Ex 40:3 - Chuj San Sebastian Bible

³ Tza'n 'ajxoc 'och te scaxail in trato 'a yojol, tzlajw cha, tz'och te cortina yen̈loc.

Chuj San Mateo Bible

³ Slajvi chi', tz'ac'chajoch te' scaxail trato d'a yool chi', tz'ac'chajoch c'apac cortina smaculoc.

Ex 40:3 ပူးပေါင်းရင်းမြစ်များ

1 Cr 17:5

Yictax wi'n 'elt eb' e mam eyichm 'a Egipto, masnto 'a jun c'u tic, may xon 'ajtil in 'aj 'a yol junc n̈a, palta to an̈j 'a yoltc mantiado tzin 'eq'ui.

Ex 25:10

'Ix yaln pax Jehová 'ixtic: Tzac' b'o junc caxa 'a te 'a'nte acacia, jun metro yet' lajn̈e xo centímetro tz'aj spac'b'il, 65 centímetro tz'aj schiquin, 65 centímetro pax tz'aj ste'il.

Ex 25:22

A 'a yib'n̈ smac te caxa cha, ata 'oj in ch'ox in b'a 'ayach, 'a snan̈l yechl chawn̈ querubín 'aych 'a yib'n̈ sti smac te scaxail trato, ata 'oj wac' ojcoc 'el smasnil in checnb'il 'a eyib'n̈ ax israel ex tic, xchi Dios.

Ex 26:31

Tzlajw cha, tza'n b'o junx te cortina yet' te q'uic'mucnac ch'al, te púrpura, te chac yet' te lino ch'umb'il, tza'n tz'isxoc 'och yechl eb' querubín 'a te'.

Ex 31:7

Mantiado 'aj tzin chaj in b'a eyet'oc yet' smasnil syamc'ab'il, te scaxail in trato yet' smacl yib'an̈, te mexa yet' syamc'ab'il, jun yet'l cantil nab'a oro yet' syamc'ab'il, yet'l xajmb'al yic incienso; yet'l xajmb'al 'aj tz'a smasnil no xajmb'al yet' smasnil syamc'ab'il, q'uen palagan yet' sb'achnub'al yalan̈, te pichl caw wach' tz'aj sjalxi, atn te 'oj ya'ch Aarón yet' eb' yunnal, yic 'aych eb' 'a yopiso ya'n 'och sti eb' 'anma 'ayin.

Ex 35:12

Tzb'on eb' scaxail trato yet' scan̈nub'al, tzb'on eb' smac yet' pax jun te cortina tz'och smacoc.

Ex 35:4

'Ix yaln pax Moisés 'a eb' yit israelal chi 'ixtic: Atn jun tzo'n̈ tic 'ix yal Jehová 'ayin yic tzwaln 'ayex:

Ex 39:32

'Ixtn tic wal x'aj sb'o 'el'ch scajnub' Dios, atn jun Mantiado 'aj tzchaj sb'a yet' eb' 'anma'. Sb'o eb' israel smasnil tas 'ix yac' Jehová b'o'oc, 'icha wal yaj yaln 'a Moisés, 'ixta 'ix 'aji.

Lv 16:14

Tzyi'n cot jac schic'l no quelm wacx cha, tzlab'n 'ejm yune sc'ab' 'a scal, tzicn 'och 'a yib'n̈ smac te caxa chi 'a stojlal 'aj tzq'uel c'u. Tzlajw cha, tzicn 'och chic' chi yet' yune sc'ab' uc 'ejm 'a yojltac 'elt smacl sti te caxa cha.

Nm 4:5

A yic tz'atx eb' chon̈ab', ach xo Aarón yet' eb' onnal, ax tzeyij 'el eb' te cortina 'aych smacloc jun Lugar to cojn in 'ay wico'. Tzlajw cha, tze lan̈n scaxail in trato yet' te'.

A Ch'an̈ Carta D'a Eb' Hebreo 9:3

Ax 'a spatquil 'och junx te schab'l cortina, ata 'ay jun Lugar to cojn Dios 'ay yico'.

Apoc 11:19

Xlajw cha, 'ix jacw yatut Dios 'a satcha'an̈, caw checl 'elt scaxail strato Dios 'a 'a. Yajn̈j wal cha, til wal xc'an̈ c'u, 'ix laj 'ec' raya. 'Ay jun tzo'n̈ xo tas xlaj c'an̈i. 'Ix 'ec' pax jun niwquil quixcab'. 'Ix jaw pax jun tzon̈ niwc sacb'at.