Ex 29:40 - Chuj San Sebastian Bible

⁴⁰ A yet' no tza b'ab'l 'a'j tz'a cha, tzac' tz'a pax chan̈e'oc libra 'ixm harina caw wal wach'. Caln tzotj yet' junc litro yaceiteal te olivo. Tza secn pax 'ejm junc litro yal uva ofrendail 'a yib'an̈.

Chuj San Mateo Bible

⁴⁰ Tzac' chan̈eoc libra harina te vach' yed' noc' stz'a d'a q'uin̈ib'alil chi', tza calej ixim harina chi' yed' junoc litro aceite yic sat te' olivo, tza secanem junoc litro vino ofrendail.

Ex 29:40 ပူးပေါင်းရင်းမြစ်များ

Gn 35:14

Xlajw cha, sayn win jun q'uen q'uen c'atn xoj, slin̈n can chan̈ win q'uen 'a 'aj xpaxtin yet' Dios cha, secn can 'ejm win aceite yet' yal uva 'a yib'n̈ q'ue'en, yuj siylab'il 'a Dios.

A Ch'an̈ Schab'il Libro Yic Yab'ixal Eb' Rey 3:20

Ax x'aji, a 'a junx sq'uin̈b'ial, 'a yorail yajx xajmb'al, ata 'ix pitzw cot a a 'a yol yic Edom, c'uxn 'ix b'ut'j 'el sat lum lum chi yuj a'.

Ex 16:36

(A jun 'echtab' cha, gomer sb'i, 'aym nan̈loc yoxl litro a tz'ejm 'a yojol.)

Ex 29:39

Jun no tzac' tz'a 'a sq'uin̈b'ial, junx no tzac' tz'a 'a yemc'ual.

Ex 29:41

'Ixta pax tzotj junx no quelm calnelu chi 'ayn 'a yemc'ul cha. Tzac' tz'a no yet' 'ixm harina, yet' pax yal uva cha. A jun tzo'n̈ ofrenda cha, caw wal wach' sjab' tzwab'i.

Ex 30:24

yet' lajchwec libra te acacia. Tz'echtax jun tzo'n̈ chi yet' jun echtab' tzc'anx 'a in cajnub'. Nan̈l schan̈l litro pax yaceiteal te olivo.

Is 57:6

Ex israel, caw wal tzchaj e c'ojl eyaln e b'a 'a eb' e diosal 'a scal q'uen q'uen n̈el-li yilx 'a yoltc sb'e a', a jun tzo'n̈ chi tzeya'ch e diosaloc. A 'a jun tzo'n̈ chi 'aj tze sec 'ejm yal uva, tzeya'n sat eyawb'en ofrendail 'a 'a. ¡Am tzeyutj e nani to ma'oj wa'ch eyailal yuj jun tzo'n̈ tze b'o cha!

Ez 20:28

A yic xwi'n 'och eb' 'a sat lum lum 'aj wa'jnac in ti wa'n 'a eb', cojn wal yic x'och eb' 'a lu'um, 'ix yiln 'och eb' lum tzalctac, eb' te te pim xi'il. Axta 'ix laj sn̈us eb' xajmb'al, xlaj ya'nc eb' yofrenda 'a jun tzo'n̈ sdiosal, atn jun tzo'n̈ chi tzuntzn cot yowl in c'ojl 'a yib'n̈ eb'. 'Ix ya'n tz'a eb' jun tzo'n̈ incienso, xlaj stob'n q'ue eb' jun tzo'n̈ yal uva 'a yib'n̈ jun tzo'n̈ cha.

Ez 4:11

Ax 'a junjn c'u, mel-l litro a a tzoq'uej, checln̈ej pax yorail 'aj tzo'j a'.

Ez 45:17

Ax win yajl cha, a win tz'och 'ajcuentail ya'n tz'a no xajmb'al tz'a'i, 'ixm harina, yal uva tz'ajx ofrendail 'a yic tzpac' 'uj, 'a yic sc'ul 'iljelal, 'a yic tzjaw junjn q'uin̈ 'a chon̈b' Israel. A pax win 'oj 'a'nc no xajmb'al yic stojl mul, yet' yofrendail 'ixm trigo, no xajmb'al tz'a'i, yet' no xajmb'al yic junc'ojlal, sec tz'ajx niwnc'ojlal smul eb' israel cha.

Ez 45:24

Ax yet' junjn no quelm wacx cha, yet' pax junjn no mam calnelu, yowlal tz'ajx junc arroba 'ixm trigo ofrendail yet' junjn no'; yowlal tz'ajx pax nan̈lschan̈chn̈il litro aceite yet' junjn no'.

Ez 46:11

A 'a junjn q'uin̈, yowlal tz'ajx junjn arroba 'ixm harina ofrendail yet' junjn quelm wacax, yet' junjn mam calnelu, ax pax yet' no quelm calnelu jun, yaln̈ej jantc tz'ajxi. Nan̈lschan̈l litro aceite tz'ajx yet' junjn arroba harina.

Ez 46:14

An̈jtona 'a junjn sq'uin̈b'ial, tz'ajx pax tz'a chan̈e'oc libra 'ixm harina ofrendail 'a 'ayin, yet' pax junc litro aceite. A jun aceite cha, ton̈j tzsecx q'ue 'a yib'n̈ 'ixm harina cha. Ley tz'ajcn jun tic 'a smasnil tiempo.

Ez 46:5

Yowlal tz'ajx pax junc arroba harina ofrendail yet' no mam calnelu cha, ax pax 'a no quelm calnelu jun, yaln̈ej jantc tz'ajx yet' no', nan̈lschan̈l litro aceite tz'ajxi yet' junjn arroba harina.

Ez 46:7

Tz'ajx jun arroba harina ofrendail yet' no quelm wacx cha, 'ixta tz'ajx yet' no mam calnelu, ax pax yet' e no quelm calnelu cha, yaln̈ej jantc tz'ajxi, nan̈lschan̈l litro aceite yet' junjn arroba harina.

Os 9:4

Man̈x 'oj stac' eya'n yal uva ofrendail yuj eyi'n chan̈ Jehová, ma'oj scha pax e xajmb'al ta'. A tas 'oj e c'uxu', lajn 'icha tas tzc'uxx 'a yic 'ay junc chamel, yuj cha, a eb' 'oj c'uxnoc, man̈ wach'c 'oj 'ajcn eb' yu'uj. 'Oj b'ut'joc eb' yu'uj, palta ma'oj stac' yi'n 'at eb' jac 'a yatut Jehová.

Jl 1:13

A wal ax tic ex ya'mal 'och qui ti 'a Dios, ex tzex 'a'w servil 'a jun yet'l xajmb'al, 'a'c 'och e pichl n̈achtac sat yic cusc'ojlal. 'Ochn̈ec 'a yojl yatut Dios yuj tan̈j 'ac'wal. 'O'n̈ec yuj yailal, yujto a 'a yatut Dios man̈x 'a 'ixm trigo yet' yal uva tz'ajx ofrendail.

Jl 1:9

'Ixta cab' tz'aj yoc' eb' ya'mal 'och qui ti 'a Dios, yujto man̈x 'a tas tzc'uxxi, man̈x 'a pax yal uva 'a yatut Dios, atn wal jun tzo'n̈ ofrenda tz'ajx 'a Jehová.

Jl 2:14

Meltzjan̈c 'a 'a, toq'ue matz ya'ch yailal 'a quib'n̈ec, ax tz'aji, tzya'n cot yaxilal 'a quib'n̈ec, atn qui trigo, yet' yal qui uva. Yuj cha, 'ay tas tztac' ca'nec ofrendail 'a 'a.

Lv 23:13

Tzeya'n pax b'aln̈e'oc libra 'ixm harina caw wach' yet' no', caln tz'aj yet' aceite, sec ax yic tz'ajx tz'a 'a wojltac, su'q'ui cab' yec' sjab'. Tzeya'n junc litro yal uva ofrendail yet' jun tzo'n̈ cha, sec a tzsecx q'ue 'a yib'an̈.

Nm 15:24

Toto 'ay junc checnb'il tic tz'at satc'ojlal yuj eb' chon̈b' smasnil, 'oj e mol 'a'c junc no quelm wacx xajmb'al-l 'ayn an Jehová in, tzeya'n tz'a no', yujto wach' sjab' tzwab'i, tzeya'n pax 'ixm harina yet' yal uva, 'icha yaj sleyal. Chuc pax tz'ajx junc no chiwo xajmb'al-l 'ayn yuj ya'n lajwc e mul cha.

Nm 15:7

'Ec'b'al cab' pax jun litro yal uva tz'ajx yet'oc, yujto a jun tzo'n̈ xajmb'al cha, wach' sjab' tzwab'i.

Nm 28:10

A jun tzo'n̈ xajmb'al cha, tz'ajx 'a yic sc'ul 'iljelal, tz'ajx pax yal uva yet'oc, chuc pax yaj xajmb'al tz'ajx 'a junjn c'u.

Nm 28:24

'Ixtnta tz'aj jun tzo'n̈ chi 'a junjn c'u, yic 'ay uque c'u q'uin̈ cha, tz'ajx tz'a jun tzo'n̈ ofrenda cha, caw wach' sjab' tzwab' an Jehová in. Chuc pax yaj xajmb'al tz'ajx xon 'a junjn c'u yet' yal uva.

Nm 28:5

Ax pax ofrenda tz'ajx 'a 'ixm harina caw wach', tz'ajx chan̈e'oc libra 'ixm harina cha, wach' tz'aj scalx yet' junc litro yaceiteal te olivo.

Nm 29:16

Tzeya'n junc no mam chiwo xajmb'alil, sec tz'ajx can lajwc e mul 'a eyib'an̈. Tzeya'n pax no xajmb'al tz'ajx 'a junjn c'u, tzeya'n 'ixm harina ofrendail yet' no', yet' pax yal uva.

Nm 4:16

A Eleazar yunnal Aarón ya'mal 'och sti eb' 'anma 'ayin, a tz'iln aceite tzc'anx 'a cantil, incienso caw wal wach' sjab', ofrenda 'a 'ixm trigo to yowlal tz'ajx 'ayin, yet' perjuma tzc'anlb'ax 'a yic tzsi'x 'och junc 'anma wico'oc, mto junc xo tas. A tztan̈wni in cajnub' yet' smasnil syamc'ab'il, xchi Dios.

Dt 32:38

jun tzo'n̈ tzchin 'ejm xepual no 'e xajmb'al, tzyu'n pax eb' 'an̈ tzlaj eyac' 'a 'a? Cot cab' eb' ex scolo', q'uecab' wan eb' ex stan̈woc.

A Scarta San Pablo D'a Eb' Aj Filipos 2:17

Yujto eya'jnac 'och e c'ojl 'a Cristo, wan eya'n 'och e b'a 'a yol sc'ab' 'icha junc xajmb'al. An xo tic, tzwac' in b'a 'a Cristo pax eyet'oc. Yuj cha, wach'xam 'oj in milx chamoc yic tz'acw junc e xajmb'al cha, 'oj in tzaljn̈ej pax eyet'oc.