Ex 29:37 - Chuj San Sebastian Bible

³⁷ A 'a uque c'u cha, tza'n̈j tz'a no xajmb'al 'a yib'n̈ yet'l xajmb'al cha, yuj ya'n lajwc mul. 'Ixta wal tz'ajcn yoch jun yet'l xajmb'al chi wico'oc. Tzann̈j junc tas tztench sb'a 'a 'a, tz'ochcn pax junc chi wico'oc.

Chuj San Mateo Bible

³⁷ Uque' c'ual tzac' silab' d'a yib'an̈ altar chi', yic tz'ac'ji lajvoc mul. Icha val chi' tz'aj yochcan jun altar chi' vicoc, tz'och d'a yopisio. Yaln̈ej tastac tz'och tennaj d'a jun altar chi', vicxo tz'ajcani.

Ex 29:37 ပူးပေါင်းရင်းမြစ်များ

2 Cr 7:9

Uque c'u 'ix sna eb' sq'uin̈l jun yet'l xajmb'al, xlajw cha, 'ix snan pax eb' uque xo c'u q'uin̈ yic Chinama. Ax 'a junx c'u 'ix ya'n 'och eb' junx niwquil q'uin̈ 'a slajub'.

Ex 40:10

Tza tzicch pax jun perjuma chi 'a yib'n̈ jun yet'l 'aj tz'a no xajmb'al, yet' pax 'a smasnil syamc'ab'il. 'Ixta tzotj a'n can 'och 'a yopiso, yujto wicn̈ej tz'ajcni.

Ez 43:20

Tzlajw cha, tze'n cot jac chic' cha, tza tzicn 'och 'a sch'ac jun yet'l xajmb'al chi 'a junjn yisquinyoal, atn jun 'ay 'a snan̈l cha. Tza tzicn 'och pax 'a jun 'icha smuroal cha, atn jun b'echn chan̈ 'a stitc cha. 'Ixta wal 'oj otc a sacb'tzan can yuj mul.

Ez 43:25

Uque c'u 'oj ya'n̈j tz'a eb' no xajmb'al cha, 'oxtcwan̈ yajx tz'a no 'a junjn c'u, jun quelm chiwo, jun quelm wacax yet' jun mam calnelu, e no may spaltail.

Dn 9:24

'Oj 'ec' 70 seman 'a yib'n eb' et israelal, yet' 'a yib'n̈ jun a chon̈b' to yicn̈ej Dios yaji, masnto 'oj lajwc 'ec' tenmtaquil yet' maysch'olnilal, ax yajx lajwc smasnil mul. Atta 'oj jawc jun tojl b'eyb'al 'a jun 'ejmn̈ej. A yic cha, 'oj 'el'choc tas 'ilb'il yuj eb' schecb' Dios 'a waychil, yet' tas alb'il can yuj eb'. 'Ixta to b'i'an, ax yajx 'och yopiso jun sic'b'il 'el yuj Dios.

Lv 16:16

'Ixta wal 'oj yutc Aarón sacb'tzan jun cuarto wicn̈ej yaj in ch'ocoj, yuj smul mto yuj stenmtacl eb' eyit israelal. An̈jtona', 'ixta pax 'oj yutc sacb'tzan jun Mantiado 'aj tzin chaj in b'a eyet'oc, yujto 'ayc' eyet' 'a scal e maysch'olnilal.

Lv 6:11

Tzlajw cha, tzjeln pax 'el win spichl cha, tz'at ya'nc win stan̈il no xajmb'al chi 'a jun lugar wach' yaj sb'o 'a spatquil 'el camplamento.

Lv 8:11

An̈jtona jun perjuma cha, a stzicch uc 'ejm 'a spatquil jun yet'l xajmb'al cha, 'a yib'n̈ smasnil syamc'ab'il, 'a yib'n̈ jun niwquil palagan, yet' 'a sb'achnub'al yalan̈. 'Ixta x'ajcn jun tzo'n̈ chi yochcn 'a yopiso yu'uj.

Hageo 2:12

Q'uinloc 'ay junc winc 'et'jnac jac chib'ej, pichb'il 'och yuj 'a yol spichul, q'uinloc wic yaj jac chib'j cha, yujto 'ix 'ajx xajmb'alil. Toto tztench sb'a sti spichl chi 'a 'ixm pan, mto 'a junc schib'l wal tajnac xo, mto 'a te yal uva, mto 'a aceite, mto 'a jun tzo'n̈ocx tas tzc'uxxi, ¿tom yuj cha, yic Dios tz'ajcn jun tzo'n̈ tas tzc'uxx cha? xa chi 'a eb'. Ax yaln eb' ya'mal 'och sti eb' 'anma cha, chajtlto ma'ay, xchi 'ayin.

Mt 23:17

Ax tic caw may e nab'en, 'icha to matz uj eyiln jab'oc. ¿'Aja jun yel xo 'ay yel'ch tze na'a? ¿Tom a jun oro chi sch'ocoj, mto a jun yatut Dios cha? A jun oro cha, yujn̈ej to a 'a yatut Dios 'aychi, yuj cha, yic Dios yaji.

Mt 23:19

Yuj cha, caw may e nab'en, 'icha to matz uj eyiln jab'oc. ¿'Aja jun yel xo 'ay yel'ch tze na'a? ¿Tom a jun ofrenda cha, mto a jun yet'l xajmb'al cha? A jun ofrenda cha, yujn̈ej to 'ayc' 'a yib'n̈ jun yet'l xajmb'al, yuj cha, yic Dios yaji.