Ex 28:42 - Chuj San Sebastian Bible

⁴² Tza'n b'o pax scutin wex eb' tzya'chi. Tz'em'ch 'a xub' eb', tzq'ue'ch pax 'a snan̈l eb', wach' tz'aj sb'o yet' te lino ch'al.

Chuj San Mateo Bible

⁴² Tzac'anpax b'ojoc yol svex eb', tz'emc'och d'a xub' eb', sq'uepaxc'och d'a snan̈al eb', yic vach' tz'aj smuschaj snivanil eb'. Lino c'apac tz'och d'a yol svex eb' chi'

Ex 28:42 ပူးပေါင်းရင်းမြစ်များ

Ex 20:26

A jun yet'l xajmb'al 'oj e b'o cha, man̈ latz'quixtacc tzeyutj 'icha c'o'och, yic wach' a yic tzex q'ue 'a yib'an̈, matz 'ilx e niwnal, xchi Dios, xchi Moisés.

Ex 39:28

An̈jtona', 'ix b'o pax te sc'oxl sjolom, yet' jun tzo'n̈ xo sc'oxl sjolm eb', yet' pax te cutin wex, 'ix b'o eb' te 'a te lino ch'al ch'umb'il.

Ez 44:17

A yic tz'och eb' 'a 'aj 'ay junx 'amc' 'a yojl 'och cha, yowlal tzya'ch eb' spichl nab'a lino, may cab' junc spichl eb' to lana 'aych yu'uj, yic tzin ya'n servil eb' 'a jun 'amc' cha, mto 'a watut.

Ez 44:18

Lino cab' sc'oxl sjolm eb' 'ay q'ue'i, lino cab' pax scutin wex eb' tzya'chi, may cab' sjal-l snan̈l eb' tzya'chi, sec matz 'el yalil eb'.

Lv 16:4

Yowlal tz'achn can b'ab'el, 'ixta to b'i'an, tzya'n 'och spichul: atn sjucn pichul, scutin wex, sjal-l snan̈al yet' pax sc'oxl sjolom. A jun tzo'n̈ pichl cha, linon̈ej smasnil, ya'ilb'il yaj sb'o'i.

Lv 6:10

Ax 'a junx sq'uin̈b'ial, a junc win ya'mal 'och sti eb' 'anma cha, yowlal tzya'ch win spichl caw wach', yet' scutin wex b'ob'il 'a te lino. Tzlajw cha, tzmoln chan̈ win stan̈il no noc' tz'ajx tz'a 'a yib'n̈ yet'l xajmb'al cha, tzsecn 'ejm 'a junc spac'b'il jun yet'l xajmb'al cha.

Apoc 3:18

Yuj cha, tzwaln 'ayex, caw tze b'o e b'eyb'al. Toto 'ixta', 'icha to 'oj e man jun oro b'ob'il 'a scal c'ac' 'ayin, sec 'oj e cha wal jun e ricoal 'a yel. 'Icha to 'oj e man pax jun e pichl caw sac 'ayin, sec man̈xtzac ex q'uixwi yujto 'icha to jitn ex 'eli. An̈jtona', 'icha to 'oj e succh yan̈l yol e sat, sec 'oj stac' eyilni.