Ex 34:25 - Chuj San Sebastian Bible

²⁵ A yic tzeya'n no noc' xajmb'al-l 'ayin, man̈ eyac' no schiq'uil, yet' 'ixm pan 'ay yich. A no xajmb'al yic snanb'il cot eyel 'a libre, toto matz lajw schix no', matz tac' smolx can no yico'oc junx c'u.

Chuj San Mateo Bible

²⁵ Ayic tzeyac'an e silab' d'ayin, man̈ eyac' schiq'uil noc' noc' yed' ixim pan ayb'at yich d'a scal. A noc' silab' yic jun q'uin̈ yic tze naancoti ayic ex vic'annaquelta d'a Egipto, tato ayto noc' scani, man̈ e sic'canb'at d'a junxo c'u.

Ex 34:25 ပူးပေါင်းရင်းမြစ်များ

Ex 12:10

Man̈ eyactc can jacx no 'a yic junc xo c'u. Toto matz lajw no eyuj 'a jun 'ac'wl cha, tze wach' n̈usjtz'a no'.

Ex 12:20

Yuj cha, man̈ e c'ux tas 'ay yich, yaln̈j 'ajtil 'ayx 'eq'ui, cojn 'ixm pan may yich tze wa'aj, xchi Dios 'a Moisés.

Ex 12:8

A 'a yic jun 'ac'wl cha, yic 'oj e chinc no chib'j cha, ton̈j 'oj e b'ol no'. 'Oj e chi no chib'j cha, ax e wan pax 'ixm pan may yich, ax e lon te 'itj caw c'a.

Ex 23:18

A yic tzeya'n no xajmb'al 'ayin, man̈ eyac' no schiq'uil yet' 'ixm pan 'ay yich, man̈ e molcn xepual no xajmb'al chi yico'oc junc xo c'u.

Ex 29:34

Toto matz lajw sc'uxn eb' jun tzo'n̈ chi 'a jun c'u cha, 'ayt 'ixm pan chi tzcani yet' no chib'j cha, tza n̈ustz'a smasnil, man̈x 'a mach tztac' sc'uxni, yujto wicn̈ej yaji.

Lv 2:11

A smasnil jun tzo'n̈ ofrenda tz'ajx 'ayn 'a tas tzc'uxxi, may cab' yich, 'ixta pax no yal chab', matz tac' yajx tz'a no 'icha xajmb'al-l 'a wojltac.

Lv 7:15

A no noc' tz'ajx xajmb'al-l cha, a 'a jun c'u yic tz'ajx no cha, tzchix no muc'uc. Matz tac' tzmolx can jacx no yico'oc junc xo c'u.

Nm 9:12

Matz yactj can eb' jacx no calnelu 'ac'b'il xajmb'al-l 'a yic junx c'u, matz tac' pax sma'n poj eb' sb'acl no'. 'Icha wal 'ix wutj walni, 'ixta tzeyutj e nan jun q'uin̈ cha.

Mt 13:33

'Ix yaln pax Jesús junx 'ab'x tic 'a eb': 'Oj walx 'ayex chajtl tz'aj sq'uib' sb'isl eb' 'anma tz'och 'a yol sc'ab' Dios 'aj satcha'an̈. Lajn tz'aj sq'uib' 'icha jab' yich pan tzya'ch junc 'ix 'ix 'a scal junc arroba harina. Yuj jab' yich pan cha, c'uxn tzpajb' 'ixm smasnil, xchi Jesús.

Dt 16:3

A no noc' tzeyac' e xajmb'alc cha, tze chi no', tze wan pax 'ixm pan may yich. Uque c'u tze waj 'ixm pan cha, sec a 'ixm tz'och snanb'ilc cot yailal, yujto caw ji'ltixn̈ej on̈ 'eltec 'a Egipto. Ya' sb'a pitzn ex, 'a junjn ab'il yowlal tze na cot jun c'u yic queltec cha.

Dt 16:4

A 'a uque c'u cha, man̈x 'a cab' yich pan tz'ilchj 'a e cal 'a yol e chon̈b' cha. An̈jtona pax no chib'j tzeyac' xajmb'al-l cha, man̈x 'a cab' no tzcan eyuj 'a jun b'ab'l c'u cha, sec man̈x 'a no tzcan yico'oc junc xo c'u.