Ez 1:28 - Chuj San Sebastian Bible

²⁸ 'icha yilx chacpan 'a scal 'asun yic tzya'n n̈ab', 'ixta yilx sc'ac'l jun chi 'a stitac. 'Ixta wal xwutj wiln stzictznil Jehová. A yic xwiln cha, in 'em n̈ojn 'a sat lu'um, axn cha, 'ix wab'n spaxtin 'ayin.

Chuj San Mateo Bible

²⁸ icha yilji chacpan scheclaj d'a scal asun ayic syac'an n̈ab', icha chi' yajoch oyan d'a spatictac.

Ez 1:28 ပူးပေါင်းရင်းမြစ်များ

Gn 17:3

Yuj cha, x'em n̈ojn Abram 'a sat lu'um, ya' sb'a tzpaxtin Dios 'a 'a, 'ix syamn 'och Dios yaln 'ixtic:

Ex 16:10

Wanto spaxtin Aarón 'a eb' 'anma cha, 'ix 'at q'ueln eb' smasnil 'a lum cusltac lu'um, axta sch'ox sb'a stzictznil Jehová 'a scal jun 'asun.

Ex 16:7

A 'a sq'uin̈b'il q'uic'an, ata 'oj eyila' chajtlto 'ay spoder Jehová, yujto xyab'i tas xeyutj paxtinc e b'a 'a 'a, palta an̈ xo tic on̈, toc 'ay quel'ch on̈, yuj cha, xcob' eyaln qui peclal on̈, xchi eb'.

Ex 24:16

'Ix 'eml stzictznil Jehová 'a sjolm lum witz Sinaí cha, waque c'u x'och oyn jun 'asn chi 'a sjolm lu'um. Ax 'a yucl c'u, x'awtx Moisés yuj Jehová 'a scal jun 'asn cha.

Ex 24:17

'Ix sch'ox sb'a stzictznil Jehová 'a scal jun 'asn cha, xyil eb' israel jun chi 'a sjolm lum witz cha. Lajn wal yilx jun chi 'icha junc niwquil c'ac' tzon̈ tz'a yu'uj.

Ez 10:4

Xlajw cha, ax Jehová yet' stzictznial, 'ix q'ue wan 'a yib'n̈ yechl eb' querubín cha, axta xq'ue'ch 'a yib'n̈ sjolm puerta. 'Ix sacb'chan̈ jun 'amc' chi yuj stzictznil Jehová, 'ix 'em t'ocn jun 'asn chi 'a yol scajnub' cha.

Ez 3:23

Xlajw cha, in q'ue wa'an, in c'och 'a lum 'a'lic cha, axta xwil stzictznil Jehová 'icha xwutj wiln 'a sti a Quebar, in 'em n̈ojnjoc 'a sat lu'um, xin quiln 'ejm in sat.

Ez 43:2

ax xwilni, 'ix jaw tzicn̈joc stzictznil qui Diosal 'ayin, ata xcot 'a stojlal 'aj tzq'uel c'u, lajn wal sc'an̈ 'icha sc'an̈ a 'elmal a'. Caw wal 'ix sacb'el sat lum yuj stzictznil cha.

Ez 44:4

In yi'n pax 'at jun winc chi 'a 'aj 'ay junx puerta 'a stojlal norte, jun 'ay 'a yojltac yatut Dios. Ax xwilni, c'uxn 'ix macchj 'el yol yatut chi yet' stzictznial, cojn wal xwiln cha, in 'em n̈ojnjoc 'a sat lu'um.

Ez 8:4

A 'a jun lugar cha, ata 'ayc' stzictznil qui Diosalec an̈ israel on̈c tic, 'icha wal xwutj wiln 'a lum pan̈n 'a'lic 'a yic b'ab'el.

Dn 8:17

Xlajw cha, xjaw Gabriel chi 'a in tz'ey. Caw in xiw yu'uj, in 'em cumnjoc 'a yojltac. 'Ix yaln 'ixtc 'ayin: Ach winac, 'ojquej 'eli to a tas tzyal 'el'ch jun x'el cha, atn tas 'oj ujc 'a slajb' c'ual, xchi 'ayin.

Lv 9:24

'Ix 'elt c'ac' 'a yojltac Jehová, 'ix ya'n tz'a no xajmb'al yet' xepu, 'ix tz'a no smasnil. A yic xyiln smasnil eb' israel jun tic, caw x'el yaw eb' yuj tzaljc'ojlal, x'em n̈ojnjoc eb' masnto squil 'ejm eb' snan̈l sat 'a sat lu'um.

A Tas Sc'ulejnac Eb' Schecab' Jesús Hechos 9:4

Yuj cha, 'ix telw win 'a sat lu'um. 'Ix yab'n win yoch jun paxti'. 'Ix yaln 'ixtc 'a winac: —Saulo, Saulo, ¿tas yuj tzin a pech b'eyc'oc? xchi 'a winac.

Ro 9:4

A eb' cha, yin̈tl Israel eb' wet'oc. A Dios si'jnac 'och eb' yunnaloc. Caw sch'oxjnac stzictznil 'a eb', yic yec' yet' eb'. A 'a'jnac can jun tzo'n̈ strato 'a eb'. Ya'jnac can pax sley 'a eb'. Yaljnac can 'a eb', tas tzyutj eb' yaln sb'a 'a 'a. 'Ay pax jun tzo'n̈ tas 'aj ya'jnac can sti 'a eb'.

1 Co 13:12

Yujto a ticnec, mantzac nachj 'el wal yic Dios cujec. 'Ichan̈ej quilnec jun tzo'n̈ tas 'a junc nen q'uic'moynac sat, 'ixta cajec. Palta a yic jun tiempoal cha, 'oj nachjc 'el smasnil tas yic Dios cujec. Yujto si'mb'il 'oj quilc wal smasnil tas. A ticnec, mantzac tz'acw cojcanec 'el yic Dios, palta a 'a jun tiempoal cha, 'oj cojcoquec 'eli. A ticnec, yojc on̈c Dios si'mb'il. 'Ixta 'oj 'aj cojcanec 'el smasnil yic Dios ta'.

Apoc 10:1

Xlajw cha, xwiln pax junx ángel 'a satcha'an̈, caw niwn spoder. 'Ix 'ejm 'a yolyib'n̈q'uinal. Oyn 'och 'asn 'a 'a, 'icha to a 'aych spichloc. A 'a sjolom, 'ay q'ue jun chacpan. A sat, caw tzictzni 'icha c'u. Ax yoc, 'icha snich c'ac' 'ixta yilxi.

Apoc 4:3

A jun wocn 'ejm cha, lajn yilx sat 'icha junc q'uen jaspe, mto junc cornalina, caw tzictzni. Ax 'a jun despacho cha, ata oyn 'och jun chacpan caw tzictzni, lajn yilx 'icha junc q'uen esmeralda.

Jueces 13:20

A yic xq'uen̈ilnjoc sc'a'l jun xajmb'al chi stz'a 'a yib'n̈ yet'l xajmb'al cha, ax xyiln eb', x'och jun yángel Jehová chi 'a scal jun c'ac' cha. 'Ix pax 'a satcha'an̈. A yic xyiln eb' jun cha, 'ix 'em c'umnjoc eb' 'a sat lu'um.