Ex 35:30 - Chuj San Sebastian Bible

³⁰ 'Ix yaln pax Moisés 'a smasnil eb' yit israelal chi 'ixtic: 'Iltec, a 'a scal eb' yin̈tl Judá, ata 'ix sic' 'elt Jehová win Bezaleel yunnal Uri, yixchicn Hur.

Chuj San Mateo Bible

³⁰ Ix yal vin̈aj Moisés d'a masanil eb' yetchon̈ab': A Jehová toxo ix sic'anel vin̈aj Bezaleel, yuninal vin̈aj Uri, yixchiquin vin̈aj Hur, d'a yin̈tilal Judá.

Ex 35:30 ပူးပေါင်းရင်းမြစ်များ

Ex 35:31

A Dios 'ix 'a'n 'och Yespíritu 'a 'a, yic 'ay sjelnal, 'ay snab'en, sec 'ay tas tztac' sb'oni,

Is 28:26

A Dios tzch'oxni, tas tz'aj sb'o junjn c'aj munljel.

1 Co 12:11

Til wal jun tzo'n̈ tas tz'ajx qui b'o'ec, palta junn̈j Espíritu tz'a'n qui b'oc jun cha. Chucchc tas tzyac' qui b'o junjn on̈ec, a tzyala tas tznib'j yac' qui b'o'ec.

1 Co 12:4

An̈ec tic, chucchc 'opiso tzqui chaj junjn on̈ec, palta junn̈j mach tz'a'n 'ayn̈ec, atn Yespíritu Dios.

1 Co 3:10

An xo tic, 'icha junc b'om n̈a tznachj 'el sb'on junc n̈a cha, 'ixta 'in yuj swach'c'ojlal Dios. An tic, yic wec' 'a e cal ta', 'icha to 'ec' wa'jnac 'ejm yipnub'al yich junc n̈a. Ax ticnec, chucx mach wan smunlj 'a e cal. 'Icha to wan ya'n q'ue xamit 'a yib'n̈ jun yipnub'al yich cha. A junjn mach tzmunlj ta', yowlal caw tzyila, chajtl tzyutj ya'n q'ue jun tzo'n̈ xamit cha.

Santiago 1:17

A 'a satcha'an̈, ata tzcot jantcn̈ej tas wach' tz'ajx 'ayn̈ec 'a nab'an̈ej. Yet' pax jantcn̈ej jun tzo'n̈ siylab' caw wach', a Dios tz'a'n cot 'ayn̈ec. A b'ojnac jun tzo'n̈ tz'ec' 'a satcha'an̈, tzya'n 'emt sacq'uinl 'a quib'n̈ec. Palta wach'xam tzjelmj yilx jun tzo'n̈ cha, tz'och wewen 'a 'a, ax Dios, man̈ 'ichcta tz'aji. May 'aj tzjel snab'en jun 'ejmoc.