Ex 29:31 - Chuj San Sebastian Bible

³¹ Tzlajw cha, tze'n cot no mam calnelu cha, no tzc'anx yuj si'nb'ilc 'och junc mach 'a yopiso, ax schib'jal no', ata tza tz'an̈ 'a junc lugar sic'b'il 'el wico'oc.

Chuj San Mateo Bible

³¹ Tzic'anpaxb'at noc' calnel ix b'inaji yic tz'ochcan yopisio eb'. A d'a jun lugar sic'b'ilpaxeli, ata' tza tz'an̈ noc'.

Ex 29:31 ပူးပေါင်းရင်းမြစ်များ

Ex 29:30

A junc eb' yin̈tl Aarón tz'och ya'malc 'och sti eb' 'anma cha, atn smoj yoch 'a yol Mantiado 'a 'aj tzin chaj in b'a eyet'oc, yic tzin ya'n servil 'a yol in cajnub' cha. A yic tzchan yopiso cha, yowlal 'aychn̈ej jun pichl chi yuj 'a uque c'ual.

Ex 29:32

Ax Aarón yet' eb' yin̈til, a eb' 'oj chinoc schib'jal no calnelu cha, yet' pax 'ixm pan 'ay 'ejm 'a yojl te yune xu'uc. 'Oj sc'ux eb' 'a yojl Mantiado 'a 'aj tzin chaj in b'a eyet'oc.

Ez 42:13

'Ix yaln jun winc chi 'ayn 'ixtic: A jun tzo'n̈ cuarto 'ay 'a sti 'amc' 'a stojlal sur, yet' jun tzo'n̈ xo 'ay 'a stojlal norte, yicn̈ej eb' ya'mal 'och sti eb' 'anma 'a Dios yaji. Atn eb' tz'a'n servil Jehová, ata tzc'ux eb' jun tzo'n̈ xajmb'al tz'ajx 'a Dios. A pax ta tzmol eb' jun tzo'n̈ xajmb'al mto jun tzo'n̈ ofrenda tz'ajx yuj yajx lajwc mul, mto yuj stojloc mul cha. A jun tzo'n̈ cuarto cha, to yic Dios yaji.

Lv 8:22

'Ix ya'n Moisés 'ijxoc cot junx no mam calnelu cha, no tzc'anlb'ax 'a yic yochnb'il eb' 'a yopiso. Ax Aarón yet' eb' yunnal xyac' q'ue sc'ab' 'a sjolm no'.

Lv 8:31

'Ix yaln Moisés 'ixtc 'a Aarón yet' 'a eb' yunnal: Tz'an̈x cab' no chib'j tic 'a yamq'uil 'elt Mantiado 'a 'aj tzqui chaj qui b'a yet' Dios, axta tze chi no ta', yet' 'ixm pan 'ay 'ejm 'a yol te yune xu'uc, atn 'ixm 'ac'b'il yuj yic eyochcn 'a eyopiso; yujto yaljnac can Jehová 'ixtic: A Aarón yet' eb' yunnal, a eb' 'oj c'uxnc jun tzo'n̈ tic yet' no chib'j cha, xchi.

A Ch'an̈ B'ab'el Libro Samuel 2:13

May pax yel'ch sleyl xajmb'al 'a eb'. A yic tzya'n junc mach xajmb'al, tzjaw junc win ya'mal servil ewin yunnal Elí cha, 'a 'aj wan staj no chib'ej, yet' win jun niwquil cuchara 'oxe ye.

A Ch'an̈ B'ab'el Libro Samuel 2:15

An̈jtona', a yic mantzac tz'a xepual no xajmb'al, tzc'och junc win ya'mal servil eb' yunnal Elí cha, tzyaln win 'ixtc 'a win tzyac' xajmb'al cha: 'Ac' jac no chib'j tic 'ayin yic tzin b'oln schi win ya'mal 'och sti eb' 'anma tic, yujto ma'oj scha win schi no tajnac chib'j chi 'ayach, palta a no yaxto 'oj sc'an winac, xchi.