Ez 11:23 - Chuj San Sebastian Bible

²³ 'Ix yi'n 'el sb'a stzictznil Jehová 'a yib'n̈ chon̈b' Jerusalén, axta xc'ochcn b'achchoc 'a sjolm jun lum witz 'ay 'a sti 'el chon̈b' 'a stojlal 'aj tzq'uel c'u.

Chuj San Mateo Bible

²³ Junn̈ej ix q'ue vaan yed' eb', ix el d'a chon̈ab' Jerusalén chi'. Axo d'a sjolom jun lum vitz d'a stojolal b'aj sjavi c'u d'a chon̈ab' chi' ata' ix vanaji.

Ez 11:23 ပူးပေါင်းရင်းမြစ်များ

Ez 1:28

'icha yilx chacpan 'a scal 'asun yic tzya'n n̈ab', 'ixta yilx sc'ac'l jun chi 'a stitac. 'Ixta wal xwutj wiln stzictznil Jehová. A yic xwiln cha, in 'em n̈ojn 'a sat lu'um, axn cha, 'ix wab'n spaxtin 'ayin.

Ez 10:18

Xlajw cha, 'ix 'elx stzictznil Jehová 'a yib'n̈ sjolm puerta, 'ix c'ochx can 'a yib'n̈ sjolm eb' querubín cha.

Ez 10:4

Xlajw cha, ax Jehová yet' stzictznial, 'ix q'ue wan 'a yib'n̈ yechl eb' querubín cha, axta xq'ue'ch 'a yib'n̈ sjolm puerta. 'Ix sacb'chan̈ jun 'amc' chi yuj stzictznil Jehová, 'ix 'em t'ocn jun 'asn chi 'a yol scajnub' cha.

Ez 43:2

ax xwilni, 'ix jaw tzicn̈joc stzictznil qui Diosal 'ayin, ata xcot 'a stojlal 'aj tzq'uel c'u, lajn wal sc'an̈ 'icha sc'an̈ a 'elmal a'. Caw wal 'ix sacb'el sat lum yuj stzictznil cha.

Ez 43:4

A stzictznil Jehová, ata x'oxt 'a yol sti jun puerta 'ay 'a stojlal 'aj tzq'uel c'u.

Ez 8:4

A 'a jun lugar cha, ata 'ayc' stzictznil qui Diosalec an̈ israel on̈c tic, 'icha wal xwutj wiln 'a lum pan̈n 'a'lic 'a yic b'ab'el.

Ez 8:6

'Ix yaln 'ixtc 'ayin: Ach 'anma', ¿tzam el wal tas yajb'entac tzb'o eb' et israelal tic? Atn wal yuj jun tzo'n̈ tic, tzwi'n 'el in b'a 'a in cajnub', palta 'ayt wal tas yel xo wal yajb'entac 'oj in ch'ox ela', xchi 'ayin.

Ez 9:3

Ax stzictznil qui Diosalec an̈ israel on̈c tic, 'ix q'ue wan 'a yib'n̈ 'aj 'ayc' yechl eb' querubín, axta 'ix 'och wan 'a yib'n̈ sjolm spuertail yatut Dios. 'Ix yawtn Jehová win lino spichl cha, atn win t'un̈n 'och stz'ib'lab' chi 'a snan̈al,

Zacarías 14:4

A wal 'a yic jun c'ul cha, 'oj 'em te'n yoc Jehová 'a yib'n̈ lum tzaln Olivo 'ay 'a yojltac 'at Jerusalén, 'a stojlal 'aj tzq'uel c'u. 'Oj jat snan̈l jun tzaln cha, ax yochcn niwn pan̈nil, tzchaj cot 'a stojlal 'aj tzq'uel c'u, masnto tzc'och 'a stojlal 'aj tz'em c'u. Spacl jun tzaln chi 'oj 'atcn 'a stojlal norte, ax junx spacul, ata 'oj 'atcn 'a stojlal sur.

Mt 23:37

Ax wal tic ex 'aj Jerusalén, caw ton̈j tzlaj e jul cham eb' schecb' Dios yet' q'uen que'en, atn eb' tzchecx cot 'ayx yu'uj. Til xo wal 'ejm tzex wawtj cot 'ayin, 'icha junc caxtiln̈ tzyawtj cot yune', tzmoyni, palta toxn matz yal e c'ojol.