Ex 30:31 - Chuj San Sebastian Bible

³¹ Tzlajw cha, tzaln yab' smasnil eb' et israelal jun tzo'n̈ tic. To a yic 'oj b'ey tiempo, a jun perjuma tzb'o cha, to wicn̈ej tz'aji, yujto a 'oj c'anlb'axc 'a yic 'ay junc tas tz'ochcn wico'oc.

Chuj San Mateo Bible

³¹ Tzalan d'a masanil eb' etisraelal: Ayic ol b'eyn̈ejb'at tiempo, aton jun aceite tic ol c'anchaj d'a tastac to vic ol ajcanoc.

Ex 30:31 ပူးပေါင်းရင်းမြစ်များ

Salmos 89:20

'Ix 'ilchj jun in checb' wu'uj, atn David. A perjuma tzc'anlb'axi yic 'ay junc tas tz'och wico'oc, a xwac' 'ajxoc q'ue 'a sjolom yic xin ch'oxn 'eli to xq'uecn c'och reyal.

Ex 29:21

Ax schic'l no tzcan 'a yib'n̈ jun yet'l xajmb'al cha, tzac' scalc sb'a yet' jac perjuma tzc'anx 'a yic 'ay junc tas tz'och wico'oc. Tza tzicn 'och 'a Aarón yet' spichul. Tza'n pax 'och 'a eb' yunnal yet' spichul, sec 'ixta tz'aj eb' yochcn wico'oc yet' spichl cha.

Ex 30:30

Tza tzicch pax perjuma chi 'a Aarón yet' 'a eb' yunnal, sec 'ixta tzotj a'n can 'och eb' ya'malc 'och sti eb' 'anma 'ayin.

Ex 30:32

Matz tac' scomn 'a'n 'och jun perjuma chi 'a junc comn 'anma', matz tac' pax scomn b'o junc xo perjuma 'icha jun cha. Yujto a jun perjuma cha to wicn̈ej yaji, matz tac' scomn yamxi.

Ex 37:29

Xya'n pax Bezaleel b'o jun perjuma yicn̈ej Jehová yaji, yet' pax jun incienso caw wal wach' sjab', caw wach' x'aj sb'o 'icha tzyutj junc mach sb'on perjuma cha.

Lv 21:10

A win sat ya'mal 'och sti eb' 'anma', 'ay yopiso win ya'n 'och te pichl ya'ilb'il yaj sb'o'i, yujto 'ac'b'ilq'ue perjuma 'a sjolom yic si'x can 'ochi. Yuj cha, matz tac' scomn 'em tzicn xil sjolom, mto tziljat spichul yic tzch'oxn 'el junc scusc'ojlal.

Lv 8:12

Xlajw cha, xya'n pax q'ue Moisés perjuma 'a sjolm Aarón, yuj yochcn ya'malc 'och sti eb' 'anma 'a Dios.