Ex 39:29 - Chuj San Sebastian Bible

²⁹ 'Ix b'o pax te jal-l 'a te lino ch'umb'il, atn te q'uic'mucnac ch'al, te púrpura yet' te chac. Wach' 'ix 'ajch yelwnub'l yuj mach xb'on cha. 'Ix b'o wal 'icha yaj yaln Jehová 'a Moisés.

Chuj San Mateo Bible

²⁹ An̈eja' d'a jun tzec'ul, lino ch'al b'ayb'il ix och d'ay, ix b'ojioch yelvanub' yuj junoc jelan sb'oani. D'a an̈ lana ch'al q'uic'mutz'inac, yaxmaquinac yed' chacchac ix b'ojioch yelvanub' chi', icha val ix aj yalan Jehová d'a vin̈aj Moisés.

Ex 39:29 ပူးပေါင်းရင်းမြစ်များ

Ex 26:36

Tza'n b'o junx te cortina tz'och smacloc sti Mantiado, tzb'o yet' te q'uic'mucnac ch'al, te púrpura, te chac yet' te lino ch'umb'il, wach' tz'aj yoch yelwnub'l yuj mach tzb'oni.

Ex 27:16

An̈jtona pax 'aj tzon̈ 'och 'a jun 'amc' cha, yowlal tz'och pax junx te cortina smacloc sti'. B'aln̈e metro tz'aj te', tzb'o te 'a te q'uic'mucnac ch'al, te púrpura, te chac yet' te lino ch'umb'il. Wach' tz'aj yoch yelwnub'l yuj mach tzb'oni. Tz'em pax chan̈e yoyal, chan̈e pax sb'achnub'al yalan̈.

Ex 28:39

Tza'n b'o junc xo te pichl yel xo jucan, a te lino ch'al tz'och 'a te'. An̈jtona lino pax te ch'al tz'och 'a te sc'oxl jolm cha. Ax te sjal-l snan̈al, wach' pax tz'aj yoch yelwnub'l yuj mach tzb'oni.

Ex 39:28

An̈jtona', 'ix b'o pax te sc'oxl sjolom, yet' jun tzo'n̈ xo sc'oxl sjolm eb', yet' pax te cutin wex, 'ix b'o eb' te 'a te lino ch'al ch'umb'il.

Ex 39:30

An̈jtona', sb'on pax eb' jun q'uen placa nab'a oro, sec a tzch'oxn 'el win sat ya'mal 'och sti eb' 'anma 'a Dios, xya'n 'och eb' jun tzo'n̈ paxti tic 'ixtc 'a q'ue'en: Yicn̈ej Jehová yaji, xchi. 'Icha seyo 'ixta x'ajcn 'och jun tzo'n̈ paxti chi 'a q'ue'en.