Ex 31:14 - Chuj San Sebastian Bible

¹⁴ A jun c'u cha, niwn cab' yel'ch 'a e sat. A mach matz yiclni jun sc'ul 'iljelal cha, tojln̈ej schami. An̈jtona', toto 'ay mach tzmunlj 'a jun c'u cha, 'ajx cab' 'och 'a yol sc'ab' chamel.

Chuj San Mateo Bible

¹⁴ Nivanocab' yelc'och jun sc'ual ic'oj ip chi' d'a yol e sat. A mach max c'anab'ajan jun c'ual ic'oj ip chi', yovalil schami. Yaln̈ej mach smunlaj d'a jun c'u chi', yovalil schami.

Ex 31:14 ပူးပေါင်းရင်းမြစ်များ

Nehemías 9:14

'Ix a cuyn eb', sec tzyiclj eb' sc'ul 'iljelal yuj ach yi'n chan̈ eb'. 'Ix a'n a checnb'il, a cuynb'il caw yel yet' a ley 'a win a checb' Moisés, sec tzyiclj eb'.

Ex 20:8

Niwn cab' yel'ch sc'ul 'iljelal 'a e sat. A 'a jun c'u cha, ata smoj eyi'n chan̈ in b'i an Jehová in.

Ex 30:33

Toto 'ay mach tzb'on junc xo perjuma 'icha wal jun cha, mto tzcomn tzicj 'och 'a junc comn 'anma', a jun mach 'ixta tzb'o cha, 'ijx cab' 'el 'a e cal, xchi Dios.

Ex 30:38

A mach tzb'on junc xo incienso 'icha jun cha, secn̈ej to wach' yec' sjab' tzyab'i. A jun cha, 'ijx cab' 'el 'a e cal, xchi Dios.

Ex 31:15

A 'a waque c'u tztac' tzex munlji, palta ax 'a yucl c'u tzex 'ilji, yujto an Jehová in, wic yaj jun c'u cha. Tzann̈j mach tzmunlj 'a sc'ul 'iljelal cha, tojln̈ej cab' schami.

Ez 20:16

Yujto ma'ix syiclj eb' in ley yet' in checnb'il, ma'ix syiclj pax eb' sc'ul 'iljelal to wic yaji, an̈j 'a jun tzo'n̈ yechl comn dios 'aych snab'en eb'.

Ez 20:21

Palta ax eb' 'unnab'il cha, 'ix meltzj pax 'och eb' 'ajc'ojlal 'ayin, ma'ix syiclj eb' in ley yet' in checnb'il, wach'xam to a tz'a'n sq'uinl eb' tzb'eylb'ani. Ma'ix syiclj pax eb' sc'ul 'iljelal, yuj cha, xin nani to tzwa'ch syailal eb' yuj yowl in c'ojol, yic tzin satn 'el eb' 'a lum cusltac lum cha.

Ez 20:24

Yujto ma'ix sb'eylb'ej eb' in ley yet' in checnb'il, ma'ix syiclj eb' sc'ul 'iljelal to wic yaji, 'ix ya'n 'och eb' snab'en 'a jun tzo'n̈ sdiosal smam yicham,

Ez 44:24

An̈jtona', toto 'ay mach 'ay yowal, a eb' 'oj b'onc yaj jun owl cha, 'icha wal yaln sleyl 'aycn wu'uj. 'Oj syiclc eb' smasnil in checnb'il yic jun tzo'n̈ q'uin̈ wic yaji, yet' pax sleyl sc'ul 'iljelal.

Lv 16:29

A jun tic ley tz'ajcn 'a e cal 'a smasnil tiempo. A 'a yic lajn̈e yoch yucl 'uj, ata tzex 'och 'a c'ajb'c'ojlal ax israel ex tic, yet' eb' chuc chon̈b'al cajn 'a e cal. May junc mach tzmunlj 'a jun c'u cha,

Jn 7:23

Ax tic, 'in tzeyac' circuncidar eb' 'unn 'a sc'ul 'iljelal, sec matz ex 'ec' 'a yib'n̈ jun ley yic Moisés cha. Toto 'ixta', ¿tas yuj tzex owx 'ayin, yujto xwac' b'oxc sc'ojl jun win ya'ay 'a sc'ul 'iljelal cha?