'ojlal.

Malaquías 4:1

A Jehová tztac' yuj smasnil, a tzaln 'ixtic: Wan sjaw jun c'u yic 'oj wa'nc yowl in c'ojol, yic 'oj wa'nc satxoc 'el smasnil eb' b'uchwjum, yet' eb' tzb'on maysch'olnil, man̈x 'a junc eb' 'oj canoc. 'Icha wal tz'aj stz'a 'ejm te 'ac 'a yol junc jorna, 'ixta wal 'oj 'aj eb'.

Mt 24:34

Wal yel tzwal 'ayex, ma'oj satl jun tzo'n̈ 'anma tic, masnto 'oj 'e'cn jun tzo'n̈ xwal tic smasnil.