Ex 34:29 - Chuj San Sebastian Bible

²⁹ Xlajw xoj cha, 'ix pax 'emt Moisés 'a sjolm lum witz Sinaí, mec'b'il chapachn̈ q'uen q'uen chi yu'uj, atn q'uen 'ajtil tz'ib'b'il 'och jun tzo'n̈ checnb'il cha. A yic 'ix 'eml 'a yich lum witz cha, matz yila toto tzictzni 'ix 'aj sat yic xpaxtin yet' Jehová.

Chuj San Mateo Bible

²⁹ Ix lajvi chi, ix emixta vin̈aj Moisés chi' d'a jolom vitz Sinaí chi', yed'nacxopax chab' pachan̈ q'uen q'ueen vin̈, aton q'uen b'aj tz'ib'ab'iloch checnab'il chi'. Man̈ yojtacoc vin̈ tato toxon̈ej sveei yilji sat, yujto ix lolon vin̈ yed' Jehová.

Ex 34:29 ပူးပေါင်းရင်းမြစ်များ

Ex 16:15

Man̈ yojcoc xon eb' israel jun cha. A yic xyiln eb', 'ix laj yal-lanc eb' 'a 'ixtic: ¿tas laj jun tzo'n̈ tic? xchi eb'. Yuj cha, xyaln Moisés 'ixtc 'a eb': —Atn jun tic tzyac' Jehová e c'uxu'.

Ex 31:18

A yic 'ix lajw spaxtin Jehová yet' Moisés chi 'a lum jolm witz Sinaí, 'ix ya'n chapachn̈ q'uen q'uen 'a 'a, q'uen 'ajtil tz'ib'b'il 'och schecnb'il. Caw a Dios 'ix tz'ib'n 'och jun tzo'n̈ checnb'il chi 'a eb' q'ue'en.

Ex 32:15

Ax Moisés 'ix pax 'emt 'a sjolm lum witz Sinaí, mec'b'il xo chapachn̈ q'uen q'uen yu'uj, q'uen 'ajtil tz'ib'b'il 'och jun tzo'n̈ checnb'il, tz'ib'b'il junjn eb' q'uen 'a schapaq'uil.

Ex 34:35

A yic wan spaxtin cha, tzyiln eb' 'anma cha to caw tzictzni yilx sat Moisés. Cojn tzlajw spaxtini, tzmacn can pax sat yet' jun nip cha, macnn̈ej sat cha, masnto 'a yic tz'ochx paxtinc yet' Jehová, tzyi'n to pax 'el jun nip cha.

Ec 8:1

Caw wach' yic win jeln snab'en yujto tzyojquej 'el tas 'ay 'a yolyib'n̈q'uinl tic. A sjeln nab'enal cha, a tz'a'n tzaljoc chan̈ sat, wach'xam to tu yilx sat cha.

Mt 17:2

Ata xjelmj yilx Jesús 'a sat eb'. Caw tzictzni x'aj sat 'icha yilx c'u, ax spichul, caw sac x'aj si'mb'il.

Mr 14:40

Yic 'ix japx jun 'ejm xo 'a eb', ax xyilni wayn̈c pax eb', yujto matz caw techj wayn̈ yuj eb'. Yuj cha, man̈xtzac nachj yuj eb' tas tzyal eb' 'a 'a.

Mr 9:6

Caw 'ix xiw chan̈ eb' scuywum Jesús cha, yuj cha, man̈ yojcoc Pedro chi tas wan yalni.

Lc 2:49

Xlajw cha, 'ix yaln Jesús 'ixtic: —¿Tas yuj tzin e sayq'ui? ¿Tom man̈ eyojcoc to yowlal 'ayn 'ec' 'a yatut in Mam? xchi 'a eb'.

Lc 9:29

Yic wan sleslwi, 'ix jelmj yilxi, chucx yilx 'ix 'aj sat. Ax spichul, caw sac, caw tzictzni x'aji.

Jn 5:13

Palta man̈ yojcoc winac tas sb'i jun chi x'a'n b'oxc winac, yujto til wal 'anma 'ayc' ta'. Yuj cha, ma'ix yil winac 'aj xc'och Jesús 'a scal eb' 'anma chi muc'uc.

A Tas Sc'ulejnac Eb' Schecab' Jesús Hechos 12:9

Yuj cha, 'ix 'och tza'n Pedro yu'uj. 'Ix 'elt 'a jun cuarto 'aj 'aych cha. A snani, ton̈j tzwaychni. Man̈ yojcoc, toto yel tz'elta.

A Tas Sc'ulejnac Eb' Schecab' Jesús Hechos 23:5

Yuj cha, xyaln pax Pablo 'ixtic: —Ex wit chon̈ab', man̈ wojcoc, toto a win tic, caw sat ya'mal 'och qui ti 'a Dios, to tzyal 'ixtc 'a Ch'an̈ U'un̈: Man̈ eyal tu paxti'al 'a win yajl 'a chon̈ab', xchi 'a Ch'an̈, xchi Pablo.

A Tas Sc'ulejnac Eb' Schecab' Jesús Hechos 6:15

Ax ewin yajl cha, yet' eb' wocn 'ejmta smasnil, 'ix 'och q'ueln eb' 'a Esteban cha. 'Ix yiln 'och eb' sat, caw lajn yilx 'icha sat junc ángel.

2 Co 3:13

Man̈ lajnoc tzcutjec qui b'a 'icha ya'jnac Moisés. A jun cha, spotjnac 'och jun nip 'a sat, sec ma'ix yil eb' stup stzictznil sat cha. Yujto a jun stzictznil cha, c'ojnc'ojnil sati.

Dt 10:5

Xlajw cha, in pax 'emt 'a sjolm lum witz cha. 'Ix wa'n 'ejm eb' q'uen 'a yojl te caxa cha, 'icha wal xyutj Jehová yaln 'ayin, an̈ja 'ay 'ejm eb' q'uen ta ticnec, xchi Moisés.

Josué 2:4

Yuj cha, xyaln 'ix 'ixtic: —Yel toni 'ix jaw ewin 'a watut tic, palta man̈ wojcoc 'aj xcot ewinac.

Josué 8:14

Ax xyiln sb'a win sreyl chon̈b' Hai cha, to 'ay tas wan sc'och 'a 'a. Yuj cha, caw 'ix seb' q'ue wa'an, 'ix ya'n lista smasnil soldado. 'Ix 'elt yac' owl yet' eb' israel 'a lum 'a'lic tz'emch 'a sti a Jordán. Man̈ yojcoc eb' toto 'ay pax nan̈l xo eb' soldado chi c'ub'b'il 'el 'a spatquil 'at jun chon̈b' cha.

Apoc 1:16

A 'a yol sc'ab' 'a swach', ata yamb'il uque c'anal yu'uj. A 'a yol sti', 'ay 'elt jun espada chab' ye, caw jay. Ax sat, lajn yilx 'icha c'u 'a yic caw ow yoc.

Apoc 10:1

Xlajw cha, xwiln pax junx ángel 'a satcha'an̈, caw niwn spoder. 'Ix 'ejm 'a yolyib'n̈q'uinal. Oyn 'och 'asn 'a 'a, 'icha to a 'aych spichloc. A 'a sjolom, 'ay q'ue jun chacpan. A sat, caw tzictzni 'icha c'u. Ax yoc, 'icha snich c'ac' 'ixta yilxi.

Jueces 16:20

'Ix 'el yaw 'ix 'ixtic: —Sansón, tic tzjaw eb' filisteo ach wul smil chamoc, xchi 'ix. Yajn̈j cha, 'ix 'el swayn̈ Sansón. A yalni to 'oj stac' to scoln sb'a, 'icha 'a junjn 'ejem. Palta man̈ yojcoc toto tox 'ix 'actx can yuj Jehová.