Ex 4:11 - Chuj San Sebastian Bible

¹¹ 'Ix ta'w pax Jehová, 'ix yaln 'ixtic: —An xwala, yuj cha, tztac' spaxtin eb' 'anma', an xwala, yuj cha, 'ay eb' chacan̈, 'ay eb' matz uj spaxtini, 'ay eb' matz uj yilni, 'ay eb' wach' yilni.

Chuj San Mateo Bible

¹¹ Ix tac'vi Jehová chi': —¿Mach yuj syal slolon eb' anima tza na'a? ¿Tom man̈ vujoc slolon eb'? An̈ejtona' in svac' chacan̈b'oc eb' yed' eb' max yal sloloni yed' eb' max yal yilani. A in svac' yil eb' vach' yilani.

Ex 4:11 ပူးပေါင်းရင်းမြစ်များ

Gn 11:7

Ax ticnec, 'em coyc 'a scal eb', ca'c somchjoc 'el sti eb', yic wach' man̈xtoc 'oj yab'lac eb' sti', xchi.

Gn 18:14

¿Tecn 'ay tas matz tac' wuj am e nani? Yab'n 'ixtc junab', 'oj in jaw jun 'ejm xo wul ach wila'. 'Oj 'aljoc jun swinc 'unn 'ix Sara tic, xchi 'a Abraham cha.

Salmos 146:8

A Jehová a tz'a'n jacwc sat eb' matz tac' xon yilni. A tzsi'n chan̈ eb' 'icha to telwnac 'ejmi. 'Ay schamc'ojlal 'a eb' 'anma tojl snab'en.

Salmos 51:15

Mamin Jehová jac wal in ti', sec 'oj ach in b'itnoc yet' in wach' paxti'.

Salmos 94:9

¿Am wal e nani, to a mach b'ojnac qui chicnec matz yab' tas tzcalec? ¿am e nani, to a mach b'ojnac yol qui satec, matz yil tas tzqui b'o'ec?

Pr 20:12

A Jehová a xb'on qui chicnec yic tzcab'nec, sb'on pax yol qui satec yic tzquilni.

Is 42:7

Tzin nib'j tza jac sat eb' matz uj yilni, tza coln 'elt eb' 'aych 'a preso, atn eb' preso yaj 'a scal q'uic'q'uinal.

Is 6:7

'ix squiln 'och 'a in ti', xyaln 'ayn 'ixtic: A jun stzac'ac' xin quilch 'a a ti tic, a x'i'n can 'el a mul, 'ix 'ajx can lajwc smasnil a tu'al, xchi 'ayin.

Jeremías 1:6

¡'Oltacn Mamin Jehová, ach Wajlil! ¡Caw wal quelm in to 'unin, mantzac nachj wu'uj, tas tzwutj paxtinc in b'a! xin chi 'a 'a.

Jeremías 1:9

Xlajw cha, xya'n cot Jehová sc'ab', xwul squilnc 'och sc'ab' 'a in ti', xyaln 'ayn 'ixtic:

Ez 33:22

A 'a sq'uic'b'alil yic mantzac jaw win xcot 'elc cha, 'ix ya'n cot Jehová spoder 'a wib'an̈. Ax yic xjaw jun winc chi 'a sq'uin̈b'il cha, 'ix jacw can pax in ti', wach'x in paxtin paxi.

Am 3:6

Toto tz'utz'x q'uen trompeta 'a scal chon̈ab', caw tzxiw chan̈ smasnil 'anma'. Toto 'ay tas 'ay smay tz'ec' 'a scal chon̈ab', tzyal 'el'chi, a Jehová tz'a'n b'o 'ixta'.

Mt 11:5

Tzeyal 'a 'a, chajtlto 'ay eb' matz uj xon yilni, tzax stac' yiln eb' ticnec. A eb' coxo, tztac' xo sb'ey eb'. A eb' tzlaj c'a yuj lepra, tzlaj b'ox can sc'ojl eb'. A eb' chacan̈, tzax laj yab' eb'. A eb' chamnac, 'ay eb' wan laj spitzw paxi. Ax eb' meb'a', wan yalx wach' 'ab'x yic colnb'il 'a eb'.

Lc 1:20

Ax ticnec, man̈x 'oj stac' a paxtini, masnto 'oj 'aljoc jun onnal xwal tic. 'Ixta 'oj aji, yujto ma'ix a chaj ab' tas 'ix wal 'aych tic. A jun tic, 'oj 'el'choc yic 'oj jawc stiempoal, xchi jun ángel cha.

Lc 1:64

Yajn̈j wal cha, 'ix jacw pax sti win Zacarías, 'ix paxtini. Syamn 'och win yaln wach' paxti 'a Dios.

Jn 10:21

Palta 'ay nan̈l xo eb' 'ix alni: —Toto 'aych junc demonio 'a 'a, ¿tom tztac' yaln 'ixta'? A junc demonio, ¿tom tztac' sjacn sat junc mach matz uj yilni? xchi eb'.