Ex 3:13 - Chuj San Sebastian Bible

¹³ Xlajw cha, 'ix yaln pax Moisés 'ixtc 'a Dios: —Caw wal 'ajltac jun tic, q'uinloc an tzin 'at paxtinc 'a eb' wit israelal cha, tzwaln 'ixtc 'a eb': A qui Diosalec yet' eb' qui mam quicham, a tzin checn cot 'ayex, toto xin chi 'a eb', ax sc'anb'n am eb' 'anma chi 'ayin: ¿Tas sb'i jun tzal cha? xchi am eb' 'ayin. ¿Tas pax tzwutj ta'wc in b'a 'a eb'? xchi Moisés.

Chuj San Mateo Bible

¹³ Ix tac'vixi vin̈aj Moisés chi' icha tic: —A ol aj jun tic, q'uinaloc b'at in lolon d'a eb' vetisraelal, ol valan d'a eb' to a co Diosal yed' eb' co mam quicham, a ix in checancot d'ayex, ta xin chi d'a eb', axom ol yalan eb' d'ayin: ¿Tas sb'i jun mach tzal chi'? xcham eb' d'ayin. ¿Tas svutejpax tac'voc in b'a? xchi vin̈.

Ex 3:13 ပူးပေါင်းရင်းမြစ်များ

Gn 32:29

—A ticnec al a b'i 'ayin, xchi Jacob 'a winac, yuj cha, xyaln win 'a 'ixtic: —¿Tas yuj tza c'anb'j in b'i? xchi. Xlajw cha, xyaln can win wach' paxti 'a yib'n̈ Jacob cha.

Ex 15:3

A Jehová caw jeln 'a owal; Jehová ton wal sb'i.

Ex 3:12

'Ix ta'w pax Jehová, 'ix yaln 'ixtic: —Wal yel an 'oj woch et'oc, 'ay jun ch'oxnb'il 'oj wac' 'ayach, chajtlto an tzach in checb'ti. Ax yic tox 'ix 'elt eb' in chon̈b' chi oj 'a Egipto cha, ax wul eya'nc 'ejm e b'a 'ayn 'a jun witz tic, xchi Dios.

Ex 3:14

'Ix ta'w pax Jehová 'ixtc 'a Moisés: —AN TIC 'AYNÑEJ XON 'EQ'UI. 'Ixta tzotj aln 'a eb' et chon̈b' cha: AN TON TIC, an tzach in checb'ti, xchi Dios.

Ex 3:15

'Ix yaln pax Jehová 'ixtc 'a Moisés: —Al 'ixtc 'a eb' et chon̈b' cha: A Jehová qui Diosalec yet' eb' qui mam quichmec, atn Abraham, Isaac yet' Jacob, a in checn cot colwjoc 'ayex, xa chi 'a eb'. A 'in b'i tic, 'ayc' 'a jun 'ejmn̈ej; 'oj b'inaxc 'a smasnil tiempo yuj eb' eyin̈tl b'aq'uin̈.

Ex 7:16

Ata tzal 'ixtc 'a winac: A Jehová qui Diosal an̈ israel on̈ tic on̈, a tzin checn cot 'ayach; to tza'l eb' wit chon̈b' tic 'a libre yic tz'at ca'nc 'emmquilal 'a qui Diosal 'a lum cusltac lum chi 'on̈; palta 'in an̈ja matz a chaj ab'i'.

Pr 30:4

¿Mach wal junc xit'q'ue 'a satcha'an̈, 'ix 'empaxta? ¿Mach junc tztac' syamn 'och wan 'ic' 'a yol sc'ab'? ¿Mach junc tztac' spichn 'och a mar 'a yol spotil? ¿Mach jun x'a'n can 'ejm smon̈jonal lum lum tic? Alc 'ayin toto eyojtac tas sb'i, tas pax sb'i yunnal.

Is 52:6

Yuj cha, 'oj c'och sc'ual, ax in yojcan pax 'el eb' in chon̈b' tic, 'oj nachjoc 'el yuj eb' to an paxtinnacn 'a eb', 'aynn̈ej pax 'ec' yet' eb', xchi Dios.

Is 7:14

Yuj cha, caw a Dios 'oj ch'oxnc eyil junc senya cha: 'Ay jun cob's 'ix, 'oj pitzwc chan̈ jun 'unn 'a 'ix. 'Oj 'aljoc jun swinc 'unin, ax ya'n sb'ic Emanuel.

Is 9:6

Yujto x'alj jun winc 'unn 'a qui calec, a Dios 'ix 'a'n jun 'unn tic 'ayn̈ec. A jun 'unn tic, 'oj 'ajxoc yopiso ya'n Yajlil, ax yajx jun tzo'n̈ b'i tic 'a 'a: Satjub'tac snab'en, Dios tztac' yuj smasnil, Mamb'il 'a smasnil tiempo, Syajlil junc'ojlal.

Jeremías 23:6

A 'a yol stiempoal yic 'oj ya'nc reyl cha, caw 'oj colchjoc can 'el eb' 'aj Judá, yet' pax eb' 'aj Israel, man̈x 'a tas 'oj sna eb'. Atn jun b'i tic 'oj 'ajxoc sb'ioc: A Jehová Tzon̈ B'onyajec 'A Stojlal, 'ixta 'oj sb'ioc, xchi.

Mt 1:21

A jun 'unn 'oj 'aljoc cha, winc 'unin. 'Oj ac' sb'ic JESÚS, yujto a 'oj colnc can 'elt eb' schon̈b' 'a yaln̈ smul, xchi jun ángel 'a José cha.

Mt 1:23

'Ay jun cob's 'ix, mant 'a xon junc winc tzyi'aj, palta 'oj pitzwc chan̈ jun 'unn 'a 'ix. 'Oj 'aljoc jun swinc 'unin, ax ya'n sb'ic Emanuel, xchi. (Emanuel tzyal 'el'chi, 'ayc' Dios quet'oc).

A Tas Sc'ulejnac Eb' Schecab' Jesús Hechos 3:13

A qui Diosalec, atn sDiosal eb' qui mam quichmec, atn Abraham, Isaac, yet' Jacob, yu'uj, caw niwn x'aj yel'ch Jesús, atn Yunnal. Palta ax tic, xeya'ch 'a yol sc'ab' ewin yajal. A win Pilato, snib'j cob' win ya'l 'a libre. Ax xo, ma'ix yal e c'ojol.

Jueces 13:17

Yuj cha, xyaln pax Manoa 'ixtc 'a jun yángel Jehová cha: —Comnoc tzalcn a b'i 'ayn̈ on̈, sec a yic 'oj 'el'choc jun tas tzalcn tic, 'oj ach qui na coti, xchi.

Jueces 13:6

Xlajw cha, x'at 'ix 'at yal 'a win yichmil cha, xyaln 'ix 'ixtic: 'Ay wal jun win schecb' Dios xjaw 'a 'aj 'ayn 'ec' cha. Caw wal sat in c'ojl yu'uj. Lajn wal yilx 'och 'icha junc eb' yángel Dios. Ma'ix in c'anb'j 'a 'a, 'ajtil xcoti, man̈oc 'ix aln pax sb'i 'ayin.