Ez 11:22 - Chuj San Sebastian Bible

²² Xlajw cha, sjen̈n 'el eb' querubín chi sc'axil, 'ix q'ue wan eb' yet' jun tzo'n̈ setet 'aych 'a yaln̈ cha. Ax stzictznil sDiosal chon̈b' Israel, a 'ay q'ue 'a yib'n̈ sjolm eb'.

Chuj San Mateo Bible

²² Ix lajvi chi' ix vilan sq'ue vaan eb' querubín, ix b'at jen̈en̈oc eb', ix b'atpax juntzan̈ xocanxocan yed' eb'. A stziquiquial Jehová co Diosal a on̈ israel on̈ tic ayem d'a yib'an̈ eb'.

Ez 11:22 ပူးပေါင်းရင်းမြစ်များ

Ez 1:28

'icha yilx chacpan 'a scal 'asun yic tzya'n n̈ab', 'ixta yilx sc'ac'l jun chi 'a stitac. 'Ixta wal xwutj wiln stzictznil Jehová. A yic xwiln cha, in 'em n̈ojn 'a sat lu'um, axn cha, 'ix wab'n spaxtin 'ayin.

Ez 10:19

Q'ueln in 'och 'a eb', 'ix yi'n chan̈ eb' sc'axil yic xq'ue wan eb' 'a sat lu'um, xq'ue wan pax jun tzo'n̈ setet chi yet' eb'. Axta 'ix 'och wan eb' 'a sti spuertail yatut Jehová 'a stojlal 'aj tzq'uel c'u, ax stzictznil sDiosal chon̈b' Israel, a 'ayc' 'a yib'n̈ eb'.

Ez 10:4

Xlajw cha, ax Jehová yet' stzictznial, 'ix q'ue wan 'a yib'n̈ yechl eb' querubín cha, axta xq'ue'ch 'a yib'n̈ sjolm puerta. 'Ix sacb'chan̈ jun 'amc' chi yuj stzictznil Jehová, 'ix 'em t'ocn jun 'asn chi 'a yol scajnub' cha.

Ez 43:2

ax xwilni, 'ix jaw tzicn̈joc stzictznil qui Diosal 'ayin, ata xcot 'a stojlal 'aj tzq'uel c'u, lajn wal sc'an̈ 'icha sc'an̈ a 'elmal a'. Caw wal 'ix sacb'el sat lum yuj stzictznil cha.

Ez 9:3

Ax stzictznil qui Diosalec an̈ israel on̈c tic, 'ix q'ue wan 'a yib'n̈ 'aj 'ayc' yechl eb' querubín, axta 'ix 'och wan 'a yib'n̈ sjolm spuertail yatut Dios. 'Ix yawtn Jehová win lino spichl cha, atn win t'un̈n 'och stz'ib'lab' chi 'a snan̈al,