Ex 34:24 - Chuj San Sebastian Bible

²⁴ An 'oj wi'l jun tzo'n̈ 'anma 'aych 'a sat lum lum cha, ax sniwnb'i can e lum cha, may mach tzaln 'ica'anc lu'um, ya' sb'a tzex jaw 'a wojltac an e Diosal in tic.

Chuj San Mateo Bible

²⁴ Ol viq'uel masanil juntzan̈xo nación d'a eyichan̈, ol vac' levanb'oc e luum. Malaj mach syal yic'anec' lum e luum chi', yacb'an ayec' eb' vinac d'a vichan̈ oxel d'a yol ab'il.

Ex 34:24 ပူးပေါင်းရင်းမြစ်များ

Gn 15:18

Atn 'a yic jun c'u cha, 'ix yac' Jehová strato 'a jun 'ejmn̈ej yet' Abram, 'ix yaln 'a 'ixtic: —A jun lum tic, 'oj wac' 'a eb' en̈til, atta tzcot lum 'a sti a b'eymal a yic Egipto, masnto 'a sti a niwquil a Éufrates.

Gn 35:5

A yic x'elt eb' 'a jun lugar cha, a Dios x'a'n xiwc'ojlal 'a yib'n̈ smasnil eb' chon̈b' 'ayc' 'a stz'ey eb' cha, yuj cha, may eb' 'anma xpechn eb'.

A Ch'an̈ B'ab'el Libro Yic Yab'ixal Eb' Rey 5:1

A yic 'ix yab'n win Hiram sreyl Tiro, chajtlto a Salomón 'ix 'och reyl sjelc smam, 'ix schecn cot schecb' 'a 'a, yujto swach'c'ojl sb'a win yet' David.

1 Cr 4:10

'Ix leslwi win 'a qui Diosalec an̈ israel on̈c tic, 'ix yalni: Tzin tew 'aych Mamin, to tzac' a yaxilal 'a wib'an̈. Tzin nib'j to niwquil in lu'um, tzin nib'j tzach 'och pax wet'oc, yic tzin a coln 'el 'a yailal, sec wach' matz in 'ixtxi, xchi 'a slesal. Ax Dios 'ix 'a'n tas 'ix sc'an cha.

2 Cr 17:10

Yuj cha, a smasnil jun tzo'n̈ chon̈b' 'ay 'a sla'nil Judá, caw 'ix xiw eb' 'a Jehová, man̈xtoc x'och eb' 'a owl yet' Josafat.

Job 1:10

yujto may junc mach tza chaj 'i'noc 'ec' junc tas 'a winac, atn tas 'ay 'a yol yatut yet' smasnil tas 'ay 'a 'a. Ach tzac' a wach'c'ojlal 'a yib'n̈ smasnil tas tzlaj sb'o', tza'n pax niwtjoc scajb'en noc' win 'a yolyib'n̈q'uinal.

Salmos 120:1

A yic 'ayn 'och 'a in somc'ojlal, ax 'aych Mamin Jehová ata xwal in b'a, yuj cha, in a ta'wni.

Salmos 78:55

'Ix yi'n can 'el jun tzo'n̈ eb' 'anma chuc chon̈b'al 'a yojltac eb' qui mam quichmec cha. Junjn petn̈ xyutj spojn can 'ec' lum lum chi 'a junjn 'in̈tal eb'. 'Ix can cajn eb' qui mam quichmec chi 'a slum eb' chuc chon̈b'al cha.

Salmos 80:8

Mamin Jehová, a 'a Egipto 'ix 'ej cot jun te snun uva; 'ix a pechn 'el jun tzo'n̈ chuc nacion̈al 'a sat slu'um, ax 'a slum eb' chi 'ix awj can pax te uva cha.

Ex 33:2

An 'oj wac' b'ab'ljoc jun wángel eyu'uj, a 'oj e jucb'tzani. 'Oj wi'l eb' 'anma 'ay 'a sat lum lum cha, atn eb' cananeo, eb' amorreo, eb' hitita, eb' ferezeo, eb' heveo yet' eb' jebuseo.

Ex 34:11

Yicljec smasnil tas 'ix wal 'ayx tic, sec an xo 'oj wi'l eb' 'anma chi 'aj 'oj e c'och cha, atn eb' amorreo, eb' cananeo, eb' hitita, eb' ferezeo, eb' heveo yet' eb' jebuseo.

Pr 16:7

Toto tzchaj sc'ojl Jehová qui b'eyb'alec, to 'ixta', ax eb' 'ajc'ojl yajch 'ayn̈ec, tz'och eb' 'a junc'ojlal quet'ec.

Lv 18:24

Man̈ eyixtc 'el e b'a yet' jun tzo'n̈ tic, yujto a yet' jun tzo'n̈ tic, xyixtj 'el sb'a jun tzo'n̈ nacion̈ 'oj in satl 'a eyojltac.

A Tas Sc'ulejnac Eb' Schecab' Jesús Hechos 18:10

yujto 'ayn 'ec' et'oc. May junc mach 'oj stac' scot jucnjoc 'ayach, yujto til wal mach sic'b'il xon 'el wuj 'a yol jun chon̈b' tic, xchi 'a 'a.

Dt 12:20

A yic tox xyac' Jehová qui Diosalec lewnb'oc lum e lum cha, 'icha wal yaj yaln cani, toto 'ay 'aj tzcot e nib'n e chin chib'ej, tztac' e chini, yaln̈ej tas c'ual.

Dt 16:16

Smasnil eb' winac, yowlal 'ox'ejm tz'och eb' 'a yojltac Jehová Dios 'a junjn ab'il, atn 'a jun lugar 'oj si'l yico'oc cha. A jun tzo'n̈ q'uin̈ 'aj 'oj 'och eb' cha, atn tic: Q'uin̈ yic 'ixm pan may yich, q'uin̈ yic tzlajw spolx trigo, yet' q'uin̈ Chinama. May cab' junc mach tzsat sc'ojl yi'n 'at yofrenda 'a yojltac Jehová.

Dt 19:8

Toto a Jehová qui Diosalec, 'oj yac' niwnb'oc lum e lum cha, ax ya'n smasnil lum 'ayex, 'icha wal yutjnac yaln can 'a eb' qui mam quichmec,

Dt 7:1

'Ix yaln pax Moisés 'ixtic: A Jehová qui Diosalec, a 'oj eyi'n 'och 'a sat lum lum 'oj yac' 'ayx cha. A pax 'oj 'i'noc 'el uque niwc chon̈b'al eb' 'anma caw 'ay yip 'a eyojltac: Atn eb' hitita, eb' gergeseo, eb' amorreo, eb' cananeo, eb' ferezeo, eb' aveo yet' eb' jebuseo.