Ex 33:17 - Chuj San Sebastian Bible

¹⁷ 'Ix yaln Jehová 'ixtc 'a Moisés: A jun tzo'n̈ paxti tzal tic, 'oj in b'o 'icha tzal cha, yujto caw tzach wa'ch yipc in c'ojol, caw wojc ach paxi, xchi Dios 'a Moisés.

Chuj San Mateo Bible

¹⁷ —A juntzan̈ lolonel tzal tic ol in c'ulej, yujto te ay in tzalajc'olal ed'oc, vojtac val a pensar sic'lab'il, xchi Jehová d'a vin̈.

Ex 33:17 ပူးပေါင်းရင်းမြစ်များ

Gn 18:32

'Ix yaln Abraham jun 'ejm xo: —'Ac' wal niwnc'ojlal 'ayn Mamin, ach Wajlil matz cot cab' owl 'ayin, cojxn jun 'ejm tic tzin tew 'ayach. ¿Tas tzotej toto cojxn lajn̈wan̈ 'anma wach' sb'eyb'al tz'ilchj o'oj? xchi. 'Ix yaln pax Dios 'a 'a: —Toto 'ay lajn̈wan̈ 'anma wach' sb'eyb'al, matz in satl jun chon̈b' cha, xchi Dios.

Gn 19:19

Caw wal niwn xo e wach'c'ojlal tze ch'ox 'ayin, 'in to in e colcn 'elta, sec matz in chami. Palta matz tac' in 'at 'a jolmctac witz cha, tecn tzin yamchj yuj jun yailal chi 'a yol b'e, ax in chami.

Gn 19:21

'Ix yaln jun ángel chi 'ixtc 'a 'a: —Tox 'ix wab'i, b'o cab' 'icha tzal cha, ma'oj in satl jun chon̈b' tzal cha.

Gn 6:8

Cojxn wal Noé wach' snab'en 'a sat Jehová.

Ex 33:12

'Ix yaln Moisés 'ixtc 'a Jehová: —Mamin, ach 'ix al 'ayin to an tzin jucb'tzej jun chon̈b' tic, palta ma'ix al 'ayin mach tzcolwj wet'oc. 'Ix aln paxi chajtlto 'ojcab'iln o'oj, 'ay a tzaljc'ojlal wet' alni.

Is 45:3

Ax ricoal to c'ub'b'il 'eli yet' tas to c'ultac yaji, 'oj wac' 'ayach, sec wach' tzojquej 'eli to an ton Jehová in, sDiosal in chon̈b' Israel, an ach wawtej.

Is 65:24

A yic mantzac in yawtj eb', toxn b'ab'l in ta'w 'a eb'; a yic mantzac lajw spaxtin eb' 'ayin, wojc xo tas chi tzyal eb'.

Jn 16:23

A 'a jun c'ul cha, man̈x 'a tas 'oj e c'anb'c 'ayin. Wal yel tzwal 'ayex, jantcn̈ej tas 'oj e c'an 'a qui Mam Dios 'a in b'i, 'oj ya'n̈j 'ayex.

Dt 9:19

Caw wal in xiwi yic xwab'n scot yowl Jehová 'a eyib'an̈. A xwutj wab'ni, tox ex lajw 'el yuj muc'uc. Palta 'ix yab' to wal Jehová tas xwal 'a jun 'ejm xo cha.

Santiago 5:16

Yuj cha, tzlaj eyal-lac e paltail 'ayx junjn ex. Tzex laj leslwi pax eyuj junjn ex, sec wach' 'oj laj b'oxc e c'ojol. A eb' tojl xon sb'eyb'al, a yic tzleslwi eb' 'a Dios, caw 'ay yel'ch slesl eb' cha. Til wal tas tztac' yuj eb'.