Ex 39:8 - Chuj San Sebastian Bible

⁸ Ax te smacl yic sn̈i sc'ojol, wach' pax 'ix 'aj yoch yelwnub'l te', 'icha x'aj te chaleco cha. 'Ix 'och oro 'a scal te q'uic'mucnac ch'al, te púrpura, te chac yet' te lino ch'umb'il.

Chuj San Mateo Bible

⁸ Axo pax c'apac smacul sn̈i' sc'ol vin̈, ix b'ojioch stz'ib'ul yuj junoc jelan sb'oani, icha yic c'apac chaleca: Ayoch oro ch'al d'ay yed' lana ch'al q'uic'mutz'inac, yaxmaquinac, chacchac yed' pax lino ch'al b'ayb'il.

Ex 39:8 ပူးပေါင်းရင်းမြစ်များ

Salmos 89:28

A 'in chamc'ojlal 'a 'a, 'ayn̈j 'ec' yet' 'a smasnil tiempo, ax in trato yet'oc, may tz'aj sjelmji.

Ex 26:1

'Ix yaln pax Jehová 'ixtic: Tza'n b'o in cajnub' yet' lajn̈e te cortina. A te lino ch'al ch'umb'il sat tz'och 'a 'a. Tza' b'o yet' te q'uic'mucnac ch'al, te púrpura yet' te chac. Tzlajw cha, tza'n tz'isxoc 'och yechl eb' querubín 'a eb' te'. A junc mach jeln stz'iswi, a tz'isn 'ochi.

Ex 28:4

A te pichl 'oj sb'o eb' cha, atn eb' te tic: Te smacl sn̈i sc'ojol, te camx efod sb'i 'icha chaleco, te spotl to jucan, te sc'oxl sjolom yet' te sjal-l yic snan̈al. Tzb'o jun tzo'n̈ pichl chi yet' te ch'al to nab'a lino, wach' pax tz'ajch yelwnub'al. 'Ixta wal 'oj 'aj sb'o spichl o'tac Aarón yet' eb' yunnal, yujto 'oj 'och eb' ya'malc 'och sti eb' 'anma 'ayin.

Ex 39:9

Chapacn̈ x'aj te', lajnn̈ej pax yechl te sti cha, 22 centímetro 'a junjn stitac.

Is 59:17

A stojlal cha, 'icha smacl sn̈i sc'ojl eb' soldado tz'at 'a 'owal, 'ixta yajch 'a 'a, ax colnb'il tzyac' 'a eb' 'anma', 'icha q'uen xumpilin, 'ixta yaj q'ue 'a sjolom. 'Icha spichl eb' soldado yic owal, 'ixta yowl sc'ojl 'oj yac' spacc 'a eb' 'ajc'ojl tz'ixtn eb' 'anma cha.

Ef 6:14

Yuj cha, caw te'n tzeyutj e b'a. Caw tzeya'ch e nab'en 'a jun 'ab'x caw yel, 'icha eb' soldado tzya'ch jun tzo'n̈ cincha yic owal. Caw tojl tzeyutj e b'eyb'al. To 'ixta', lajn ex 'icha eb' soldado tzcol sb'a yet' jun q'uen pichl tzya'ch eb' 'a sn̈i sc'ojol.