Ex 37:17 - Chuj San Sebastian Bible

¹⁷ Xya'n Bezaleel b'o jun yet'l cantil nab'a oro, tztenx b'o yet' q'uen martillo, xya'n b'o yich 'aj tz'em b'achan, ste'il, sc'ab', yet' jun tzo'n̈ svasoal tz'och 'a sjolom. 'Icha snich x'ajchi, junn̈j x'aj sb'o 'a smasnil.

Chuj San Mateo Bible

¹⁷ Ix sb'opax jun sb'achnub' candil vin̈aj Bezaleel chi', nab'a oro ix aji, ix tenchaj d'a q'uen martillo. A sc'ojnub' b'aj tz'em b'achan, ste'al yed' scopail icha sfloral, junn̈ej yaman ix aji.

Ex 37:17 ပူးပေါင်းရင်းမြစ်များ

1 Cr 28:15

atn 'a sb'achnub'al cantil, yet' pax 'a junjn cantil cha,

2 Cr 13:11

Atn eb' tic tz'a'n 'och sc'a'l xajmb'al to tz'a smasnil, yet' incienso yic tz'ajx 'a Jehová 'a junjn sq'uin̈b'ial yet' 'a junjn yemc'ual; tzya'n pax 'ejm eb' 'ixm pan caw wach' 'a sat mexa, jun to cojn Dios 'ay yico'. Ax 'a junjn yemc'ual tzya'n pax 'och eb' sc'a'l cantil 'a yet'l to nab'a oro. An̈ tic on̈, tzqui yiclj schecnb'il Jehová qui Diosal on̈, palta ax xo tic, xeyactj cani.

Ex 37:16

An̈jtona', xya'n b'o pax smasnil syamc'ab'il jun mexa cha, nab'a oro x'aji, atn yuc'b'al, scucharail, xalual yet' svasoal 'aj tzchax ofrenda to yalil yaji.

Ex 37:18

A 'a smo'och, ata x'elt waque sc'ab', 'oxe 'a junjn pac'.

Lv 24:4

Wach' cab' tzyutj Aarón sb'on 'och jun tzo'n̈ cantil chi 'a yib'n̈ jun yet'l cantil nab'a oro, 'aychn̈ej cab' sc'a'l 'a wojltac.

Zacarías 4:11

Xin c'anb'n 'a 'ixtic: ¿Tas tzyal 'el'ch chab' te olivo cha, te 'ay 'a junjn smoch jun sb'achnub'l cantil cha? An̈jtona', ¿tas tzyal 'el'ch chab' sc'ab' te olivo to junn̈j yaj yet' chab' tubo nab'a oro 'aj tz'ejm aceite cha? xin chi 'a 'a.

Zacarías 4:2

¿Tas tzela? xchi 'ayin. 'Ix waln 'ixtc 'a 'a: Tzwil jun sb'achnub'l cantil nab'a oro yet' jun yet'l aceite 'a yib'an̈. 'Aych uque cantil chi 'a sc'ab' jun sb'achnub'al cantil cha. A junjn cantil cha, 'ay stuboal tz'i'n b'ey yaceiteal.

Nm 8:4

A jun yet'l cantil cha, b'ob'il yet' oro, tenb'il yet' martillo, tz'el yich 'a yib' masnto tzq'ue'ch 'a sjolm 'a 'aj 'aych svasoal 'icha snich yajchi. 'Ix yac' b'o Moisés jun yet'l cantil 'icha wal 'ix yutj Jehová sch'oxn yechl 'a 'a.

Mt 5:15

A yic tzca'nec 'och qui cantil, toc wal a 'a yaln̈ junc cajon tzca'c 'ochi. Palta a 'a yib'n̈ junc tas cha'an̈, ata tzca'c q'ue'i, sec wach' sacq'uinl tz'aj 'ejm yoc 'a eb' 'ayc' 'a yol n̈a cha.

A Scarta San Pablo D'a Eb' Aj Filipos 2:15

Man̈ e b'o 'ixta', sec may mach 'oj alnoc, to 'ay e mul, mto e paltail. Wach'xam 'ayx 'ec' 'a scal eb' 'anma maysch'olnil, mto eb' tu snab'en, ax xo yel yunnal ex Dios, man̈x 'a maysch'olnil 'aych 'ayx yet' eb'. 'Icha jun tzo'n̈ c'anal, caw tzictzni yilx 'a q'uic'q'uinal, 'ixta ex 'a scal eb'.

A Ch'an̈ Carta D'a Eb' Hebreo 9:2

'Ixtc 'ajnc sb'o jun scajnub' cha. A jun b'ab'l cuarto, tzcuch Yic Dios. Ata 'ay jun yet'l cantil, 'ay pax jun mexa, yet' jun tzo'n̈ pan 'ac'b'il 'a Dios.

Apoc 1:12

Xlajwn̈ej cha, in meltzj 'at q'ueln 'a in patic yic tzwilni, mach jun chi tzaln 'ayin. Ax xwilni, 'ay uque yet'l cantil nab'a oro.