Ex 31:13 - Chuj San Sebastian Bible

¹³ Al 'a smasnil eb' et israelal to yowlal tzyiclj eb' sc'ul 'iljelal, yujto a jun c'u cha, wic yaji. A jun cha, a 'aycn 'och sch'oxnb'ilc in trato eyet' 'a smasnil tiempo, sec wach' tzeyojquej 'eli, to an Jehová in tic, an ex in si'cn 'och wico'oc.

Chuj San Mateo Bible

¹³ Al d'a eb' etchon̈ab' to yovalil sc'anab'ajej jun sc'ual ic'oj ip eb', yujto vic yaji. Yujto a jun c'u chi' yechel in trato yajcanoch d'a co cal eyed'oc d'a masanil tiempo yic vach' tzeyojtaquejeli to a in Jehová in tic ix ex in sic'canel vicoc.

Ex 31:13 ပူးပေါင်းရင်းမြစ်များ

Nehemías 9:14

'Ix a cuyn eb', sec tzyiclj eb' sc'ul 'iljelal yuj ach yi'n chan̈ eb'. 'Ix a'n a checnb'il, a cuynb'il caw yel yet' a ley 'a win a checb' Moisés, sec tzyiclj eb'.

Ex 31:12

'Ix yaln pax Jehová 'a Moisés 'ixtic:

Ex 31:17

Jun 'ejmn̈ej tzcan jun ch'oxnb'il tic 'a in cal eyet' ax israel ex tic, xchi Dios. Yujto waquen̈ej c'u 'ix munlj Jehová yic sb'on satcha'an̈ yet' lum lum tic, ax 'a yucl c'u, 'ix 'ilji.

Is 56:2

Caw tzaljc'ojlal yic eb' tzyiclni jun tzo'n̈ checnb'il tic, tzb'eylb'an eb', tzyiclni pax eb' sc'ul 'iljelal, matz 'ec' eb' 'a yib'an̈, caw tzya'ilj sb'a eb', matz comn 'a'j 'at sb'a eb' 'a scal maysch'olnil, xchi Dios.

Jeremías 17:22

An̈jtona', man̈ eyic' 'elt pax junc eyictz 'a yol eyatut 'a yic sc'ul 'iljelal. Man̈ ex munljoc pax 'a jun c'u cha, yuj e ch'oxn 'eli to wic jun sc'ul 'iljelal cha, 'icha wal wutjnac waln can 'a eb' e mam eyicham.

Ez 20:12

'Ix waln 'a eb' to tzyiclj eb' sc'ul 'iljelal yic tzcheclj 'eli to wic eb', to 'ay in trato yet' eb'. An Jehová in, an si'jnac 'el eb'.

Ez 20:20

Tzeyiclni sc'ul 'iljelal yujto wic yaji, ch'oxnb'il tz'ajcn jun c'u chi 'a in cal eyet'oc, sec tzeyojquej 'eli, to e Diosal in, xin chi 'a eb'.

Ez 37:28

A yic 'oj can jun watut chi 'a e cal 'a jun 'ejmn̈ej, atta 'oj nachjoc 'el yuj jun tzo'n̈ xo nacion̈ to sic'b'ilx 'el wuj wico'oc, xchi Dios.

Ez 44:24

An̈jtona', toto 'ay mach 'ay yowal, a eb' 'oj b'onc yaj jun owl cha, 'icha wal yaln sleyl 'aycn wu'uj. 'Oj syiclc eb' smasnil in checnb'il yic jun tzo'n̈ q'uin̈ wic yaji, yet' pax sleyl sc'ul 'iljelal.

Lv 19:3

Yiclum tzeyutj e b'a junjn ex 'a e mam e nun. Tzeyiclj sc'ul 'iljelal, an Jehová e Diosal in, an tzwala.

Lv 19:30

An Jehová in, an tzwala to yowlal tzeyiclj sc'ul 'iljelal. 'Ay cab' yel'ch in cajnub' 'a e sat.

Lv 20:8

A wal in ley tze b'eylb'ej, tzeyiclni paxi, yujto an Jehová in tic, an tzex wij 'och wico'oc.

Lv 21:8

'Ay cab' sjelpal eb' 'a e sat, yujto a eb' tz'a'n 'och 'ixm pan ofrendail 'a wojltac. Yuj cha, chuc cab' yel eb' 'a e sat, yujto an Jehová in tic, caw wach'nn̈ej, an xin si'cn 'el eb' sec caw wach' tz'ajcn eb'.

Lv 23:3

Waque c'u tzex munlji, ax 'a yucl c'ual, ata tzeyam e b'a yic tzex 'och 'emmquilal 'ayin. Yaln̈ej 'ajtil 'ayx 'eq'ui, may xon junc mach tzmunlji, yujto sc'ul 'iljelal yic tzin eyi'n cha'an̈.

Lv 25:2

Al jun tzo'n̈ checnb'il tic 'a eb' et israelal to an tzwal 'ixtic: A yic 'ayx xo 'ec' 'a sat lum lum 'oj wac' eyico'oc, yowlal 'oj eyac' 'iljoc lu'um, yuj eyi'n chan̈ in b'i an Jehová in.

Lv 26:2

An Jehová in, an tzwala. Yowlal tzeyiclj sc'ul 'iljelal, yujto wic yaj jun c'u cha. Niwn cab' pax yel'ch in cajnub' 'a e sat.

Am 8:5

Ax tic tzeyal 'ixtic: Comnoc tzjapx q'uin̈ yic tzpa'x 'uj sec 'oj sta'x qui chon̈n qui trigo. Comnoc tzjapx sc'ul 'iljelal muc'uc sec 'oj stac' qui chon̈n sat cawb'en 'a chan̈ stojol, ax qui c'anlb'an quechtab' to man̈ tz'acnoc.

Mt 23:17

Ax tic caw may e nab'en, 'icha to matz uj eyiln jab'oc. ¿'Aja jun yel xo 'ay yel'ch tze na'a? ¿Tom a jun oro chi sch'ocoj, mto a jun yatut Dios cha? A jun oro cha, yujn̈ej to a 'a yatut Dios 'aychi, yuj cha, yic Dios yaji.

Jn 17:17

Ach tza wach' tojlb'tzej snab'en eb' yet' a paxti caw yel. Cojxn a paxti chi caw yel.

Jn 17:19

Yuj swach'loc eb', yuj cha, tzwac' in b'a 'ayach, yic wach' tz'och eb' eco'oc wal 'a yel.

Dt 5:12

Niwn cab' yel'ch sc'ul 'iljelal 'a e sat. A 'a jun c'u cha, ata smoj eyi'n chan̈ in b'i an Jehová in, 'icha wal yaj waln can 'ayex.

1 Ts 5:23

A Dios 'a'm junc'ojlal. Tzqui nib'j on̈, a tzex wach' 'i'n 'och yico'oc si'mb'il. Tzqui nib'j pax on̈, a tz'a'n cuenta e pixan, e nab'en, yet' pax e niwnal, sec may jac e mul ax sjaw Cajlil Jesucristo.

San Judas 1:1

An tic Judas in, ya'mal in servil Jesucristo. Wu'tac in b'a yet' Jacobo. Tic tzin tz'ib'j 'at jun in carta tic 'ayx ax 'awtb'ilx xo 'el yuj qui Mam Dios. Chamc'ojlb'ilx xo yu'uj. Tan̈b'ilx xo yuj Jesucristo.