Ex 29:12 - Chuj San Sebastian Bible

¹² Tza b'on̈n yune a c'ab' 'a jac schic'l no', tza sucn 'och 'a sch'ac jun yet'l xajmb'al chi 'a junjn yisquinyoal. Ax smasnil schic'l no cha, tza sec 'ejm 'a yaln̈ yoctc yet'l xajmb'al.

Chuj San Mateo Bible

¹² Tzic'anq'ueta jab'oc schiq'uil noc' yed' yiximal a c'ab', tza sucanoch d'a sch'ac altar ayq'ue d'a schiquintac, axo masanil chic' scan chi', tza tob'canec' d'a yichtac altar chi'.

Ex 29:12 ပူးပေါင်းရင်းမြစ်များ

Ex 27:2

Tza'n 'ajxoc 'och sch'ac 'a junjn yisquinyoal. A jun tzo'n̈ sch'ac cha, junn̈j tz'aj sb'o yet' jun yet'l xajmb'al cha. Tzlajw cha, tza'n 'ajxoc 'och bronce 'a 'a.

Ex 29:11

A 'a yojltac 'elt Mantiado, ata tza mil cham no quelm wacx chi 'a wojltac.

Ex 30:2

Lajn tz'aj 'a schan̈ paq'uil. 45 centímetro spac'b'il, 45 centímetro pax schiquin. 90 centímetro tz'aj ste'il. Tz'och pax sch'ac 'a junjn yisquinyoal, junn̈j tz'aj sb'o 'a smasnil.

Ex 38:2

A 'a junjn yisquinyoal, ata 'ix 'och junjn sch'a'ac, junn̈j x'aj sb'o yet' jun yet'l xajmb'al cha, xlajw cha, xya'n 'ajxoc 'och bronce 'a 'a.

Lv 16:14

Tzyi'n cot jac schic'l no quelm wacx cha, tzlab'n 'ejm yune sc'ab' 'a scal, tzicn 'och 'a yib'n̈ smac te caxa chi 'a stojlal 'aj tzq'uel c'u. Tzlajw cha, tzicn 'och chic' chi yet' yune sc'ab' uc 'ejm 'a yojltac 'elt smacl sti te caxa cha.

Lv 4:18

Tzb'on̈n 'och win jac schic'l no chi 'a sch'ac jun yet'l 'aj tz'a incienso 'a wojltac an Jehová in, 'a yol Mantiado cha. Ax smasnil schic'l no tzcani, tzsecx can 'ejm 'a yich jun yet'l xajmb'al 'ay 'a yojltac 'elt Mantiado, 'a 'aj tz'a no xajmb'al.

Lv 4:25

Tzlajw cha, ax junc win ya'mal 'och sti eb' 'anma chi tz'i'n cot jac schic'l no yet' yune sc'ab', tzb'on̈n 'och 'a sch'ac jun yet'l xajmb'al 'a 'aj tz'a xon no cha. A jantc to schic'l no tzcani, tzsecx can 'ejm 'a yich jun yet'l xajmb'al cha.

Lv 4:30

Ax junc win ya'mal 'och sti eb' 'anma', a tz'i'n cot jac schic'l no yet' yune sc'ab', tzb'on̈n 'och 'a sch'ac jun yet'l xajmb'al 'a 'aj tz'a xon no xajmb'al cha, ax jantc to schic'l no tzcani, tzsecx can 'ejm 'a yich jun yet'l xajmb'al cha.

Lv 4:34

Ax junc win ya'mal 'och sti eb' 'anma chi tz'i'n cot jac schic'l no yet' yune sc'ab', tzb'on̈n 'och 'a sch'ac jun yet'l xajmb'al 'aj tz'a xon no xajmb'al cha. A jantc to schic'l no tzcani, ata tzsecx can 'ejm 'a yich jun yet'l xajmb'al cha.

Lv 4:7

Tzb'on̈n 'och win jac schic'l no 'a sch'ac jun yet'l 'aj tz'a incienso, jun 'aych 'a wojltac 'a yol Mantiado cha. Ax smasnil schic'l no tzcani, ata tzsecx can 'ejm 'a yich jun yet'l xajmb'al 'ay 'a yojltac 'elt Mantiado cha.

Lv 5:9

Tzlajw cha, tzb'on̈x 'och jac schic'l no 'a junc spac'b'il yet'l xajmb'al cha, ax jantc to schic'l no tzcani, tzwach' secx can 'ejm 'a yich jun yet'l xajmb'al cha, yujto xajmb'al yic mul yaji.

Lv 8:15

Smiln cham Moisés no', 'ix yi'n 'at jab' schic'l no yet' yune sc'ab', sb'on̈n 'och 'a sch'ac jun yet'l xajmb'al 'aych 'a schicn schan̈il, sec wach' chab'il yuj Dios. Ax jantc to chic' xcani, 'ix seccn 'ejm 'a yich yet'l xajmb'al cha. 'Ixta x'ajcn jun chi yochcn yico'oc Dios, sec wach' tz'ajx can lajwc mul.

Lv 9:9

Xlajw cha, xyi'n cot eb' yunnal Aarón no schic'l no xajmb'al cha, xya'n 'och eb' 'a stz'ey. Xya'n 'ejm Aarón yune sc'ab' 'a scal schic'l no noc' cha, sb'on̈n 'och 'a sch'ac yet'l xajmb'al, ax jantc to schic'l no xcani, ata seccn 'ejm 'a yich yet'l xajmb'al cha.

A Ch'an̈ Carta D'a Eb' Hebreo 10:4

Yujto a schic'l no mam wacax, yet' schic'l no quelm chiwo, matz tac' yi'n 'el jac qui mulec.

A Ch'an̈ Carta D'a Eb' Hebreo 9:22

Tztac' calnec, to yuj jun ley cha, yowlal tzsacb'tzax smasnil tas yet' chic'. May junc mach tzlajw can smul, toto may chic' tz'el yuj smul cha.

Apoc 6:9

A jun tzcuch Calnelu cha, a yic 'ix sn̈i'chtan jun yol seyo, 'ix wiln jun yet'l 'aj tz'a xajmb'al. A 'a yalan̈, ata 'ay spixn eb' milb'il cham yuj spaxti Dios, yujto ya'jnac testigoal sb'a eb' yu'uj.