Ex 28:17 - Chuj San Sebastian Bible

¹⁷ Tzlajw cha, tza'n 'ajxoc 'och chan̈ tzolc q'uen q'uen wach' yilx yelwnub'loc: a 'a jun b'ab'l tzol, tz'och jun q'uen rubí, jun q'uen crisólito yet' jun q'uen esmeralda.

Chuj San Mateo Bible

¹⁷ Tz'och q'uen q'ueen te' vach' yilji d'a c'apac sn̈i' sc'ool chi', chan̈ tzol tz'ajoch q'ueen. A d'a b'ab'el tzol, tz'och junoc q'uen rubí, junoc q'uen crisólito yed' junoc q'uen esmeralda.

Ex 28:17 ပူးပေါင်းရင်းမြစ်များ

Ex 28:11

A mach tz'a'n can 'och jun tzo'n̈ b'i chi 'a q'uen q'uen cha, a cab' junc mach yojc sb'on q'uen q'uen wach' yilxi. A tzb'on can 'och jun tzo'n̈ b'i cha, 'icha wal stz'ib'l junc seyo, 'ixta tz'ajcn 'ochi.

Ex 28:16

Chapacn tz'aji, lajn pax tz'aj sat 'a schan̈ paq'uil, 22 centímetro tz'aj junjn stitc cha.

Ex 28:18

'A schab'l tzol, tz'och jun q'uen granate, jun q'uen zafiro yet' jun q'uen jade.

Ex 28:9

Tzlajw cha, tze'n cot chab'oc q'uen cotc pachmb'a cornalina, ax 'a eb' q'ue'en, ata tzac' 'och sb'i smasnil eb' yunnal Israel.

Pr 20:15

Til wal q'uen oro yet' q'uen q'uen chan̈ stojl 'a yolyib'n̈q'uinl tic; palta a junc mach tzpaxtin yet' sjelnal, man̈ comnoc tz'ilchji.

Pr 3:15

A jelnal cha, yel xo wal 'ec'b'al yel'ch 'a yib'n̈ q'uen q'uen man̈x jantcoc sja'l yilxi, matz tac' slajb'tzax yet' jun tzo'n̈ tas caw wal nib'b'il.

Pr 31:10

A 'ix 'ix wach' snab'en to c'asan, man̈ comnoc tz'ilchj 'ix; yel xo wal niwn yel'ch 'ix 'a yib'n̈ q'uen q'uen caw chan̈ stojol.

Pr 8:11

Yel xo wal wach' jelnal 'a yib'n̈ jun tzo'n̈ q'uen q'uen chan̈ stojol, yet' 'a yib'n̈ smasnil tas tznib'x 'ochi.

Lm 4:7

A eb' 'aych yajlil 'a yol in chon̈b' tic, 'a 'a pecti', caw wach' yilx sniwnal eb' 'icha q'uen rubí, mto 'icha yilx q'uen zafiro.

Ez 28:13

A 'a scal te 'awb'ente 'a Edén, ata 'e'nc ach cajan, ax jun tzo'n̈ q'uen wach' yilxi, a eb' 'aych yelwnub'loc a pichul, atn eb' q'uen tic: Q'uen rubí, q'uen crisólito, q'uen jade, q'uen topacio, q'uen cornalina, q'uen jaspe, q'uen zafiro, q'uen granate yet' q'uen esmeralda. Ax tas yamjnac jun tzo'n̈ q'uen cha, nab'a oro. A jun tzo'n̈ tic lista xon yaj eb' yictax ach in b'on cani.

Malaquías 3:17

A Jehová tztac' yuj smasnil, a tzaln 'ixtic: 'Ay jun c'ual, 'oj in b'eyc'ojloc eb' 'anma', a eb' 'ay wel'ch 'a sat, caw 'oj in si'cn 'el eb', yic tz'ochcn eb' wico'oc. 'Icha junc mamb'il tz'o'ch sc'ojl 'a junc yunnal tz'a'n servil, 'ixta wal 'oj 'aj yo'ch in c'ojl 'a eb'.