Ex 28:29 - Chuj San Sebastian Bible

²⁹ Ax yic tz'och Aarón 'a yojl in cajnub' 'a wojltac, 'aych jun pichl chi yu'uj, 'a 'aj 'aych eb' q'uen q'uen tzch'oxn 'el in nib'b'en. An̈jtona', a pax ta 'aych eb' q'uen q'uen 'aj 'aych sb'i eb' yunnal Israel, sec a yic tz'ochch 'a wojltac, tzin nan cot eb'.

Chuj San Mateo Bible

²⁹ Yuj chi', ayic tz'och vin̈aj Aarón chi' d'a yol in cajnub' d'a vichan̈ yed'nac sb'i eb' yin̈tilal Israel vin̈, yic tzin nacot eb' d'a masanil tiempo, yujto ayoch sb'i eb' d'a c'apac smacul sn̈i' sc'ool. A yopisio c'apac smacul sn̈i' sc'ol chi', yic tz'ojtacajeli tas snib'ej in c'ool.

Ex 28:29 ပူးပေါင်းရင်းမြစ်များ

Ex 28:12

Tzlajw cha, tza'n 'och eb' q'uen 'a te sc'ab' te pichl chi tz'ec' 'a squelb' te camx 'icha chaleco cha, tz'ochcn eb' q'uen snanb'ilc cot smasnil eb' yunnal Israel. Ax Aarón, 'oj yic b'ey jun tzo'n̈ b'i tic 'a squelab' yic tz'ochch 'a wojltac an Jehová in.

Ex 28:15

A te smacl sn̈i sc'ojl cha, yopiso te ya'n nachjc 'el yuj win sat ya'mal 'och sti eb' 'anma' tas in nib'b'en. Lajn wal tz'aj sb'o te 'icha te camx chaleco cha. Wach' tz'ajch yelwnub'al, tzb'o yet' oro, te q'uic'mucnac ch'al, te púrpura, te chac yet' te lino ch'umb'il.

Ex 28:28

'Ixta wal 'oj 'aj schan sb'a eb' q'uen argoya yic te smacl sn̈i sc'ojl cha, yet' q'uen yic te camx chaleco. Tzlajw cha, tz'ec' jun sch'an̈l 'a yojl eb' q'uen argoya cha, jun sch'an̈l b'ob'il yet' q'uic'mucnac ch'al, sec 'ixta 'oj 'aj scan q'uet te smacl sn̈i sc'ojl chi 'a yib'n̈ 'aj tzjalx te camx chaleco cha, sec wach' matz 'el xuynjoc te'.

Ex 28:30

A 'a yojl te smacl sn̈i sc'ojl cha, ata tz'och chab' xo q'uen q'ue'en, q'uen tzcuch Urim yet' q'uen Tumim: A jun tzo'n̈ q'uen cha, yopiso eb' sch'oxn 'el in nib'b'en; yowlal 'aychn̈ej 'a sn̈i sc'ojl Aarón yic tz'ochch 'a wojltac. 'Ixta wal 'oj yutc Aarón yi'n b'ey jun tzo'n̈ q'uen chi 'a wojltac an Jehová in.

Cantares 8:6

Comnoc matz chaj a c'ojl tas tzyal junc xo 'ix 'ix, cojn cab' wic tzchaj a c'ojol. May cab' junc xo mach tza la'coti, cojn in cab' tzin a la'coti. A qui chamc'ojlal 'ayn̈ junjn on̈, 'ay cab' yip 'icha chamel. 'Icha yet'l eb' chamnac, matz yactj 'el tas yamb'il yu'uj, 'ixta cab' qui chamc'ojlal tic, lajn cab' 'icha te stzac'ac' caw ow sn̈ilchji.

Jeremías 30:21

An Jehová in, an tzwala: A 'a e cal cha, ata 'oj 'eltoc mach 'oj 'och eyajliloc. A jun eyajlil cha, 'oj wac' jawc 'a in tz'ey, yujto wal yel, caw may junc mach tzte'wtzej sb'a sjaw 'a in tz'ey.

Ro 10:1

Ex wu'tac, ex wanab', caw tzin nib'j tzcolchj eb' wit israelal. Atn wal jun tic tzin c'an 'a Dios.