Ex 28:28 - Chuj San Sebastian Bible

²⁸ 'Ixta wal 'oj 'aj schan sb'a eb' q'uen argoya yic te smacl sn̈i sc'ojl cha, yet' q'uen yic te camx chaleco. Tzlajw cha, tz'ec' jun sch'an̈l 'a yojl eb' q'uen argoya cha, jun sch'an̈l b'ob'il yet' q'uic'mucnac ch'al, sec 'ixta 'oj 'aj scan q'uet te smacl sn̈i sc'ojl chi 'a yib'n̈ 'aj tzjalx te camx chaleco cha, sec wach' matz 'el xuynjoc te'.

Chuj San Mateo Bible

²⁸ Icha chi' schalan sb'a q'uen argolla yic c'apac sn̈i' sc'ool yed' q'uen yic c'apac chaleca chi'. A junoc an̈ ch'al pach'uch'ab'il q'uic'mutz'inac tz'och sch'an̈aloc yic syam sb'a, yic vach' a c'apac sn̈i' sc'ol chi' scan d'a yib'an̈q'ueta stzec'ul snan̈al c'apac chaleca chi', yic max yactej sb'a c'apac.

Ex 28:28 ပူးပေါင်းရင်းမြစ်များ

Ex 28:27

Tza'n b'o chab' xo q'uen argoya to oro tz'aji, tza'n 'och 'a sn̈i te sc'ab' tz'ec' pachn 'a squelb' te smacl sn̈i sc'ojol, te tzcotcn 'a yojltac. Junn̈j tz'ajcn 'aj tz'em'ch stz'isl te cha, palta 'a yib'n̈ to q'uet 'aj tzjalx te smacl sn̈i sc'ojol.

Ex 28:29

Ax yic tz'och Aarón 'a yojl in cajnub' 'a wojltac, 'aych jun pichl chi yu'uj, 'a 'aj 'aych eb' q'uen q'uen tzch'oxn 'el in nib'b'en. An̈jtona', a pax ta 'aych eb' q'uen q'uen 'aj 'aych sb'i eb' yunnal Israel, sec a yic tz'ochch 'a wojltac, tzin nan cot eb'.

Ex 28:31

Tza'n b'o te spotl te camx chaleco cha, tzb'o te 'a te q'uic'mucnac ch'al.

Ex 28:37

Tza'n jalxc 'och q'uen placa chi 'a te sc'oxl sjolm Aarón, 'a te yic snan̈l sat. Sin̈n̈i tz'aj sjalx 'och yet' sch'an̈l b'ob'il 'a te q'uic'mucnac ch'al.

Ex 28:8

Tzb'o pax sjal-l snan̈l te camx cha, sec a te tzjaln 'och te', junn̈j tz'aj sb'o 'a te q'uic'mucnac ch'al, te púrpura, te chac yet' te lino ch'umb'il.

Nm 15:38

Al yab' eb' et israelal, to an tzwal jun tzo'n̈ tic: Ax tic, yet' eb' eyin̈tl b'aq'uin̈, yowlal tz'och yelwnub'l sti schicn e pichul. A jun tzo'n̈ yelwnub'l pichl cha, tzb'o 'a te q'uic'mucnac ch'al,