Ez 12:11 - Chuj San Sebastian Bible

¹¹ Tzaln 'a eb' 'ixtic: An tic ton̈j ch'oxnb'il jun tzwac' 'ayx tic. 'Icha 'ix wutj in ch'oxn tic, 'ixta 'oj 'aj eb' 'ayt can 'a Jerusalén yijx 'at 'icha presoal, xa chi 'a eb'.

Chuj San Mateo Bible

¹¹ Tzalan paxi to ch'oxnab'il aj d'a eb'. Yujto yovalil icha chi' ol aj eb' aj Jerusalén chi', icha val van utan a b'a chi', yujto ol ic'jocb'at eb' d'a ch'oc chon̈ab'il.

Ez 12:11 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 25:11

Xlajw cha, xyi'n 'at win Nabuzaradán eb' 'anma xcan to 'a yol chon̈b' cha, yet' eb' xya'ch sb'a yet' win sreyl Babilonia, yet' pax jun b'uln̈ xo eb' chon̈ab', 'ix 'ijx 'at eb' 'icha presoal yu'uj.

A Ch'an̈ Schab'il Libro Yic Yab'ixal Eb' Rey 25:7

Q'ueln 'och Sedequías cha, 'ix milx cham eb' yunnal. Xlajw cha, 'ix 'ijx 'elt yol sat. Jalb'il yet' q'uen cadena 'ix 'ijx 'at 'a Babilonia.

Jeremías 10:17

Ex 'aj chon̈b' Jerusalén, caw oyb'ilx xo, molb'tzejc smasnil tas 'ay 'ayex.

Jeremías 15:2

Toto tzc'anb'j eb' 'ayach 'ajtil tz'at eb' cha, tzaln 'a eb' to an tzwal 'ixtic: A eb' to 'aych 'a yib'n̈ to a yab'il tzmilni, 'at cab' eb' chamnc 'a scal yab'il cha. Ax eb' to a owl tzmilni, 'at cab' eb' chamnc 'a owal. A eb' to a wejl tzmilni, 'at cab' eb' chamnc 'a 'aj 'ay wejl cha. Ax pax eb' to 'aych 'a yib'n̈ to 'oj yamchjoc 'at 'icha presoal, 'at cab' eb' 'icha presoal chi 'a chuc chon̈b'al, xchi Dios, xa chi 'a eb'.

Jeremías 52:15

Xlajw cha, xyi'n 'at Nabuzaradán eb' 'anma 'a Babilonia, atn eb' xcant can 'a jun chon̈b' cha, yet' pax eb' xya'ch sb'a yet' win sreyl Babilonia, yet' pax jun b'uln̈ xo eb' chon̈ab'.

Ez 12:3

Yuj cha, molb'tzej tas 'ay 'ayach, tze'ni tzach 'ati, 'icha to tzach 'ijx 'at 'icha presoal. A cab' 'a c'ul tza b'o jun tic, sec tzyil eb' smasnil. 'Eln̈ 'a et'l cha, chucx junc lugar 'aj tzach c'och yil eb', sec lemb'il 'oj yil cot sb'a eb', yujto caw pit jun chon̈b'al eb' 'anma tic.

Ez 12:6

A 'a yic wan xo sq'uic'b'i, tza'n q'ue a pa chi 'a sjolm a quelab', q'ueln 'och eb' 'ayach yic tzach 'at cha. Tza mac a sat, sec matz uj eln can jun chon̈b' cha. 'Ixta tzach wutj ach wa'n 'och ch'oxnb'ilal 'a eb' et israelal cha, xchi 'ayin.

Ez 4:1

'Ix yaln pax Jehová 'ixtc 'ayin: Ach 'anma', 'ij cot junc lum xamit, tza'n 'ejm 'a ojltac, tzlajw cha, tza b'on 'ejm yechl chon̈b' Jerusalén 'a yib'an̈.

Ez 4:3

Tze'n cot junc q'uen sa'am, tza lin̈n chan̈ 'a a cal yet' jun chon̈b' cha, tzach 'och q'ueln 'a 'a, 'icha cab' to wan a'n owl yet'oc. Atn jun chi tz'och ch'oxnb'ilc 'a eb' et israelal.

Zacarías 3:8

Tzcham wal ab'n ticnec ach Josué, ach tic, sat ya'mal 'och sti eb' 'anma aji. Cham wal ab'n yet' eb' 'aych yopiso et'oc, yujto ax tic, ch'oxnb'il eyaj yuj jun mach wan sjawi, atn jun in checb' 'oj 'eltoc 'a scal eb' yin̈tl Isaí, 'oj 'ajxoc sb'ic Swol.