Ex 36:29 - Chuj San Sebastian Bible

²⁹ A chab' 'a'nte cha, junn̈j x'aj schan sb'a. 'Ix yecn eb' scha sb'a 'a yich, masnto 'ix q'ue'ch schan sb'a 'a 'aj 'aych q'uen argoya. 'Ixta pax xyutj eb' 'a junjn xo yisquinyoal cha.

Chuj San Mateo Bible

²⁹ A chab' te' marco chi', nub'ub'i ix aj te', d'a yich masanto sq'uec'och b'aj syil-laj sb'a yuj junoc argolla, aton te' chi' ix och d'a chab' yesquinail.

Ex 36:29 ပူးပေါင်းရင်းမြစ်များ

Salmos 122:3

A Jerusalén wach' yaj sb'o'i, junn̈j chon̈b'al yaji sec a 'a tic 'oj syam sb'a smasnil 'anma'.

Salmos 133:1

'Iltec wali, til wal sja'l yaj eb' to yu'tac sb'a, yanb' sb'a mto snul'j sb'a yic junn̈j tzyutj eb' snab'en smasnil.

Ex 26:24

A jun tzo'n̈ 'a'nte cha, tzecx scha sb'a eb' te 'a yich, masnto tzq'ue'ch 'a 'aj tz'och q'uen argoya. 'Ixta wal tz'aj cha'chb' xo te 'a'nte chi tz'och 'a yisquinyoal cha.

Ex 36:28

Chab' to pax 'a'nte sb'o eb' yic tz'och 'a yisquinyoal 'a spatquil 'el cha.

Ex 36:30

Yuj cha, wajxque te 'a'nte chi 'a smasnil, waclajn̈e pax sb'achnub'al yaln̈ te', to nab'a plata, tzyal 'el'chi cha'chb' sb'achnub'al yaln̈ junjn te 'a'nte cha.

A Tas Sc'ulejnac Eb' Schecab' Jesús Hechos 2:46

Junjn c'u, tzyamn sb'a eb' 'a yamq'uil yatut Dios. Tzlaj syamn sb'a junjn eb' 'a yatut, tzpojn 'ec' eb' 'ixm pan yic Cena 'a scal. Junxn̈ej tzlaj wa eb' 'a tzaljc'ojlal. Caw junc'ojlal xlaj yutc sb'a eb'.

A Tas Sc'ulejnac Eb' Schecab' Jesús Hechos 4:32

Ax eb' creyente smasnil, jun lajnn̈ej xyutj eb' snab'en. Junc'ojlaln̈ej x'aj eb'. May junc mach 'ix aln yico'oc junc tas sch'ocoj. Yujto jantcn̈ej tas 'ay 'a eb', junn̈j yaj yuj eb' smasnil.

1 Co 1:10

Ex wu'tac, ex wanab', tzin tew 'ayx 'a sb'i Cajlil Jesucristo, to junxn̈ej tz'aj e nab'en e masnil ta'. Man̈ comnoc tze pojl e b'a. Caw jun lajn xoj tzeyutj e nab'en, jun lajnn̈ej tzeyutj e nan smasnil tas.

1 Co 12:13

Yujto qui masnilec, wach'xam israel on̈ec, wach'xam ma'ay, junn̈j cajc qui masnil. Wach'xam 'ayn̈ 'och smosooc junc mach, wach'xam mun quic qui b'a, palta junn̈j cajec. Yujto a yic on̈ 'ajx bautisar, junn̈j on̈ 'ajc can yet' Cristo. Yujn̈ej Yespíritu Dios, 'icha to junn̈j niwnal cajec, yujto a 'ochnc can 'ayn̈ qui masnil.

2 Co 1:10

Jab'xoj wal man̈toc caw chamnc on̈ yuj jun niwn yailal chi 'on̈, ax Dios coljnacn̈ 'el 'a yol sc'ab' on̈. Wan on̈ scoln pax 'el ticnec on̈. 'Aych yipc qui c'ojl on̈, to an̈ja 'oj on̈ scol-l 'a jun tzo'n̈ yailal chi 'on̈.

Ef 2:15

A yic xcham yet' sniwnal, 'ix yi'n can 'el yopiso jun ley, atn jun tzo'n̈ checnb'il tz'ib'b'il cani. An̈jtona', junxn̈ej on̈ yutjec cani. Yuj cha, junxn̈ej chon̈b'al cajc 'a sat ticnec, yujto junn̈j cajc yet'oc. 'Ixta xyutj ya'n junc'ojlal 'ayn̈ec.

Ef 2:19

A 'a yic yalan̈, 'icha jun tzo'n̈ eb' chuc chon̈b'al yaji, 'ixta ex 'a sat Dios, yujto man̈ ex schon̈b'oc. Al ticnec, man̈x ex 'ichcta 'a 'a. Yujto schon̈b' ex xo quet' on̈. Yunnalx xo quet' qui masnil an̈ yic on̈ xo on̈.

Ef 2:21

'Icha junc n̈a wan stusx q'ue xamital 'a yib'n̈ q'ue'en, caw wach' tz'aj tztusxi, 'ixta cajc 'a Cristo qui masnil. Yujto on̈ 'ochc yatutoc Cajlilec. Caw yic on̈ec, yujto junxn̈ej cajc yet'oc.