Ex 35:5 - Chuj San Sebastian Bible

^5-9 To tzeyac' junc eyofrenda 'a Jehová, 'a'c wal 'a smasnil e c'ojol. E masnil ax tzeyac' eyofrenda cha, tztac' eyi'n cot jun tzo'n̈ tic: Oro, plata, bronce; te q'uic'mucnac ch'al, te púrpura, te chac, te lino caw wach', no xil chiwo ch'umb'il; no stz'umal calnelu chac yaj sb'o'i, no tz'um caw tzlab'b'i, te acacia, aceite tzc'anx 'a cantil, jun tzo'n̈ perjuma tz'at 'a scal aceite tzc'anlb'axi yic 'ay junc tas tz'ochcn yico'oc Dios; q'uen cornalina yet' jun tzo'n̈ xo q'uen q'uen wach' yilxi, yujto a eb' q'uen 'oj 'och 'a te efod, atn te camx chaleco, yet' te smacl yic sn̈i sc'ojl spichl win sat ya'mal 'och sti eb' 'anma 'a Dios.

Chuj San Mateo Bible

⁵ Tzeyac' junoc ofrenda d'ay. A mach tz'el val d'a sc'ol yac'ani, syal yic'ancot q'uen oro, q'uen plata yed' q'uen bronce,

Ex 35:5 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 12:4

'Ay jun c'ual, 'ix yaln Joás 'a eb' ya'mal 'och sti eb' 'anma 'a Dios 'ixtic: —Tzeyac' syam sb'a q'uen tumin, q'uen ofrenda tzwul 'ajxoc can 'a yatut Jehová, 'icha q'uen to yowlal tzyac' junjn eb' 'anma', yet' jantcn̈ej q'uen ofrenda to tz'el 'a sc'ojl eb' 'anma ya'ni. Junjn ex 'oj eyac' q'uen tumn chi 'oj e cha yuj sb'omb'il yatut Dios 'a 'aj juwnac, xchi Joás 'a eb'.

2 Cr 29:31

Xlajw cha, xyaln Ezequías 'ixtc 'a eb' chon̈ab': A ticnec tox xe sacb'tzej e b'a 'a yojltac Jehová. Yuj cha, cotn̈ec, 'ijec cot e xajmb'al yet' e yofrenda 'a yatut Jehová, yuj eyaln yuj diosal 'a 'a, xchi 'a eb'. Xlajw cha, xyi'n cot smasnil eb' chon̈b' xajmb'al, yet' yofrenda yuj yaln eb' yuj diosal 'a Dios. Ax smasnil eb' to tz'el wal 'a sc'ojl ya'n yico', 'ix yac' eb' no xajmb'al to tz'a smasnil.

Salmos 110:3

A yic 'oj a'nc owal, mun xoj 'oj wul ya'ch sb'a eb' a chon̈b' et'oc. 'Icha wal tz'aj 'ejm chicb'chan̈ 'a yic sq'uin̈b'ial, 'ixta wal 'oj 'aj sjaw ewin quelmtac 'a a tz'ey 'a lum tzaln yic emmquilal.

Ex 25:1

'Ix yaln pax Jehová 'a Moisés 'ixtic:

Ex 35:21

Xlajw cha, 'ay eb' caw 'ix tzalj chan̈ spixn yuj jun tzo'n̈ paxti cha, 'ix laj yi'noc cot eb' yofrenda chi 'a Jehová yuj sb'omb'il jun scajnub' Dios, atn 'aj tzchaj sb'a yet' eb' 'anma'. 'Ix yij cot eb' smasnil tas tzc'anxi, yet' pax yic te pichl wach' yilx cha.

Ex 35:29

Smasnil eb' israel cha, yet' wal smasnil sc'ojl eb' xcolwj eb' 'a jun munljel xyac' Jehová b'o'oc, eb' winac yet' eb' 'ix 'ix, xcolwj eb' smasnil. Yuj cha, c'uxn 'ix yac' eb' yofrenda chi smasnil 'a Jehová.

Ex 35:4

'Ix yaln pax Moisés 'a eb' yit israelal chi 'ixtic: Atn jun tzo'n̈ tic 'ix yal Jehová 'ayin yic tzwaln 'ayex:

2 Co 9:7

Junjn on̈ec, yowlal tzca'c 'icha tzqui nac yet' qui nab'en. Man̈ cusc'ojlaloc tzcutj ca'ni. Man̈ yujoc tzqui na'a, to tzon̈ 'ajx pural tzca'ni, yujto a Dios, tzchamc'ojlan eb' tzalji tzya'n yico'.

Jueces 5:9

A in pixan, caw 'ayc' yet' eb' syajlil chon̈ab', 'ayc' pax yet' eb' c'asn sc'ojl s'at 'a owal. ¡Tzwal wach' paxti 'aych Mamin Jehová!