Ez 10:3 - Chuj San Sebastian Bible

³ Ax eb' querubín cha, ata 'ayc' eb' 'a spac'b'il yatut Dios 'a stojlal sur. 'Ix 'eml 'asun, xb'ut'j 'el yojl 'och sti yamq'uil yatut Dios cha.

Chuj San Mateo Bible

³ A eb' querubín chi' ayec' eb' d'a jun spac'ul templo chi' d'a stojolal sur. Ix em jun yasunal stziquiquial Jehová, ix b'ud'jiel yamaq'uil templo chi' yuuj.

Ez 10:3 ပူးပေါင်းရင်းမြစ်များ

Gn 3:24

Xlajw yelt can eb' 'anma chi yuj Dios, 'ix ya'n can 'och jun tzo'n̈ eb' querubín 'a stojlal 'aj tzq'uel c'u 'a Edén, yet' jun q'uen espada tzictzni yel sc'aq'uil yic tz'ec' oyyoc, sec wach' man̈x 'a junc mach tztac' yochi, yic tzlon sat te te tz'a'n q'uinl cha.

Ex 25:18

Tza'n b'o yechl chawn̈ querubín nab'a oro tz'aji, tztenx b'o yet' martillo, sec tz'och 'a yib'n̈ sti schicn smac te caxa cha.

Ez 43:4

A stzictznil Jehová, ata x'oxt 'a yol sti jun puerta 'ay 'a stojlal 'aj tzq'uel c'u.

Ez 46:1

An Jehová Yajl in, an tzwala: A jun puerta 'ay 'a sti 'amc' 'a yojl 'ochi, jun 'ay 'a stojlal 'aj tzq'uel c'u, macnn̈ej 'a yic 'ay munljel 'a waque c'ual, at 'a yic sc'ul 'iljelal yet' 'a yic tzpac' 'uj, atta tzjacwi.

Ez 8:16

In yi'n 'at 'a yol sti yamq'uil yatut Dios, ax 'a yol 'och sti puerta cha, 'a sla'nil 'aj 'ay yet'l xajmb'al, ata 'ay 25 eb' winac. A yichspatquil eb' 'aycn cot 'a stojlal yatut Dios, axta q'ueln 'at eb' 'a stojlal 'aj tzq'uel c'u, cumn 'ejm eb' yal sb'a 'a c'u.

Ez 8:3

A jun 'icha 'anma cha, 'ix ya' cot sc'ab' 'a in jolom, 'ix stzucn chan̈ xil in jolm cha. Ax Yespíritu Dios in t'un̈n cha'an̈, in yi'n 'at 'a Jerusalén yic tzch'oxn wil tas 'ay ta'. A 'a yojl 'och sti spuertail yatut Dios, jun 'ay 'a sti 'amc' 'a stojlal norte, ata 'ay yet'l jun comn dios tzuntzn cot yowl sc'ojl Jehová.

Ez 9:3

Ax stzictznil qui Diosalec an̈ israel on̈c tic, 'ix q'ue wan 'a yib'n̈ 'aj 'ayc' yechl eb' querubín, axta 'ix 'och wan 'a yib'n̈ sjolm spuertail yatut Dios. 'Ix yawtn Jehová win lino spichl cha, atn win t'un̈n 'och stz'ib'lab' chi 'a snan̈al,