Ex 28:37 - Chuj San Sebastian Bible

³⁷ Tza'n jalxc 'och q'uen placa chi 'a te sc'oxl sjolm Aarón, 'a te yic snan̈l sat. Sin̈n̈i tz'aj sjalx 'och yet' sch'an̈l b'ob'il 'a te q'uic'mucnac ch'al.

Chuj San Mateo Bible

³⁷ Tz'och jun q'uen oro jaylechinac chi' d'a snan̈al sat sc'ox vin̈aj Aarón chi', stzec'chajoch q'uen yed' junoc ch'al b'ayb'il q'uic'mutz'inac.

Ex 28:37 ပူးပေါင်းရင်းမြစ်များ

Ex 28:28

'Ixta wal 'oj 'aj schan sb'a eb' q'uen argoya yic te smacl sn̈i sc'ojl cha, yet' q'uen yic te camx chaleco. Tzlajw cha, tz'ec' jun sch'an̈l 'a yojl eb' q'uen argoya cha, jun sch'an̈l b'ob'il yet' q'uic'mucnac ch'al, sec 'ixta 'oj 'aj scan q'uet te smacl sn̈i sc'ojl chi 'a yib'n̈ 'aj tzjalx te camx chaleco cha, sec wach' matz 'el xuynjoc te'.

Ex 28:31

Tza'n b'o te spotl te camx chaleco cha, tzb'o te 'a te q'uic'mucnac ch'al.

Ex 28:36

Tza'n b'o pax junx q'uen placa nab'a oro tz'aji. Tza'n 'ajxoc 'och jun tzo'n̈ paxti tic 'a q'ue'en. Yicn̈ej Jehová yaji, xchi jun stz'ib'l cha. 'Icha wal junc seyo, 'ixta wal tz'aji.

Ex 28:38

'Ixta wal 'oj yutc Aarón yi'n b'ey jun chi 'a snan̈l sat, yujto a yic tzya'n eb' israel yofrenda 'ayin, wach'xam 'ay spaltail eb', palta yuj jun placa cha, tzin chan yofrenda eb' cha.

Ex 28:4

A te pichl 'oj sb'o eb' cha, atn eb' te tic: Te smacl sn̈i sc'ojol, te camx efod sb'i 'icha chaleco, te spotl to jucan, te sc'oxl sjolom yet' te sjal-l yic snan̈al. Tzb'o jun tzo'n̈ pichl chi yet' te ch'al to nab'a lino, wach' pax tz'ajch yelwnub'al. 'Ixta wal 'oj 'aj sb'o spichl o'tac Aarón yet' eb' yunnal, yujto 'oj 'och eb' ya'malc 'och sti eb' 'anma 'ayin.

Ex 29:6

Tza'nq'ue sc'oxl sjolom, ax 'a te sc'oxl sjolm cha, ata tza'ch jun q'uen placa tzch'oxn 'eli, to wicn̈ej yaji.

Lv 8:9

Xlajw cha, xya'n q'ue sc'oxl sjolom, ax 'a yib'n̈ snan̈l sat, ata xya'ch jun q'uen placa nab'a oro. A tzch'oxni chajtlto sic'b'il 'el ya'malc 'och sti eb' 'anma 'a Dios, 'icha wal xyutj Jehová yaln 'a Moisés.

Zacarías 3:5

Xlajw cha, 'ix waln 'ixtc 'a 'a: Comnoc tz'ajx q'ue junc sc'oxl sjolm Josué chi caw wal sac, xin chi. Yuj cha, xya'n q'ue eb' sc'oxl sjolom, xya'n pax 'och eb' spichl yic q'uin̈ cha. Ya' sb'a cha, lin̈nn̈ej 'ec' yángel Jehová cha.

Nm 15:38

Al yab' eb' et israelal, to an tzwal jun tzo'n̈ tic: Ax tic, yet' eb' eyin̈tl b'aq'uin̈, yowlal tz'och yelwnub'l sti schicn e pichul. A jun tzo'n̈ yelwnub'l pichl cha, tzb'o 'a te q'uic'mucnac ch'al,