Ez 10:22 - Chuj San Sebastian Bible

²² Lajn wal yilx sat eb' chi yet' eb' wiljnac yic 'ayn 'ec' 'a sti a niwn a Quebar. Junjn eb', tojln̈ej yajb't q'ueln eb' 'a yojltac yic tzb'ey eb'.

Chuj San Mateo Bible

²² A sat eb', lajann̈ej yilji icha yilji eb' vilnac d'a sti' a' nivan Quebar chi'. Ayic sb'eyb'at eb', tojoln̈ej sb'at eb' b'aj q'uelanb'at d'a yichan̈.

Ez 10:22 ပူးပေါင်းရင်းမြစ်များ

Ez 1:1

An Ezequiel in tic, yunnaln win Buzi, an xin tz'ib'j jun libro tic. Ya'mal 'och sti eb' 'anma waj 'a Dios. Ata 'ayn 'ec' 'a sti jun a a tzcuch Quebar 'a yol yic Babilonia. 'Ayn 'och 'a scal eb' 'aj Judá 'ijxnac cot 'icha presoal. A 'a yic yol c'u yoch schan̈l 'uj yic ab'il 30, atn 'a yic tox 'ix 'ec' o'e ab'il yijx cot win rey Joaquín 'icha presoal, ata 'ix wil jun tic, 'icha to 'ix jacw satcha'an̈, 'ix sch'oxn sb'a Jehová Dios 'ayin, xya'n jawc spoder 'a wib'an̈.

Ez 1:10

A sat eb' 'a yojltac, lajn yilx 'icha sat 'anma'. A 'a swach' c'ab' eb', lajn yilx 'icha sat no león. A 'a surito eb', lajn yilx 'icha sat no wacax, ax 'a spatquil eb', lajn yilx 'icha sat no salt'iw. 'Ixtnta wal yilx sat eb' cha.

Ez 1:12

A yic tzb'ey eb', tojln̈ej sb'ey't eb' 'a yojltac, a 'aj tz'ijx 'at eb' yuj spoder Dios, matz meltzj xon eb' 'a yet'l cha.

Ez 1:9

Tzchaj sb'a sn̈i sc'axl eb' 'a yic tzb'ey eb'. Tojln̈ej yajb't q'ueln eb' 'a yojltac, matz meltzj xon eb' 'a yet'l cha.

Ez 10:11

A yic tzb'ey eb' querubín chi 'a jun pac'oc, ata tz'at pax jun tzo'n̈ setet cha. Matz meltzj eb'. Tojln̈ej s'at eb' 'a yojltac, yaln̈ej 'aja junc pac' 'aj tzb'ey eb'.

Ez 10:21

A eb' querubín cha, chan̈chn̈ sat eb', chan̈chn̈ pax sc'axl eb', ax 'a yaln̈ sc'axl eb' chi 'ay 'elt sc'ab', lajn yilx 'icha sc'ab' 'anma'.

Ez 11:1

Ax Yespíritu Dios in 'i'n 'at 'a spuertail yatut Jehová, jun 'ay 'a stojlal 'aj tzq'uel c'u. A 'a yol sti puerta cha, ata 'ayc' 25 eb' winac, ax 'a scal eb', ata 'ayc' Jaazanías yunnal Azur yet' win Pelatías yunnal Benaías, atn eb' tic yajl yaj 'a scal eb' 'anma cha.

Ez 43:3

A jun xwil cha, lajn wal yilx 'icha jun wiljnac yic wul ya'nc Dios lajwc 'el chon̈b' Jerusalén, 'icha pax jun wiljnac 'a sti a niwn a Quebar. Cojn wal yic xwiln cha, in 'em n̈ojnjoc 'a sat lu'um.

Os 14:9

A eb' jelan, yet' eb' wach' snab'en, 'oj nachjoc 'el jun tzo'n̈ paxti tic yuj eb'. A jun b'e yic Jehová, caw wal tojol. A eb' wach' sb'eyb'al, 'oj 'at eb' 'a jun b'e cha, palta ax eb' maysch'olnil sb'eyb'al, 'oj telwc eb' 'a 'a.