Ex 35:22 - Chuj San Sebastian Bible

²² Xlaj jaw eb' winac yet' eb' 'ix 'ix yet' yofrenda chi 'a Moisés, caw wal tzalj eb'. 'Ix laj yi' cot eb' q'uen yelwnub'l pichul, q'uen colc'ab', q'uen yumchiquin, q'uen ton̈ yet' smasnil q'uen q'uen to nab'a oro 'aych 'a 'a, atn chi 'ix yac' eb' 'a Jehová.

Chuj San Mateo Bible

²² Ix laj javi eb' vin̈ vinac yed' eb' ix ix yed' silab' d'a Jehová, ato syala' jantac ix el d'a sc'ol eb' yac'ani, ix ul yac'an eb' d'a vin̈aj Moisés chi'. Ix yic'ancot q'uen yelvanub' pichul eb', q'uen colc'ab', q'uen ton̈, q'uen uchiquin yed' juntzan̈ocxo nab'a oro. Ix yac'an eb' d'a Jehová.

Ex 35:22 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 12:4

'Ay jun c'ual, 'ix yaln Joás 'a eb' ya'mal 'och sti eb' 'anma 'a Dios 'ixtic: —Tzeyac' syam sb'a q'uen tumin, q'uen ofrenda tzwul 'ajxoc can 'a yatut Jehová, 'icha q'uen to yowlal tzyac' junjn eb' 'anma', yet' jantcn̈ej q'uen ofrenda to tz'el 'a sc'ojl eb' 'anma ya'ni. Junjn ex 'oj eyac' q'uen tumn chi 'oj e cha yuj sb'omb'il yatut Dios 'a 'aj juwnac, xchi Joás 'a eb'.

2 Cr 29:31

Xlajw cha, xyaln Ezequías 'ixtc 'a eb' chon̈ab': A ticnec tox xe sacb'tzej e b'a 'a yojltac Jehová. Yuj cha, cotn̈ec, 'ijec cot e xajmb'al yet' e yofrenda 'a yatut Jehová, yuj eyaln yuj diosal 'a 'a, xchi 'a eb'. Xlajw cha, xyi'n cot smasnil eb' chon̈b' xajmb'al, yet' yofrenda yuj yaln eb' yuj diosal 'a Dios. Ax smasnil eb' to tz'el wal 'a sc'ojl ya'n yico', 'ix yac' eb' no xajmb'al to tz'a smasnil.

Ex 32:2

'Ix ta'w Aarón 'a eb' 'ixtic: —A ticnec, molb'tzejc q'uen yumchicn to oro 'aych 'a schicn eb' 'ix eyistzil, 'a eb' eyunnal mto 'a eb' 'ix eyisil. Tzlajw cha, tzeyi'n cot q'uen 'ayin, xchi 'a eb'.

Ex 32:3

Smasnil eb' 'anma cha, c'uxn 'ix yij 'el eb' syumchicn cha, xwul ya'nc eb' 'a Aarón.

Ex 35:21

Xlajw cha, 'ay eb' caw 'ix tzalj chan̈ spixn yuj jun tzo'n̈ paxti cha, 'ix laj yi'noc cot eb' yofrenda chi 'a Jehová yuj sb'omb'il jun scajnub' Dios, atn 'aj tzchaj sb'a yet' eb' 'anma'. 'Ix yij cot eb' smasnil tas tzc'anxi, yet' pax yic te pichl wach' yilx cha.

Ex 35:23

Smasnil eb' 'aj 'ay te q'uic'mucnac ch'al, te púrpura, te chac, te lino caw wach', no xil chiwo ch'umb'il, no stz'umal calnelu chac yaj sb'o'i, yet' no tz'um tzlab'b'i yaj sb'o'i, smasnil jun tzo'n̈ cha, 'ix yij cot eb'.

Pr 25:12

'Icha wal q'uen colc'ab' mto q'uen ton̈ caw wach', to nab'a oro, 'ixta wal tennb'il tzyac' eb' jeln snab'en, toto tzqui chajec cab'i'.

Is 60:13

A smasnil tas wach' 'ay 'a lum Líbano, 'oj 'ijxoc coti, ax wul scan 'ayex: Atn te taj, te c'u'taj yet' te q'uisis. 'Oj 'och eb' te yelwnub'loc watut sec wach' yilxi, caw niwn yel'ch wet'l chi 'aj tzin 'aji.

Is 60:9

A jun tzo'n̈ 'oj eyil cha, atn te barco tzcot 'a jun tzo'n̈ xo chon̈b' 'ay 'a sti a mar, b'ab'l eb' te yic Tarsis yuj eb' te'. Ata ajun eb' eyit chon̈b' yet' eb' 'anma cha, yet' eb' oro, yet' eb' plata, yuj yi'nb'ilc chan̈ in b'i an Jehová in. An e Diosal in, to Cojxn In Ton Dios In, an 'ixta 'oj wutc ex wa'n b'inaxc paxi.

Ez 16:11

Caw wach' xwutj in b'oni, xwa'ch jun tzo'n̈ q'uen brazalete 'a sc'ab', xwa'n 'och q'uen ton̈ 'a sjaj.

Nm 31:50

A ticnec, tic tzquij cot smasnil q'uen oro x'ilchj cuj on̈, q'uen brazalete, pulsera, colc'ab', yumchiquin yet' jun tzo'n̈ xo q'uen q'uen wach' yilxi. A jun tzo'n̈ tic tzcac' 'a Jehová, yujto xcolwj quet'oc, yuj cha, on̈ meltzj qui masnil on̈, xchi eb'.

Mt 2:11

Yajn̈j wal cha, 'ix 'och eb' 'a yol jun n̈a cha, 'ix yiln eb' jun 'unn chi yet' snun, atn María. 'Ix 'em cumn eb' 'a jun 'unn cha, 'ix ya'n 'ejm sb'a eb' 'a 'a. Xlajw cha, 'ix sjacn eb' jun tzo'n̈ scaxa 'aj 'ay 'em jun tzo'n̈ siylab'. 'Ix siyn eb' oro 'a jun 'unn cha, 'ix siyn pax eb' jun tzo'n̈ te su'q'ui sjab' tzn̈usxi, atn incienso yet' te mirra.