Ex 34:4 - Chuj San Sebastian Bible

⁴ 'Ix stzeyn Moisés chapachn̈ q'ue'en, 'icha wal eb' q'uen 'ix schaj 'a b'ab'el. A 'a yic sq'uin̈b'il 'a junx c'u cha, 'ix yi'n 'at Moisés eb' q'uen q'uen cha, 'ix 'atx 'a sjolm lum witz Sinaí 'icha wal xyutj Jehová yaln 'a 'a.

Chuj San Mateo Bible

⁴ Ix lajvi chi, ix stzeyan chab' q'uen q'ueen vin̈ icha q'uen ix scha' d'a sb'ab'elal d'a Jehová. Axo d'a q'uin̈ib'alil d'a junxo c'u, ix yic'anb'at q'uen vin̈, ix b'at vin̈ d'a jolom vitz Sinaí, icha val ix yutej Jehová yalan d'a vin̈.

Ex 34:4 ပူးပေါင်းရင်းမြစ်များ

Ex 19:20

A wal 'a schan̈il sjolm lum witz cha, ata x'eml Jehová, xyaln 'a Moisés to tzq'ue'ch 'a 'aj 'ayc' cha, yuj cha, 'ix q'ue'ch win 'a 'aj 'ix 'awtx q'ue cha.

Ex 19:3

Ax Moisés 'ix 'at paxtinc yet' Jehová Dios 'a sjolm lum witz cha, yujto a 'ix 'awtn paxtinc yet'oc, xyaln 'a 'ixtic: —Al jun tzo'n̈ paxti tic 'a eb' et israelal, atn eb' yin̈tl Jacob, to an Jehová in, an tzwal 'ixtic:

Ex 32:16

Caw a Dios 'ix b'on eb' q'ue'en, a pax tz'ib'jnac 'och schecnb'il chi 'a eb' q'ue'en.

Ex 34:1

'Ix yaln Jehová 'a Moisés 'ixtic: —A ticnec, ach xo 'oj a tzey chab'oc q'uen q'ue'en, 'icha wal q'uen 'ix wac' 'aych 'a b'ab'el. An xo 'oj in tz'ib'c pax q'uen 'icha eb' q'uen b'ab'l xa ma' pojoc.

Dt 10:1

Yuj cha, xyaln Jehová 'ixtc 'ayin: 'Ac' tzeyxoc tojlb'oc chapachc q'uen q'ue'en, 'icha wal yaj q'uen xwac' 'aych 'a b'ab'el, 'ixta tz'aj sb'o eb' q'ue'en. Tza'n b'o pax junc scaxail te tz'aji, tzlajw cha, tzach q'ue paxt wet' 'a sjolm lum witz tic.

Dt 10:3

Yuj cha, xwa'n b'o jun te caxa chi 'a te 'a'nte acacia, xwa'n tzeyxoc pax chapachn̈ q'uen q'uen cha, 'ix wi'n eb' q'ue'en, in 'atx 'a sjolm lum witz cha.