Ex 34:20 - Chuj San Sebastian Bible

²⁰ Ax pax yuj sb'ab'l 'une no 'axna jun, tztac' yajx junc no yune calnelu mto junc no yune chiwo sjelc no', palta toto may no wach' yajx sjelc no', tze c'uychtej sjaj no yune b'uru cha. An̈jtona yuj pax eb' e b'ab'l 'unnal cha, tztac' eya'n junc no yune calnelu sjeloc. May cab' junc mach tzsat sc'ojl yi'n cot yofrenda 'ayin.

Chuj San Mateo Bible

²⁰ Axo pax sb'ab'el yune' noc' e b'uru, syal yac'ji junoc yune' calnel sq'uexuloc noc'. Tato malaj junoc sq'uexul noc' tzeyac'a', yovalil smac'ji q'uichaj sjaj noc'. An̈eja' pax yuj e b'ab'el vinac unin, yovalil tzeyac' junoc noc' yune' calnel sq'uexuloc. Malaj junoc mach sja d'ayin d'a q'uin̈ tato malaj jab'oc yofrenda yed'nac.

Ex 34:20 ပူးပေါင်းရင်းမြစ်များ

A Ch'an̈ Schab'l Libro Samuel 24:24

'Ix yaln win rey 'a Arauna 'ixtic: —Yuj wal dios 'ayach, palta yowlal tzin man jun tzo'n̈ tic 'ayach, yujto ma'oj stac' wa'n tz'a xajmb'al 'a Jehová qui Diosalec, toto man̈ manb'ilc wu'uj, xchi David. Yuj cha, 'ix smann David jun te'lab' trigo cha, yet' no wacax, a stojol, 50 q'uen tumn plata xyac' 'a winac.

Ex 13:10

'A junjn ab'il ax qui nanec cot jun q'uin̈ tic; atn 'a jun 'uj ch'oxb'il can tic.

Ex 13:12

a yic cha, 'oj qui pojc 'el eb' qui b'ab'l winc 'unin, yet' no sb'ab'l 'une no qui cajb'en noc', atn no smam, yujto yic Jehová yaj eb'.

Ex 13:13

Palta ax no sb'ab'l 'une no 'axna, toto smam no', a junc no calnelu, mto junc no chiwo tzca'c sjelc no', toto matz ca'c no calnelu cha, tzqui c'uychtejec 'el sjaj no yune b'uru cha. 'Ixta pax yuj qui b'ab'l winc 'unin, yowlal tz'ajx junc no calnelu sjelc eb'.

Ex 13:15

Yujto a yic 'ix pitb' 'el snab'en win rey, ma'ix yal sc'ojl win on̈ ya'c 'elta, ax Jehová a 'ix miln cham sb'ab'l 'unnal eb' 'aj Egipto, yet' sb'ab'l 'une no scajb'en noc' eb'. Yuj cha, a no sb'ab'l 'une no qui cajb'en noc', tzqui milc cham no xajmb'al-l 'a Jehová. Tzca'n pax junc no sjelc eb' qui b'ab'l winc 'unin.

Ex 22:29

Man̈ e tench wan e b'a eya'n eyofrenda 'ayin: Atn ofrenda yic smasnil sb'ab'l sat eyawb'en. A eb' e b'ab'l winc 'unin, yowlal tzeyac' eb' 'ayin,

Ex 23:15

A 'a jun 'uj Abib sb'i, ata tze na sq'uin̈l 'ixm pan may yich, 'icha wutjnac waln 'ayex. Uque c'u tze waj 'ixm pan may yich, yujto a 'a yic jun 'ujl cha, ata ex 'elt 'a Egipto. May cab' junc mach tzsat sc'ojl yi'n cot yofrenda 'a wojltac.

Nm 18:15

Smasnil sb'ab'l 'unnal eb' et israelal, yet' sb'ab'l 'une scajb'en noc' eb' tzyac' 'ayin, ec tz'aji. Palta a yuj eb' sb'ab'l 'unnal eb' 'anma cha, yet' sb'ab'l 'une no noc' to matz tac' yoch xajmb'alil, tza c'an q'uen tumn sjeloc.

Dt 16:16

Smasnil eb' winac, yowlal 'ox'ejm tz'och eb' 'a yojltac Jehová Dios 'a junjn ab'il, atn 'a jun lugar 'oj si'l yico'oc cha. A jun tzo'n̈ q'uin̈ 'aj 'oj 'och eb' cha, atn tic: Q'uin̈ yic 'ixm pan may yich, q'uin̈ yic tzlajw spolx trigo, yet' q'uin̈ Chinama. May cab' junc mach tzsat sc'ojl yi'n 'at yofrenda 'a yojltac Jehová.