Ez 11:9 - Chuj San Sebastian Bible

⁹ 'Oj ex wic' 'elt 'a yol chon̈b' tic, ax wa'n 'och yailal 'a eyib'an̈, ax 'a yol sc'ab' eb' chuc chon̈b'al, ata 'oj ex wactcani.

Chuj San Mateo Bible

⁹ Ol vac'och yaelal d'a eyib'an̈, ol ex viq'uel d'a yol chon̈ab' tic, ol ex vac'anoch d'a yol sc'ab' eb' ch'oc chon̈ab'il.

Ez 11:9 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 24:4

yet' yuj eb' 'anma may smul 'ix yac' milxoc 'a Jerusalén. Yuj cha, man̈xtoc 'ix yac' Jehová niwnc'ojlal.

Esdras 9:7

Yictax 'a yol stiempoal eb' qui mam quichm on̈, masnto ticnec, caw wal 'ayn̈ 'at 'a scal maysch'olnil on̈. On̈ 'ajx 'och 'a yol sc'ab' sreyl jun tzo'n̈ xo nacion̈ yet' eb' qui reyal, yet' pax eb' ya'mal 'och qui ti 'a 'aych on̈. 'Ay mach xlaj milx cham 'ayn̈ on̈, on̈ laj 'ijxc 'at 'a 'icha presoal on̈, 'ix laj 'el'x 'at tastc 'ay 'ayn̈ on̈, caw wal q'uixweltac on̈ 'ajcni, 'icha wal caj ticnec on̈.

Salmos 106:30

Palta ax win Finees, 'ix yil sb'a 'a jun 'ay smul cha, smiln chamoc. Cojn wal cha, 'ix 'och wan scham eb' 'anma cha.

Salmos 106:41

'Ixta x'aj scan eb' 'a yol sc'ab' eb' chuc chon̈b'al cha, ax eb' 'ajc'ojl chi 'ix yac' yajlil 'a yib'n̈ eb'.

Ec 8:11

Yujto man̈ toc yajn̈ej tz'ajx 'och yailal 'a yib'n̈ eb' maysch'olnil, yuj cha cojxn maysch'olnil chi tzna eb'.

Jeremías 29:20

E masnil ex 'aj Jerusalén, ex 'ic'b'ilx 'at 'icha presoal 'a Babilonia, 'ab'c wal tas tzwala.

Ez 11:7

Yuj cha, tzwaln an Jehová in 'ixtic: A chon̈b' Jerusalén, lajn wal 'icha junc lum chen. Ax jun chib'j cha, atn eb' 'anma tze milcn 'a yoltc caye, yuj cha, an 'oj ex wic' 'elt 'a yol jun chon̈b' tic.

Ez 16:38

Ax in b'eyc'ojlan yuj yajmulal yet' yuj smilm 'anma'il, 'oj wac' 'a yol sc'ab' chaml yuj yowl in c'ojl 'a yib'an̈.

Ez 16:41

'Oj sn̈ustz'a eb' yatut, ax sb'eyc'ojlan eb' yet' yailal 'a sat jun tzo'n̈ xo eb' 'ix 'ix. 'Ixta 'oj aj yoch wan sb'on 'ajmulal, ax yactn stojn eb' chamc'ojlab'il yuj cha.

Ez 21:31

'Icha wal stz'a junc tas yuj c'ac', 'ixta 'oj wutc wi'n 'el yowl in c'ojl 'a eyib'an̈. 'Oj ex wac' 'a yol sc'ab' eb' 'anma maysch'olnil, atn eb' milm 'anma'.

Ez 30:19

'Oj wa'ch wal yailal 'a yib'n̈ eb' 'aj Egipto, 'ixta to b'i'an ax yojcan 'el eb', to an Jehová in, to cojn in ton Dios in, xchi Dios.

Ez 5:10

Yujto 'ay eb' mamb'il 'oj schi yunnal 'a e cal, 'ay pax eb' 'unnab'il 'oj schi smam. Yuj cha, ax wa'n 'och wal yailal 'a e cal, ax eb' ma'oj chamoc, 'oj sactzic eb' in pechn can 'at 'a scal jun tzo'n̈ xo nacion̈.

Ez 5:15

A yic 'oj wa'nc 'och yailal 'a eyib'n̈ yuj yowl in c'ojol, ax eb' 'anma 'a jun tzo'n̈ xo chon̈b' 'a e la'nil, caw wal 'oj ex stzetzc eb', ax ex sb'uchn eb'.

Ez 5:8

Yuj cha, an Jehová Yajl in, an tzwal 'ixtic: 'Oj woch 'ajc'ojlal 'ayex, q'ueln 'och jun tzo'n̈ xo nacion̈ 'ayex, ax wa'n 'och eyailal.

Jn 5:27

Ya'jnac can pax in poder in b'eyc'ojlan smasnil 'anma', yujto 'Ochnc in 'Anma'il.

Ro 13:4

'Ay yopiso eb' yuj Dios, yuj swach'loc eb' 'anma smasnil. Palta toto maysch'olnil tzcutjec qui b'a, smoj tzon̈ xiwc yuj eb', yujto caw yel 'ay yopiso eb' ya'n 'och yailal 'a quib'an̈. Yujto 'aych yopiso eb' yuj Dios ya'n 'och yailal 'a yib'n̈ eb' maysch'olnil tzyutj sb'a cha.

Dt 28:36

A Jehová 'oj eyi'n 'at yet' e reyl sic'b'il 'och eyu'uj, 'a junc nacion̈ to man̈ eyojcoc, man̈ yojcoc pax eb' qui mam quichmec. Ata 'oj eyac' servil jun tzo'n̈ comn dios, b'ob'il 'a te te', mto 'a q'uen q'ue'en.

San Judas 1:15

Atta 'oj sb'eyc'ojloc smasnil 'anma'. Jantcn̈ej eb' maysch'olnil, 'oj ya'ch yailal 'a yib'n̈ eb' yuj smul, yujto maysch'olnil eb'. A eb' tu tzaln 'a spatc Cajlilc cha, eb' caw maysch'olnil snab'en, 'oj ya'ch pax yailal 'a yib'n̈ eb', xchi win Enoc cha.