Ex 35:26 - Chuj San Sebastian Bible

²⁶ 'Ay pax wal eb' 'ix 'ix chi caw jelan, 'ix ya'ch eb' 'a sc'ojl sch'umn 'och yip xil no chiwo 'icha te ch'al cha.

Chuj San Mateo Bible

²⁶ Ay eb' ix ix jelan ix el val d'a sc'ool, ix och ijan eb' ix sb'oan xil noc' chiva d'a ch'alil.

Ex 35:26 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 23:7

An̈jtona', 'ix sma'n 'ejm lan̈chjoc yet'l yic 'ajmulal, atn 'aj smuln eb' winac, jun 'aych 'a yol yatut Jehová. A pax ta tzjal eb' 'ix 'ix te pichl yic jun comn dios tzcuch Asera.

Ex 35:21

Xlajw cha, 'ay eb' caw 'ix tzalj chan̈ spixn yuj jun tzo'n̈ paxti cha, 'ix laj yi'noc cot eb' yofrenda chi 'a Jehová yuj sb'omb'il jun scajnub' Dios, atn 'aj tzchaj sb'a yet' eb' 'anma'. 'Ix yij cot eb' smasnil tas tzc'anxi, yet' pax yic te pichl wach' yilx cha.

Ex 35:25

'Ay pax eb' 'ix 'ix tztac' sch'alwi, 'ix yij cot eb' 'ix te q'uic'mucnac ch'al, te púrpura, te chac yet' te lino caw wach'.

Ex 35:27

Ax pax eb' yichm wincal chon̈ab', 'ix yij cot eb' q'uen cornalina yet' jun tzo'n̈ xo q'uen q'uen wach' yilxi, sec a eb' q'uen tz'och yelwnub'loc te camx chaleco yet' te smacl sn̈i sc'ojl te spichl win sat ya'mal 'och sti eb' 'anma chi 'a Dios.

Ex 35:29

Smasnil eb' israel cha, yet' wal smasnil sc'ojl eb' xcolwj eb' 'a jun munljel xyac' Jehová b'o'oc, eb' winac yet' eb' 'ix 'ix, xcolwj eb' smasnil. Yuj cha, c'uxn 'ix yac' eb' yofrenda chi smasnil 'a Jehová.

Ex 36:2

'Ix yawtn cot Moisés Bezaleel, Aholiab, yet' pax smasnil eb' x'ajx sjelnal yuj Jehová, yic tzb'on eb' junc tas wach' yilxi. Wal 'a smasnil sc'ojl eb' 'ix ya'n 'och sb'a eb' sb'on jun munljel tic.

Ex 36:8

A 'a scal eb' munljum cha, ata 'ay pax eb' caw 'ay sjelnal sb'on scajnub' Dios. Sb'o eb' lajn̈e te nip cortina 'a te lino ch'umb'il, sc'ann eb' te q'uic'mucnac ch'al, te púrpura yet' te chac. A yet' jun tzo'n̈ ch'al chi 'ix stz'isch eb' yechl eb' querubín 'a te cortina cha.

Pr 31:19

Tzch'alwi, tzjalw paxi.