Ex 29:30 - Chuj San Sebastian Bible

³⁰ A junc eb' yin̈tl Aarón tz'och ya'malc 'och sti eb' 'anma cha, atn smoj yoch 'a yol Mantiado 'a 'aj tzin chaj in b'a eyet'oc, yic tzin ya'n servil 'a yol in cajnub' cha. A yic tzchan yopiso cha, yowlal 'aychn̈ej jun pichl chi yuj 'a uque c'ual.

Ex 29:30 ပူးပေါင်းရင်းမြစ်များ

Gn 8:10

Uqueto c'u 'ix stan̈wj Noé, 'ix ya'n 'elt win no 'uch chi jun 'ejm xo.

Gn 8:12

Uqueto pax c'u stan̈wj winac, 'ixta to b'i'an, sjacn 'elt win no jun 'ejm xo, palta man̈xtoc xmeltzj no'.

Ex 12:15

Uque c'u 'oj e wa 'ixm pan may yich cha. A 'a yic b'ab'l c'u, tze julcn 'el smasnil yich pan 'ayc' 'a eyatut junjn ex. Toto 'ay junc mach tzwan 'ixm pan 'ay yich 'a e cal 'a jun c'u cha, yowlal tz'ijx 'el 'a e cal.

Ex 29:29

A spichl Aarón tzya'ch yuj yopiso, 'oj cann̈j jun tzo'n̈ chi 'a eb' yin̈tl b'aq'uin̈. 'Oj yico'oc junc yin̈tl cha, atn junc eb' 'oj 'och sjelc ya'malc 'och sti eb' 'anma 'ayin.

Ex 29:31

Tzlajw cha, tze'n cot no mam calnelu cha, no tzc'anx yuj si'nb'ilc 'och junc mach 'a yopiso, ax schib'jal no', ata tza tz'an̈ 'a junc lugar sic'b'il 'el wico'oc.

Ex 29:35

Atn smasnil jun tzo'n̈ chi tza b'o 'a Aarón yet' pax 'a eb' yunnal, 'icha wal tzwutj waln 'aych tic, 'ixta wal tzotej. Uque c'u tzyi'aj, yic tzchan can eb' yopiso cha.

Ez 43:26

A 'a yol uque c'u cha, 'oj ya'n̈j tz'a eb' no xajmb'al tz'ajx tz'a yuj ya'nc lajwc mul, sec 'ixta 'oj 'aj yochcn jun yet'l xajmb'al chi 'a yopiso.

Lv 13:5

Ax yic tzlajw uque c'u cha, tz'ilx pax jun 'anma chi yuj win jun 'ejm xo. Toto a jun yab'il cha, yajn̈j yaji, matz b'eyi, tzmacx can pax jun 'anma chi uque'ocx c'u.

Lv 16:32

Yuj cha, a yic 'oj cham win sat ya'mal 'och sti eb' 'anma cha, a junc yunnal, a 'oj 'ochx can sjeloc. 'Oj q'ue aceite 'a sjolom, ax ya'n junc xajmb'al yuj yochcn 'a yopiso cha, ax ya'n 'och te pichl lino, te ya'ilb'il yaj sb'o'i.

Lv 9:1

Ax 'a yucb'ixial yoch Aarón 'a yopiso, 'ix 'awtx yuj Moisés yet' eb' yunnal, yet' eb' yichmtac wincal chon̈b' Israel.

Lv 9:8

'Ix 'ochch Aarón 'a stz'ey yet'l xajmb'al cha, 'ix smiln cham win no quelm wacx xyac' xajmb'al-l yuj smul.

Nm 20:28

A yic xc'och eb' 'a lum jolm witz cha, 'ix yi'n 'el Moisés spichl Aarón, ax 'a win Eleazar, ata 'ix ya'x can 'ochi. Xlajw xoj cha, xchamcn Aarón 'a lum jolm witz cha. Cojxn cha, 'ix pax 'emt Moisés yet' Eleazar.

A Ch'an̈ Carta D'a Eb' Hebreo 7:26

Yuj cha, atn jun sat ya'mal 'och qui tic 'a Dios, caw 'ay yopiso 'ayn̈ec. Caw wach'n̈ej. May jac maysch'olnilal 'aych 'a 'a. May pax jac smul. Caw man̈ lajnoc sb'eyb'al 'icha eb' 'ajmul. Yel xo niwn yel'ch 'a yib'n̈ jantcn̈ej tas 'ay 'a satcha'an̈.