Ex 6:11 - Chuj San Sebastian Bible

¹¹ —'Ixic, 'at al 'a win rey cha, to tzex ya'l win 'a libre 'a sat slum tic, xchi.

Chuj San Mateo Bible

¹¹ —Ixic al d'a vin̈ sreyal Egipto chi' to tzex yactejel vin̈ d'a sat sluum tic, xchi Jehová.

Ex 6:11 ပူးပေါင်းရင်းမြစ်များ

Ex 3:10

Yuj cha, 'ixc ticnec, ach tzach wa'ch 'a sat paxtinc 'a win sreyl Egipto cha, ach 'oj a paxtin 'a winac, ax e'n 'elt eb' in chon̈b' chi 'a jun lugar cha, xchi Dios.

Ex 4:22

Tzlajw cha, ax aln 'a win rey cha. To an Jehová in an tzwal 'ixtic: A eb' israel tic, 'icha to in b'ab'l 'unnal yaj eb'.

Ex 4:23

Tox 'ix wal 'ayach, to tza chaj 'at eb' wunnal tic, yic tz'at yac' eb' 'emmquilal 'ayin, palta yujto matz yal a c'ojl tza chaj 'at eb', yuj cha, 'oj in mil cham win a b'ab'l 'unnal, xchi Jehová, xa chi 'a 'a, xchi Dios.

Ex 5:1

'Ix 'e'cn jun tzo'n̈ cha, 'ix 'at Moisés yet' Aarón paxtinc yet' win rey, 'ix yaln ewin 'ixtc 'a winac: —'Ixtc wal yaln Jehová qui Diosal an̈ israel on̈ tic on̈: To tza chaj 'at eb' in chon̈b' tic 'a lum cusltac lu'um, yic tzyi'n chan̈ eb' in b'i yet' junc q'uin̈, xchi Dios, xchi eb' 'a winac.

Ex 5:23

Yictax in jaw paxtinc yet' win rey tic o'oj, yel xo wal 'oltac tz'aj eb' a chon̈b' tic yuj winac, palta mantzac ach colwj xon jab'oc, xchi Moisés.

Ex 6:10

Yuj cha, xyaln pax Jehová 'ixtc 'a Moisés:

Ex 6:29

—An tic Jehová in. Al 'a win sreyl Egipto yuj smasnil tas tzwal 'aych tic, xchi Dios.

Ex 7:1

Xlajw cha, 'ix yaln pax Jehová 'a Moisés 'ixtic: —'Ilto, ach tzach 'och 'a yojltac win rey chi in jeloc, ax o'tac Aarón cha, a 'oj paxtinc a jeloc.